ਮਹਾਂਮਾਰੀ ਵਿਚਾਲੇ ਲਗਜ਼ਰੀ ਫੇਸ ਮਾਸਕ
ਬੈਲਜੀਅਮ ਦੀ ਜਿਓਲਰੀ ਡਿਜਾਈਨਰ ਓਲੀਵੀਆ ਹੈਨੌਟ ਨੇ ਇਹ ਫੇਸ ਮਾਸਕ ਆਪਣੀ ਵਰਕਸ਼ੌਪ ਵਿੱਚ ਤਿਆਰ ਕੀਤਾ ਹੈ। ਓਲੀਵੀਆ ਮੁਤਾਬਕ, ਉਨ੍ਹਾਂ ਨੇ ਇਸ ਮਾਸਕ ਨੂੰ ਮਹਿੰਗੇ ਰਤਨਾਂ ਨਾਲ ਸਜਾਇਆ ਹੈ।
ਇੱਕ ਸਥਾਨਕ ਮੀਡੀਆ ਗਰੁੱਪ ਨਾਲ ਗੱਲਬਾਤ ਦੌਰਾਨ ਪੇਸ਼ੇਵਰ ਜ਼ਿਓਲਰੀ ਡਿਜਾਈਨਰ ਓਲੀਵੀਆ ਨੇ ਕਿਹਾ ਹੈ, “ਇਹ ਮਾਸਕ ਰੋਜ਼ਾਨਾ ਪਹਿਨਣ ਲਈ ਨਹੀਂ ਹੈ। ਕਿਸੇ ਵਿਆਹ-ਸ਼ਾਦੀ ਜਾਂ ਚੰਗੇ ਪ੍ਰੋਗਰਾਮ ਵਿੱਚ ਨੂੰ ਪਾਇਆ ਜਾ ਸਕਦਾ ਹੈ। ਪਰ ਇਸ ਨੂੰ ਤਿਆਰ ਕਰਨ ਪਿੱਛੇ ਵਿਚਾਰ ਸੀ ਕਿ ਕੋਵਿਡ-19 ਮਹਾਂਮਾਰੀ ਕਾਰਨ ਫੈਲੀ ਨਿਰਾਸ਼ਾ ਨੂੰ ਘੱਟ ਕਰ ਕੇ, ਉਸ ਵਿੱਚ ਕਿਉਂ ਨਾ ਥੋੜ੍ਹਾ ਮਜ਼ਾ ਲੱਭਿਆ ਜਾਵੇ।”
ਬੈਲਜੀਅਮ ਦੇ ਬ੍ਰਸੇਲਸ ਸ਼ਹਿਰ ਵਿੱਚ ਲੱਗੀ ਇੱਕ ਪ੍ਰਦਰਸ਼ਨੀ ਵਿੱਚ ਕਈ ਹੋਰ ਡਿਜਾਈਨਰਾਂ ਨੇ ਵੀ ਇਸ ਤਰ੍ਹਾਂ ਦੇ ਮਾਸਕ ਪੇਸ਼ ਕੀਤੇ।
ਭਾਰਤੀ ਬਾਜ਼ਾਰ ਵਿੱਚ ਆਮ ਮਾਸਕ ਦੀ ਕੀਮਤ 10 ਰੁਪਏ ਤੋਂ 100 ਰੁਪਏ ਵਿਚਾਲੇ ਹੈ ਪਰ ਓਲੀਵੀਆ ਨੇ ਜੋ ਮਾਸਕ ਤਿਆਰ ਕੀਤਾ ਹੈ, ਉਸ ਦੀ ਕੀਮਤ 12 ਤੋਂ 15 ਹਜ਼ਾਰ ਰੁਪਏ ਵਿਚਾਲੇ ਦੱਸੀ ਜਾ ਰਹੀ ਹੈ।