You’re viewing a text-only version of this website that uses less data. View the main version of the website including all images and videos.
ਪੂਰੀ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਦੀ ਲਾਗ ਵਾਲਿਆਂ ਦੀ ਗਿਣਤੀ 75 ਲੱਖ ਹੋਈ। ਇਕੱਲੇ ਅਮਰੀਕਾ ਵਿੱਚ 20 ਲੱਖ ਕੇਸ
ਹਰਿਆਣਾ ਦੇ ਇੱਕ ਪਿੰਡ ਵਿੱਚ ਮਨਰੇਗਾ ਉੱਪਰ ਨਿਰਭਰ ਕੁਝ ਮਜ਼ਦੂਰ ਔਰਤਾਂ ਨੂੰ ਪਰਵਾਸੀਆਂ ਦੇ ਪਰਵਾਸ ਦਾ ਇਸ ਤਰ੍ਹਾ ਹੋ ਰਿਹਾ ਹੈ ਲਾਭ।
ਜਿੱਥੇ ਪਹਿਲਾਂ ਉਨ੍ਹਾਂ ਨੂੰ ਦਿਹਾੜੀ ਘੱਟ ਮਿਲਦੀ ਸੀ ਉੱਥੇ ਹੀ ਹੁਣ ਉਨ੍ਹਾਂ ਦੀ ਮੰਗ ਵਧ ਗਈ ਹੈ। ਉਨ੍ਹਾਂ ਨੂੰ ਇਹ ਫ਼ਿਕਰ ਵੀ ਹੈ ਕਿ ਪਰਵਾਸੀ ਕਾਮਿਆਂ ਦੇ ਵਾਪਸ ਆਉਣ ਨਾਲ ਉਨ੍ਹਾਂ ਦੇ ਪੁਰਾਣੇ ਦਿਨ ਵਾਪਸ ਆ ਸਕਦੇ ਹਨ।
ਖ਼ਬਰ ਏਜੰਸੀ ਰੌਇਟਰਜ਼ ਮੁਤਾਬਕ ਕੋਰੋਨਾਵਾਇਰਸ ਦੇ ਵਧਦੇ ਮਾਮਲਿਆਂ ਨੂੰ ਦੇਖਦੇ ਹੋਏ ਸਾਊਦੀ ਅਰਬ ਨੇ ਹਾਜੀਆਂ ਦੀ ਸੰਖਿਆ ਵਿੱਚ ਭਾਰੀ ਕਟੌਤੀ ਕਰਨ ਬਾਰੇ ਵਿਚਾਰ ਕਰ ਰਿਹਾ ਹੈ।
ਇਸ ਸਾਲ ਜੁਲਾਈ ਦੇ ਮਹੀਨੇ ਦੇ ਅੰਤ ਵਿੱਚ ਸ਼ੁਰੂ ਹੋਣੀ ਹੈ। ਹਰ ਸਾਲ ਲਗਭਗ 25 ਲੱਖ ਮੁਸਲਮਾਨ ਹੱਜ ਲਈ ਸਾਊਦੀ ਅਰਬ ਦੇ ਮੱਕਾ ਅਤੇ ਮਦੀਨਾ ਪਹੁੰਚਦੇ ਹਨ। ਜਿਸ ਨਾਲ ਸਾਊਦੀ ਅਰਬ ਦੇ ਸਰਕਾਰੀ ਖ਼ਜਾਨੇ ਵਿੱਚ ਸਾਲਾਨਾ 12 ਅਰਬ ਜੁੜਦੇ ਹਨ।
ਸਾਊਦੀ ਨੇ ਮਾਰਚ ਵਿੱਚ ਹੀ ਦੁਨੀਆਂ ਭਰ ਦੇ ਮੁਸਲਮਾਨਾਂ ਨੂੰ ਸੁਚੇਤ ਕਰ ਦਿੱਤਾ ਸੀ ਕਿ ਉਹ ਅਗਲੇ ਨੋਟਿਸ ਤੱਕ ਆਪਣੀ ਹੱਜ ਯਾਤਰਾ ਮੁਲਤਵੀ ਰੱਖਣ। ਏਜੰਸੀ ਮੁਤਾਬਕ ਜੇ ਇਸ ਵਾਰ ਹੱਜ ਹੋਇਆ ਵੀ ਤਾਂ ਇਹ ਸੰਕੇਤਕ ਹੀ ਹੋਵੇਗਾ।
ਉਸ ਦੌਰਾਨ ਬਜ਼ੁਰਗਾਂ ਉੱਪਰ ਪਾਬੰਦੀ ਰਹੇਗੀ ਤੇ ਸਖ਼ਤ ਸਿਹਤ ਜਾਂਚ ਹੋਵੇਗੀ। ਕਈ ਅਧਿਕਾਰੀ ਹਾਲੇ ਵੀ ਇਸ ਨੂੰ ਮੁਲਤਵੀ ਕਰਨ ਉੱਪਰ ਜ਼ੋਰ ਦੇ ਰਹੇ ਹਨ।
ਹਾਜੀਆਂ ਦੀ ਗਿਣਤੀ ਵਿੱਚ ਕੀਤੀ ਜਾਣ ਵਾਲੀ ਕਟੌਤੀ ਸਾਊਦੀ ਅਰਬ ਲਈ ਤੇਲ ਦੀਆਂ ਕੀਮਤਾਂ ਦੇ ਡਿੱਗਣ ਤੋਂ ਬਾਅਦ ਮਿਲਿਆ ਦੂਜਾ ਵੱਡਾ ਝਟਕਾ ਹੋਵੇਗਾ।
ਇਸੇ ਸਾਲ ਦੇ ਮਾਰਚ ਵਿੱਚ ਸਾਊਦੀ ਅਰਬ ਨੇ ਕੌਮਾਂਤੀਰ ਉਡਾਣਾਂ ਬੰਦ ਕਰ ਰੱਖੀਆਂ ਹਨ।
ਜੇਦਾ ਵਿੱਚ ਜਿੱਥੇ ਹਾਜੀਆਂ ਦੀਆਂ ਉਡਾਣਾਂ ਉਤਰਦੀਆਂ ਹਨ ਉੱਥੇ ਹਾਲੇ ਵੀ ਕਰਫ਼ਿਊ ਹੈ। ਸਖ਼ਤ ਜਾਂਚ ਪ੍ਰਕਿਰਿਆ ਕਾਰਨ ਕਿਹਾ ਜਾ ਰਿਹਾ ਹੈ ਕਿ ਦੁਨੀਆਂ ਭਰ ਦੇ ਦੇਸ਼ਾਂ ਨੂੰ ਹੱਜ ਲਈ ਜੋ ਕੋਟਾ ਮਿਲਦਾ ਹੈ ਇਸ ਵਾਰ ਸ਼ਾਇਦ ਉਸ ਦਾ 20 ਫ਼ੀਸਦੀ ਹੀ ਮਿਲ ਸਕੇਗਾ।
ਜ਼ਿਕਰਯੋਗ ਹੈ ਕਿ ਕਈ ਦੇਸ਼ ਖ਼ੁਦ ਹੀ ਆਪਣੇ ਨਾਗਰਿਕਾਂ ਨੂੰ ਹੱਜ ਤੋਂ ਵਰਜ ਰਹੇ ਹਨ। ਤਾਜ਼ਾ ਮਿਸਾਲ ਮਲੇਸ਼ੀਆ ਦੀ ਹੈ। ਜਿੱਥੇ ਕਈ ਲੋਕ ਕਈ ਸਾਲ ਹੱਜ ਜਾਣ ਦੀ ਉਡੀਕ ਕਰਦੇ ਰਹਿੰਦੇ ਹਨ।
ਇਸ ਤੋਂ ਪਹਿਲਾਂ ਦੁਨੀਆਂ ਵਿੱਚ ਸਭ ਤੋਂ ਵਧੇਰੇ ਮੁਸਲਿਮ ਅਬਾਦੀ ਵਾਲੇ ਇੰਡੋਨੇਸ਼ੀਆ ਨੇ ਵੀ ਹੱਜ ਉੱਪਰ ਜਾਣ ਦੀ ਪਾਬੰਦੀ ਲਾ ਦਿੱਤੀ ਹੋਈ ਹੈ।
ਖ਼ਬਰ ਏਜੰਸੀ ਏਐੱਨਆਈ ਮੁਤਾਬ ਦਿੱਲੀ ਹਾਈ ਕੋਰਟ ਨੇ ਲੌਕਡਾਊਨ 30 ਜੂਨ ਤੱਕ ਵਧਾਉਣ ਬਾਰੇ ਦਾਇਰ ਜਨ ਹਿਤ ਪਟੀਸ਼ਨਾਂ ਖਾਰਜ ਕਰ ਦਿੱਤੀਆਂ ਹਨ।
ਇਸ ਤੋਂ ਪਹਿਲਾਂ ਦਿੱਲੀ ਦੇ ਸਿਹਤ ਮੰਤਰੀ ਵੀ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ 15 ਜੂਨ ਤੋਂ ਬਾਅਦ ਲੌਕਡਾਊਨ ਵਧਾਏ ਜਾਣ ਦੀ ਸੰਭਾਵਨਾ ਰੱਦ ਕਰ ਚੁੱਕੇ ਹਨ।
ਬ੍ਰਿਟੇਨ ਦੇ ਔਫ਼ਿਸ ਫੌਰ ਨੈਸ਼ਨਲ ਸਟੈਟਿਕਸ ਮੁਤਾਬਕ ਅਪ੍ਰੈਲ ਮਹੀਨੇ ਦੌਰਾਨ ਬ੍ਰਟੇਨ ਦੀ ਜੀਡੀਪੀ 20.4% ਡਿੱਗੀ ਹੈ ਜੋ ਕਿ 1997 ਤੋਂ ਬਾਅਦ ਜੀਡੀਪੀ ਵਿੱਚ ਸਭ ਤੋਂ ਵੱਡਾ ਘਾਟਾ ਹੈ।
ਬ੍ਰਿਟੇਨ ਵਿੱਚ ਅਪ੍ਰੈਲ 23 ਮਾਰਚ ਤੋਂ ਲੱਗੇ ਲੌਕਡਾਊਨ ਵਿੱਚ ਲੰਘਣ ਵਾਲਾ ਪਹਿਲਾ ਮਹੀਨਾ ਸੀ।
ਬੀਬੀਸੀ ਦੀ ਬਿਜ਼ਨੈਸ ਪੱਤਰਕਾਰ ਕੇਟੀ ਪਰੈਸਕੌਟ ਮੁਤਾਬਕ ਜੀਡੀਪੀ ਵਿੱਚ ਪਿਆ ਇਹ ਘਾਟਾ ਇਹ ਦਰਸਾਉਂਦਾ ਹੈ ਕਿ ਜਦੋਂ ਤੁਸੀਂ ਆਰਥਿਕਤਾ ਨੂੰ ਰੋਕ ਦਿੰਦੇ ਹੋ ਤਾਂ ਕੀ ਹੁੰਦਾ ਹੈ। ਇਹ, ਉਸ ਖੱਡ ਦੀ ਡੂੰਘਾਈ ਨੂੰ ਵੀ ਦਰਸਾਉਂਦਾ ਹੈ ਜਿਸ ਵਿੱਚ ਹੁਣ ਬ੍ਰਿਟੇਨ ਨੂੰ ਨਿਕਲਣਾ ਪਵੇਗਾ।
WHO ਨੇ ਕਿਹਾ ਹੈ ਕਿ ਅਫ਼ਰੀਕਾ ਵਿੱਚ ਜਿਸ ਤੇਜ਼ ਗਤੀ ਨਾਲ ਕੋਰੋਨਾਵਾਇਰਸ ਦੀ ਲਾਗ ਵਧ ਰਹੀ ਹੈ ਉਹ ਚਿੰਤਤ ਕਰਨ ਵਾਲੀ ਹੈ।
ਖ਼ਬਰ ਏਜੰਸੀ ਏਐੱਫ਼ਪੀ ਮੁਤਾਬਕ ਵੀਰਵਾਰ ਨੂੰ ਅਫ਼ਰੀਕਾ ਵਿੱਚ ਮਰੀਜ਼ਾਂ ਦੀ ਸੰਖਿਆ ਦੋ ਲੱਖ ਤੋਂ ਉੱਪਰ ਹੋ ਗਈ ਹੈ।
ਇੱਕ ਲੱਖ ਤੱਖ ਪਹੁੰਚਣ ਵਿੱਚ 98 ਦਿਨ ਲੱਗੇ ਸਨ ਜਦਕਿ ਪਿਛਲੇ 18 ਦਿਨਾਂ ਦੌਰਾਨ ਹੀ ਇਹ ਗਿਣਤੀ 2 ਲੱਖ ਹੋ ਗਈ ਹੈ।
ਹਾਲਾਂਕਿ ਇਹ ਹਾਲੇ ਵੀ ਦੁਨੀਆਂ ਭਰ ਵਿੱਚ ਮਰੀਜ਼ਾਂ ਦੀ ਕੁੱਲ ਸੰਖਿਆ ਦੇ ਤਿੰਨ ਫ਼ੀਸਦੀ ਤੋਂ ਵੀ ਘੱਟ ਹੈ ਪਰ ਪਿਛਲੇ ਕੁਝ ਦਿਨਾਂ ਵਿੱਚ ਜਿੰਨੀ ਤੇਜ਼ੀ ਨਾਲ ਲਾਗ ਦਾ ਘੇਰਾ ਫ਼ੈਲ ਰਿਹਾ ਹੈ ਉਹ ਡਰਾਉਣ ਵਾਲਾ ਹੈ।
ਏਐੱਫ਼ਪੀ ਮੁਤਾਬਕ ਅਫ਼ਰੀਕਾ ਵਿੱਚ ਕੋਰੋਨਾਵਾਇਰਸ ਨਾਲ 5,636 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਦਿੱਲੀ ਦੇ ਸਿਹਤ ਮੰਤਰੀ ਸਤਿੰਦਰ ਜੈਨ ਨੇ ਲੌਕਡਾਊਨ ਵਧਾਏ ਜਾਣ ਬਾਰੇ ਪੁੱਛੇ ਇੱਕ ਸਵਾਲ ਦੇ ਜਵਾਬ ਵਿੱਚ ਕਿਹਾ ਹੈ ਕਿ ਦਿੱਲੀ ਵਿੱਚ ਲੌਕਡਾਊਨ ਵਧਾਉਣ ਬਾਰੇ ਕੋਈ ਵਿਚਾਰ ਨਹੀਂ ਕੀਤਾ ਜਾ ਰਿਹਾ।
ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਲੌਕਡਾਊਨ ਦੌਰਾਨ ਆਪਣੇ ਮੁਲਾਜ਼ਮਾਂ ਨੂੰ ਪੂਰੀ ਤਨਖ਼ਾਹ ਨਾ ਦੇਣ ਵਾਲੀਆਂ ਨਿੱਜੀ ਫ਼ਰਮਾਂ ਖ਼ਿਲਾਫ ਕੋਈ ਸਖ਼ਤ ਕਾਰਵਾਈ ਨਾ ਕੀਤਾ ਜਾਵੇ।
ਅਦਾਲਤ ਨੇ ਕਿਹਾ ਕਿ ਸਨਅਤ ਅਤੇ ਕਾਮੇ ਦੋਹਾਂ ਨੂੰ ਇੱਕ ਦੂਜੇ ਦੀ ਲੋੜ ਹੈ। ਤਨਖ਼ਾਹਾਂ ਦੇ ਝਗੜੇ ਸੁਲਝਾਉਣ ਦੀ ਕੋਸ਼ਿਸ਼ ਕੀਤੀ ਜਾਣਾ ਚਾਹੀਦੀ ਹੈ। ਅਦਾਲਤ ਨੇ ਸੂਬਿਆਂ ਨੂੰ ਝਗੜੇ ਸੁਲਝਾਉਣ ਵਿੱਚ ਸਹਾਈ ਹੋਣ ਅਤੇ ਇਸ ਬਾਰੇ ਆਪੋ-ਆਪਣੇ ਲੇਬਰ ਕਮਿਸ਼ਨ ਨੂੰ ਰਿਪੋਰਟਾਂ ਸੌਂਪਣ ਲਈ ਕਿਹਾ ਹੈ।
ਅਦਾਲਤ ਨੇ ਕੇਂਦਰ ਸਰਕਾਰ ਨੂੰ 25 ਮਾਰਚ ਦੇ ਆਪਣੇ ਉਸ ਨੋਟੀਫਿਕੇਸ਼ਨ ਦੇ ਕਾਨੂੰਨੀ ਅਧਾਰ ਬਾਰੇ ਹਲਫ਼ਨਾਮਾ ਦਾਇਰ ਕਰਨ ਨੂੰ ਕਿਹਾ ਹੈ ਜਿਸ ਵਿੱਚ ਕਾਮਿਆਂ ਨੂੰ ਲੌਕਡਾਊਨ ਦੌਰਾਨ ਪੂਰੀ ਤਨਖ਼ਾਹ ਦੇਣ ਬਾਰੇ ਕਿਹਾ ਗਿਆ ਸੀ।
ਸੰਯੁਕਤ ਰਾਸ਼ਟਰ ਨੇ ਸ਼ੁੱਕਰਵਾਰ ਨੂੰ ਕਿਹਾ ਹੈ ਕਿ ਵਾਇਰਸ ਦੇ ਵਧਦੇ ਕਹਿਰ ਕਾਰਨ ਲੱਖਾਂ ਬੱਚਿਆਂ ਦੇ ਮਜ਼ਦੂਰੀ ਵਿੱਚ ਧੱਕੇ ਜਾ ਜਾਣ ਦਾ ਖ਼ਤਰਾ ਖੜ੍ਹਾ ਕਰ ਦਿੱਤਾ ਹੈ।
ਬਾਲ ਮਜ਼ਦੂਰੀ ਵਿੱਚ ਇਹ ਪਿਛਲੇ ਦੋ ਦਹਾਕਿਆਂ ਦੌਰਾਨ ਪਹਿਲਾ ਵਾਧਾ ਹੋਵੇਗਾ।
ਇੰਟਰਨੈਸ਼ਨਲ ਲੇਬਰ ਆਰਗੇਨਾਈਜ਼ੇਸ਼ਨ ਜੋ ਕਿ ਸੰਯੁਕਤ ਰਾਸ਼ਟਰ ਦੀ ਹੀ ਇੱਕ ਇਕਾਈ ਹੈ ਨੇ ਕਿਹਾ,"ਜਿਵੇਂ ਮਹਾਮਾਰੀ ਪਰਿਵਾਰਾਂ ਦੀ ਆਮਦਨੀ ਉੱਪਰ ਕਹਿਰ ਢਾਹ ਰਿਹਾ ਹੈ, ਬਿਨਾਂ ਮਦਦ ਦੇ, ਬਹੁਤ ਸਾਰੇ ਬਾਲ ਮਜ਼ਦੂਰੀ ਦਾ ਸਹਾਰਾ ਲੈਣਗੇ।"
ਅਰਥਸ਼ਾਸਤਰੀਆਂ ਦੀ ਭਵਿੱਖਬਾਣੀ ਹੈ ਕਿ ਮਹਾਮਾਰੀ ਨਾਲ ਸਮੁੱਚੀ ਦੁਨੀਆਂ ਵਿੱਚ ਗੰਭੀਰ ਮੰਦੀ ਆਵੇਗੀ।
ਖ਼ਬਰ ਏਜੰਸੀ ਏਐੱਨਆਈ ਮੁਤਾਬਕ ਦਿੱਲੀ ਦੇ ਪੱਛਮ ਵਿਹਾਰ ਖੇਤਰ ਦੇ G-17 ਰੈਜ਼ੀਡੈਂਟ ਵੈਲਫੇਅਰ ਫੈਡਰੇਸ਼ਨ ਨੇ ਬਿਨਾਂ ਕਿਸੇ ਸੰਸਥਾ ਦੀ ਮਦਦ ਦੇ ਆਪਣੇ ਇਲਾਕੇ ਦੇ ਨਿਵਾਸੀਆਂ ਲਈ ਤਿੰਨ ਮੁਫ਼ਤ ਆਕਸੀਜ਼ਨ ਕੰਸਟਰੇਸ਼ਨ ਮਸ਼ੀਨਾਂ ਅਤੇ ਆਕਸੀਜ਼ਨ ਸਿਲੰਡਰਾਂ ਦਾ ਬੰਦੋਬਸਤ ਕੀਤਾ ਹੈ।
ਕੋਰੋਨਵਾਇਰਸ ਨਾਲ ਹੋਈਆਂ ਮੌਤਾਂ ਦੇ ਸਸਕਾਰ ਨੂੰ ਲੈ ਕੇ ਕਈ ਥਾਂ ਵਿਵਾਦ ਹੋਇਆ।
ਇਸ ਨੂੰ ਮਹਾਮਾਰੀ ਦਾ ਡਰ ਕਹੋ ਜਾਂ ਵਾਇਰਸ ਬਾਰੇ ਅਗਿਆਨਤਾ, ਇੱਕ ਗੱਲ ਤਾਂ ਸਾਫ਼ ਹੈ ਕਿ ਇਸ ਵਾਇਰਸ ਦੇ ਫੈਲਾਅ ਨੇ ਸਮਾਜਿਕ ਤਾਣੇ-ਬਾਣੇ ਨੂੰ ਹਿਲਾ ਕੇ ਰੱਖ ਦਿੱਤਾ।
ਮਾਹਰਾਂ ਤੇ ਵਿਗਿਆਨੀਆਂ ਦੇ ਹਵਾਲੇ ਨਾਲ ਸਵਾਲ ਇਹ ਹੈ ਕਿ ਕੀ ਰੋਗੀ ਮੌਤ ਤੋਂ ਬਾਅਦ ਵੀ ਕੋਰੋਨਾ ਫੈਲਾ ਸਕਦਾ ਹੈ, ਕੀ ਲਾਸ਼ਾਂ ਤੋਂ ਕੋਰੋਨਾ ਦੀ ਲਾਗ ਦਾ ਖ਼ਤਰਾ ਬਣਿਆ ਰਹਿ ਸਕਦਾ ਹੈ। ਵਿਸਥਾਰ ਵਿੱਚ ਪੜ੍ਹੋ।
ਕੋਰੋਨਾਵਾਇਰਸ ਦੇ ਕਹਿਰ ਨੇ ਦੁਨੀਆਂ ਦਾ ਆਰਥਿਕ ਤੇ ਸਮਾਜਿਕ ਢਾਂਚਾ ਢਹਿ ਢੇਰੀ ਕਰ ਦਿੱਤਾ ਹੈ। ਲੋਕਲ ਪ੍ਰਸ਼ਾਸ਼ਨ ਤੋਂ ਲੈ ਕੇ ਵਿਸ਼ਵ ਸਿਹਤ ਸੰਗਠਨ ਤੱਕ ਦਿਸ਼ਾ ਨਿਰਦੇਸ਼ ਜਾਰੀ ਕਰ ਰਹੇ ਹਨ।
ਕੋਈ ਕਹਿ ਰਿਹਾ ਮਾਸਕ ਪਾਏ ਬਿਨਾਂ ਬਾਹਰ ਨਾ ਨਿਕਲੋ, ਕੋਈ ਕਹਿ ਰਿਹਾ ਕਿਸੇ ਨਾਲ ਹੱਥ ਨਾ ਮਿਲਾਓ ਤੇ ਕੋਈ 20 ਸੈਕਿੰਡ ਤੱਕ ਹੱਥ ਧੋਣ ਦੀ ਸਲਾਹ ਦੇ ਰਿਹਾ ਹੈ।
ਸਵਾਲ ਇਹ ਹੈ ਕਿ ਕਿਸੇ ਚੀਜ਼ ਨੂੰ ਛੂਹਣ ਨਾਲ ਕੋਰੋਨਾ ਅੱਗੇ ਫੈਲਦਾ ਹੈ, ਇਹ ਕਿਸੇ ਵੀ ਚੀਜ਼ ਉੱਤੇ ਕਿੰਨੀ ਦੇਰ ਜਿਊਂਦਾ ਰਹਿ ਸਕਦਾ ਹੈ। ਵਧੇਰੇ ਜਾਣਕਾਰੀ ਲਈ ਇੱਥੇ ਕਲਿੱਕ ਕਰੋ।
ਕੋਵਿਡ-19 ਦੇ ਪੀੜਤਾਂ ਦੇ ਰਿਸ਼ਤੇਦਾਰਾਂ ਨੇ ਸਰਕਾਰੀ ਅਣਗਹਿਲੀ ਦੀ ਜਾਂਚ ਦੀ ਮੰਗ ਕਰਨ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਉੱਤਰੀ ਇਟਲੀ ਵਿੱਚ ਵਕੀਲ ਪ੍ਰਧਾਨ ਮੰਤਰੀ ਗੁਇਸੇਪ ਕੌਂਟੇ ਤੋਂ ਸਵਾਲ-ਜਵਾਬ ਕਰਨਗੇ।।
ਸੁਣਵਾਈ ਇਟਲੀ ਦੇ ਸ਼ਹਿਰ ਬਰਗਾਮੋ ਵਿੱਚ ਹੋਵੇਗੀ, ਇਹ ਕੋਰੋਨਾਵਾਇਰਸ ਨਾਲ ਇਟਲੀ ਦੇ ਸਭ ਤੋਂ ਪ੍ਰਭਾਵਿਤ ਸ਼ਹਿਰ ਮਿਲਾਨ ਨੇੜੇ ਪੈਂਦਾ ਹੈ।
ਕੌੰਟੇ ਦਾ ਕਹਿਣਾ ਹੈ ਕਿ ਉਹ ਸਵਾਲਾਂ ਨੂੰ ਲੈ ਕੇ "ਚਿੰਤਤ" ਨਹੀਂ ਹਨ।
ਕੋਵਿਡ-19 ਦੇ ਮਰੀਜ਼ਾਂ ਦੇ ਰਿਸ਼ਤੇਦਾਰਾਂ ਦਾ ਕਹਿਣਾ ਹੈ ਕਿ ਵਾਇਰਸ ਹੌਟਸਪੋਟਾਂ ਨੂੰ ਪਹਿਲਾਂ ਹੀ ਆਈਸੋਲੇਸ਼ਨ ਵਿੱਚ ਰੱਖਿਆ ਜਾਣਾ ਚਾਹੀਦਾ ਸੀ।
ਵੀਰਵਾਰ ਨੂੰ ਨਾਗਰਿਕ ਸਮੂਹ ਨੌਈ ਡੈਨੋਸੈਰੇਮੋ ਵੱਲੋਂ ਬਰਗਾਮੋ ਵਕੀਲਾਂ ਦੇ ਦਫ਼ਤਰ ਵਿੱਚ 50 ਕਾਨੂੰਨੀ ਸ਼ਿਕਾਇਤਾਂ ਦਰਜ ਕਰਵਾਈਆਂ ਗਈਆਂ ਸਨ।
ਕੋਰੋਨਾਵਾਇਰਸ ਦੇ ਤੇਜ਼ੀ ਨਾਲ ਵਧਦੇ ਮਾਮਲਿਆਂ ਵਿਚਾਲੇ ਪਾਕਿਸਤਾਨ ਦੇ ਸਭ ਤੋਂ ਵੱਧ ਆਬਾਦੀ ਵਾਲੇ ਸੂਬੇ ਪੰਜਾਬ ਵਿੱਚ ਕੁਆਰੰਟੀਨ ਸੈਂਟਰ ਬੰਦ ਕੀਤੇ ਜਾ ਰਹੇ ਹਨ।
ਪਾਕਿਸਤਾਨ ਤੋਂ ਬੀਬੀਸੀ ਪੱਤਰਕਾਰ ਤਰਹਬ ਅਸਗਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਲਾਹੌਰ ਦੇ ਡਿਪਟੀ ਕਮਿਸ਼ਨਰ ਦਾਨਿਸ਼ ਅਫ਼ਜਲ ਮੁਤਾਬਕ ਇਨ੍ਹਾਂ ਸੈਂਟਰਾਂ ਵਿੱਚ ਅਜਿਹਾ ਕੋਈ ਵਿਅਕਤੀ ਨਹੀਂ ਹੈ, ਜਿਸ ਨੂੰ ਕੋਰੋਨਾਵਾਇਰਸ ਹੋਣ ਦਾ ਸ਼ੱਕ ਹੋਵੇ।
ਉਨ੍ਹਾਂ ਦਾ ਕਹਿਣਾ ਹੈ, "ਨਵੀਂ ਨੀਤੀ ਮੁਤਾਬਕ ਅਸੀਂ ਬਿਨਾਂ ਲੱਛਣਾਂ ਵਾਲੇ ਮਰੀਜ਼ਾਂ ਨੂੰ ਉਨ੍ਹਾਂ ਦੇ ਘਰੇ ਆਈਸੋਲੇਸ਼ਨ ਵਿੱਚ ਰੱਖਣ ’ਤੇ ਵਧੇਰੇ ਧਿਆਨ ਦੇ ਰਹੇ ਹਾਂ।"
ਪੰਜਾਬ ਦੇ ਕਈ ਸ਼ਹਿਰਾਂ ਵਿੱਚ ਮੌਜੂਦ ਸੈਂਟਰਾਂ ਸਣੇ ਲਾਹੌਰ ਦੇ 6 ਅਜਿਹੇ ਸੈਂਟਰ ਵੀ ਬੰਦ ਕੀਤੇ ਜਾਣਗੇ।
ਕੋਰੋਨਾਵਾਇਰਸ ਮਾਮਲਿਆਂ ਵਿੱਚ ਵਾਧੇ ਕਾਰਨ ਆਰਥਿਕ ਸੁਧਾਰ ਪ੍ਰਭਾਵਿਤ ਹੋਇਆ।
ਗਲੋਬਲ ਸ਼ੇਅਰ ਮਾਰਕੀਟਾਂ ਵਿੱਚ ਗਿਰਾਵਟ ਦੇ ਇੱਕ ਦਿਨ ਬਾਅਦ ਅਮਰੀਕਾ ਦੇ ਸੈਂਟਰਲ ਬੈਂਕ ਨੇ ਚਿਤਾਵਨੀ ਦਿੱਤੀ ਹੈ ਕਿ ਅਮਰੀਕਾ ਨੇ ਆਰਥਿਕ ਸੁਧਾਰ ਲਈ ਲੰਬੀ ਰਾਹ ਦਾ ਸਾਹਮਣਾ ਕੀਤਾ ਹੈ।
ਅਮਰੀਕਾ ਵਿਚਲੇ ਤਿੰਨ ਮੁੱਖ ਫਾਈਨੈਂਸ਼ੀਅਲ ਇੰਡੈਕਸਾਂ ਲਈ ਹਫ਼ਤੇ ਦਾ ਸਭ ਬੁਰਾ ਦਿਨ ਗਿਆ।
ਸਭ ਤੋਂ ਵੱਧ ਘਾਟਾ ਤਾਂ ਖਪਤ ਤੇ ਯਾਤਰਾ ਖੇਤਰ ਵਿੱਚ ਰਿਹਾ, ਕਿਉਂਕਿ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ।
ਇਸ ਤੋਂ ਪਹਿਲਾਂ ਏਸ਼ੀਆ ਅਤੇ ਯੂਰਪ ਦੇ ਸ਼ੇਅਰ ਬਜ਼ਾਰ ਵੀ ਡਿੱਗੇ ਹਨ।