You’re viewing a text-only version of this website that uses less data. View the main version of the website including all images and videos.
ਕੋਵਿਡ-19 ਕਾਰਨ ਪੂਰੀ ਦੁਨੀਆਂ ਵਿੱਚ ਮਾਮਲੇ ਤਕਰੀਬਨ 66 ਲੱਖ ਹੋ ਗਏ ਹਨ। ਭਾਰਤ ਵਿੱਚ ਮਾਮਲੇ ਲਗਾਤਾਰ ਵਧ ਰਹੇ ਹਨ
ਪ੍ਰਸ਼ਾਂਤ ਮਹਾਸਾਗਰ ਦੇ ਟਾਪੂ ਫਿਜੀ ਨੇ ਕੋਰੋਨਵਾਇਰਸ ਤੋਂ ਮੁਕਤ ਹੋਣ ਦਾ ਐਲਾਨ ਕੀਤਾ ਹੈ।
ਕੋਰੋਨਾਵਾਇਰਸ ਦੇ ਆਖਿਰੀ ਮਰੀਜ਼ ਦੇ ਠੀਕ ਹੋਣ ਤੋਂ ਬਾਅਦ ਇਹ ਐਲਾਨ ਕੀਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਫਰੈਂਕ ਬੈਨੀਮਾਰਾਮਾ ਨੇ ਕਿਹਾ ਕਿ ਇਸਦੀ ਸਫ਼ਲਤਾ “ਦੁਆਵਾਂ, ਸਖ਼ਤ ਮਿਹਨਤ ਅਤੇ ਵਿਗਿਆਨ ਦੀ ਮਿਹਨਤ” ਦਾ ਨਤੀਜਾ ਹੈ।"
ਫਿਜੀ ਵਿੱਚ ਮੱਧ-ਮਾਰਚ ਵਿੱਚ ਪਹਿਲਾ ਕੋਰੋਨਾਵਾਇਰਸ ਦਾ ਕੇਸ ਆਇਆ ਸੀ।
ਇੱਕ ਪੇਸ਼ੇਵਰ ਰਗਬੀ ਯੂਨੀਅਨ ਟੀਮ ਜੋ 23 ਫਰਵਰੀ ਨੂੰ ਇੱਕ ‘ਅਵੇ ਮੈਚ’ ਲਈ ਰਵਾਨਾ ਹੋਈ ਸੀ ਅਜੇ ਵੀ ਆਪਣੇ ਘਰ ਨਹੀਂ ਪਰਤ ਸਕੀ ਹੈ।
ਮਨੂਮਾ ਸਮੋਆ ਨੇ 100 ਤੋਂ ਵੀ ਜ਼ਿਆਦਾ ਦਿਨ ਪਹਿਲਾਂ ਆਸਟਰੇਲੀਆ ਦੇ ਪਰਥ ਵਿੱਚ ਇੱਕ ਮੈਚ ਦੇ ਲਈ ਆਪਣਾ ਪੈਸੀਫਿਕ ਆਈਲੈਡ ਛੱਡਿਆ ਸੀ।
ਪਰ ਘਰ ਵਾਪਸੀ ਵੇਲੇ ਉਨ੍ਹਾਂ ਨੂੰ ਨਿਊਜ਼ੀਲੈਂਡ ਵਿੱਚ ਕੁਆਰੰਟੀਨ ਲਈ ਮਜ਼ਬੂਰ ਕੀਤਾ ਗਿਆ ਅਤੇ ਫਿਰ ਉੱਦੋਂ ਫਸ ਗਏ ਜਦੋਂ ਉਨ੍ਹਾਂ ਦੇ ਦੇਸ ਨੇ ਆਪਣੇ ਬਾਰਡਰ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੇ।
ਆਕਲੈਂਡ ਵਿੱਚ ਟੀਮ ਤਿੰਨ ਮਹੀਨਿਆਂ ਲਈ ਚਰਚ ਦੇ ਇੱਕ ਕੰਪਾਊਂਡ ਵਿੱਚ ਰਹੀ, ਜਿੱਥੇ 20 ਖਿਡਾਰੀਆਂ ਨੇ ਇੱਕ ਕਮਰਾ ਸਾਂਝਾ ਕੀਤਾ।
ਹਾਲਾਂਕਿ ਉਹ ਹੁਣ ਸਮੋਆ ਵਾਪਸ ਆ ਗਏ ਹਨ ਪਰਦੋ ਹਫਤਿਆਂ ਦੇ ਕੁਆਰੰਟੀਨ ਦੀ ਮਿਆਦ ਹਾਲੇ ਅੱਧੀ ਹੀ ਪੂਰੀ ਹੋਈ ਹੈ।
ਖਿਡਾਰੀਆਂ ਨੇ ਅਜੇ ਵੀ ਆਪਣੇ ਪਰਿਵਾਰਾਂ ਨੂੰ ਨਹੀਂ ਦੇਖਿਆ ਹੈ।
ਟੀਮ ਦੇ ਵੀਡੀਓ ਵਿਸ਼ਲੇਸ਼ਕ ਹਰੀ ਜੂਨੀਅਰ ਨਰਾਇਣ ਨੇ ਬੀਬੀਸੀ ਨੂੰ ਦੱਸਿਆ, “ਜਦੋਂ ਅਸੀਂ ਨਿਊਜ਼ੀਲੈਂਡ ਪਹੁੰਚੇ ਤਾਂ ਗਰਮੀ ਸੀ। ਜਦੋਂ ਅਸੀਂ ਉੱਥੋਂ ਨਿਕਲੇ ਤਾਂ ਠੰਢ ਸੀ।"
'ਚੀਨ ਨੂੰ ਬਾਈਕਾਟ ਕਰੋ, ਫਲਾਣੀ ਐਪ ਹਟਾ ਦਿਓ, ਟਿਕ-ਟੌਕ ਉੱਤੇ ਨੱਚਣਾ ਬੰਦ ਕਰੋ, ਇਸ ਮਾੜੇ ਗੁਆਂਢੀ ਨੂੰ ਸਬਕ ਸਿਖਾਓ।'
ਇਸ ਤਰ੍ਹਾਂ ਦੀਆਂ ਗੱਲਾਂ ਭਾਰਤ ਵਿੱਚ ਸਮੇਂ-ਸਮੇਂ 'ਤੇ ਚੱਲਦੀਆਂ ਨੇ ਤਾਜ਼ਾ ਅੱਗ ਉਦੋਂ ਲੱਗੀ ਜਦੋਂ ਲੰਮੇ ਸਮੇਂ ਤੋਂ ਚੱਲਦੇ ਸਰਹੱਦ ਵਿਵਾਦ ਨੇ ਤਾਜ਼ਾ ਚਿਣਗ ਫੜੀ
ਸਿੱਧੀ ਜਿਹੇ ਰਾਹ ਪੈਣੇ ਹਾਂ, ਵੇਖਦੇ ਹਾਂ ਕਿ ਇਹ ਕਿੰਨਾ ਕੁ ਸੰਭਵ ਹੈ?
ਹਾਈਡਰੋਕਸੀਕਲੋਰੋਕਵਿਨ ਦਵਾਈ 'ਤੇ ਕੀਤਾ ਇੱਕ ਅਧਿਐਨ ਡਾਟਾ ਦੀ ਘਾਟ ਹੋਣ ਕਾਰਨ ਵਾਪਸ ਲੈ ਲਿਆ ਗਿਆ ਹੈ।
ਇਹ ਦਵਾਈ ਕਾਫ਼ੀ ਚਰਚਾ ਵਿੱਚ ਰਹੀ ਹੈ। ਇਸੇ ਦਵਾਈ ਦੀ ਸਪਲਾਈ ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਭਾਰਤ ਤੋਂ ਕਰਵਾਈ ਸੀ।
ਆਖਿਰ ਇਹ ਦਵਾਈ ਕਿਸ ਲਈ ਵਰਤੀ ਜਾਂਦੀ ਹੈ, ਵੀਡੀਓ ਦੇਖੋ
ਭਾਰਤ ਵਿੱਚ ਅੱਜ ਸਵੇਰੇ 9 ਵਜੇ ਤੱਕ ਕੋਰੋਨਾਵਾਇਰਸ ਦੇ ਕੁੱਲ 43 ਲੱਖ 86 ਹਜ਼ਾਰ 379 ਟੈਸਟ ਕੀਤੇ ਜਾ ਚੁੱਕੇ ਹਨ।
ਆਈਸੀਐੱਮਆਰ ਮੁਤਾਬਕ ਪਿਛਲੇ 24 ਘੰਟਿਆਂ ਵਿੱਚ 1, 43, 661 ਟੈਸਟ ਕੀਤੇ ਗਏ।
ਯੂਕੇ ਦੀ ਦਵਾਈ ਕੰਪਨੀ ਐਸਟਰਾਜੈਨੇਕਾ ਨੇ ਹੁਣ ਕਿਹਾ ਹੈ ਕਿ ਉਹ ਦੋ ਨਵੇਂ ਸਮਝੌਤਿਆਂ ਤੋਂ ਬਾਅਦ ਦੋ ਅਰਬ ਸੰਭਾਵੀ ਕੋਰੋਨਾਵਾਇਰਸ ਟੀਕੇ ਦੀ ਸਪਲਾਈ ਕਰ ਸਕੇਗੀ।
ਇਸ ਵਿੱਚ ਇੱਕ ਸਮਝੌਤੋ ਨੂੰ ਮਾਈਕਰੋਸਾਫ਼ਟ ਦੇ ਸੰਸਥਾਪਕ ਬਿਲ ਗੇਟਸ ਦਾ ਸਮਰਥਨ ਹਾਸਿਲ ਹੈ।
ਪਿਛਲੇ ਮਹੀਨੇ ਦੇ ਸ਼ੁਰੂਆਤ ਵਿਚ ਕੰਪਨੀ ਨੇ ਕਿਹਾ ਸੀ ਕਿ ਉਹ ਇੱਕ ਅਰਬ ਟੀਕੇ ਤਿਆਰ ਕਰ ਸਕਦੇ ਹਨ, ਜੋ ਕਿ ਓਕਸਫੋਰਡ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਨਾਲ ਬਣਾਇਆ ਜਾ ਰਿਹਾ ਹੈ।
ਹੁਣ ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਉਹ ਅੱਧੇ ਟੀਕੇ ਘੱਟ ਅਤੇ ਮੱਧਮ ਆਮਦਨੀ ਵਾਲੇ ਦੇਸਾਂ ਨੂੰ ਸਪਲਾਈ ਕਰਨਗੇ।
ਇਨ੍ਹਾਂ ਵਿੱਚੋਂ ਇੱਕ ਨਵਾਂ ਸਮਝੌਤਾ ਭਾਰਤ ਦੀ ਕੰਪਨੀ ਸੀਰਮ ਇੰਸਟੀਚਿਊਟ ਆਫ਼ ਇੰਡੀਆ (ਐੱਸਆਈਆਈ) ਨਾਲ ਕੀਤਾ ਹੈ, ਜੋ ਕਿ ਦੁਨੀਆਂ ਦੇ ਸਭ ਤੋਂ ਵੱਡੇ ਟੀਕੇ ਬਣਾਉਣ ਵਾਲੀ ਕੰਪਨੀ ਹੈ।
750 ਮਿਲੀਅਨ ਡਾਲਰ ਦਾ ਦੂਜਾਸਮਝੌਤਾ ਦੋ ਸਿਹਤ ਸੰਸਥਾਵਾਂ ਨਾਲ ਹੈ ਜਿਸ ਨੂੰ ਬਿਲ ਅਤੇ ਮੈਲਿੰਡਾ ਗੇਟਸ ਨੇ ਸਮਰਥਨ ਦਿੱਤਾ ਹੈ।
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਨੇ ਵਿਸ਼ਵ ਵਾਤਾਵਰਨ ਦਿਵਸ ਮੌਕੇ ਟਵੀਟ ਕੀਤਾ, "#WorldEnvironmentDay ਮੌਕੇ ਅਸੀਂਂ ਬਿਹਤਰ 2020 ਲਈ ਵਾਤਾਵਰਨ ਨੂੰ ਬਚਾਉਣ ਦਾ ਅਹਿਮ ਲਈਏ।
2020 ਸਾਨੂੰ ਜ਼ਿੰਦਗੀ ਦੀ ਅਨਿਸ਼ਤਿਤਾ ਦਾ ਅਹਿਸਾਸ ਕਰਵਾ ਰਿਹਾ ਹੈ, ਫਿਰ ਚਾਹੇ ਉਹ ਕੋਵਿਡ 19 ਹੋਵੇ ਜਾਂ ਫਿਰ ਤੂਫ਼ਾਨ। ਮੈਂ ਖੁਸ਼ ਹਾਂ ਕਿ ਅਸੀਂ ਪਿਛਲੇ ਸਾਲ 72 ਲੱਖ ਦਰਖ਼ਤ ਲਾਏ ਸਨ।"
ਪੰਜਾਬ ਵਿੱਚ ਨਿੱਜੀ ਹਸਪਤਾਲਾਂ ਜਾਂ ਲੈਬਜ਼ ਵੱਲੋਂ ਭੇਜੇ ਗਏ ਕੋਵਿਡ-19 ਦੇ ਸੈਂਪਲ ਲਈ RT-PCR ਦਾ ਟੈਸਟ ਮੁਫ਼ਤ ਕੀਤਾ ਜਾਵੇਗਾ।
ਪੰਜਾਬ ਸਰਕਾਰ ਦਾ ਦਾਅਵਾ ਹੈ ਕਿ ਇਹ ਫੈਸਲਾ ਕੋਵਿਡ-19 ਬਾਰੇ ਜਲਦੀ ਪਤਾ ਲਾਉਣ ਕੀਤਾ ਜਾ ਰਿਹਾ ਹੈ ਤਾਂ ਕਿ ਜਲਦੀ ਸਕ੍ਰੀਨਿੰਗ ਹੋ ਸਕੇ।
ਕੋਰੋਨਾਵਾਇਰਸ ਮਹਾਮਾਰੀ ਤੋਂ ਬਚਣ ਲਈ ਤੁਹਾਨੂੰ ਇਸ ਬਿਮਾਰੀ ਦੇ ਲੱਛਣ ਜਾਣਨ ਦੇ ਨਾਲ-ਨਾਲ ਇਸ ਦੇ ਵਾਇਰਸ ਦੇ ਫ਼ੈਲਣ ਅਤੇ ਬਚਾਅ ਤਰੀਕੇ ਜਾਣਨੇ ਚਾਹੀਦੇ ਹਨ।
ਬੀਬੀਸੀ ਪੰਜਾਬੀ ਦੀ ਇਹ ਰਿਪੋਰਟ ਤੁਹਾਡੀ ਕੋਰੋਨਾ ਤੋਂ ਬਚਣ ਵਿਚ ਮਦਦਗਾਰ ਸਾਬਿਤ ਹੋ ਸਕਦੀ ਹੈ।
ਕੋਰੋਨਾਵਾਇਰਸ ਫੇਫ਼ੜਿਆਂ ਨੂੰ ਇਨਫ਼ੈਕਸ਼ਨ ਕਰਦਾ ਹੈ। ਸੁੱਕੀ ਖੰਘ ਤੇ ਬੁਖ਼ਾਰ ਇਸ ਦੇ ਦੋ ਮੁੱਖ ਲੱਛਣ ਹਨ। ਇਸ ਨਾਲ ਸਾਹ ਦੀ ਸਮੱਸਿਆ ਪੈਦਾ ਹੁੰਦੀ ਹੈ ਅਤੇ ਸਾਹ ਲੈਣ ਵਿਚ ਦਿੱਕਤ ਆਉਂਦੀ ਹੈ।
ਪੂਰੀ ਖ਼ਬਰ ਪੜ੍ਹਣ ਲਈ ਇੱਥੇ ਕਲਿੱਕ ਕਰੋ।
ਭਾਰਤ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਕੋਰੋਨਾਵਾਇਰਸ ਦੀ ਲਾਗ ਦੇ 9,851 ਕੇਸ ਹੋ ਗਏ ਹਨ ਅਤੇ 273 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਦਿੱਲੀ ਵਿੱਚ ਲਾਗ ਦੇ ਮਾਮਲਿਆਂ ਦੀ ਗਿਣਤੀ 25 ਹਜ਼ਾਰ ਤੱਕ ਪਹੁੰਚ ਗਈ ਹੈ।
ਇਸ ਦੇ ਨਾਲ ਹੀ ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ 2,26,770 ਹੋ ਗਏ ਹਨ ਅਤੇ ਮੌਤ ਦੀ ਗਿਣਤੀ 6,348 ਤੱਕ ਪਹੁੰਚ ਗਈ ਹੈ।
ਈਰਾਨ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ ਇਕ ਵਾਰ ਫਿਰ ਵੱਧ ਗਏ ਹਨ। ਇਸ ਨਾਲ ਕੋਰੋਨਾ ਦਾ ਦੂਜੇ ਪੜਾਅ ਸ਼ੁਰੂ ਹੋਣ ਦੀ ਸੰਭਾਵਨਾ ਵਧ ਗਈ ਹੈ।
ਈਰਾਨ ਦੇ ਸਿਹਤ ਮੰਤਰਾਲੇ ਦੇ ਅਨੁਸਾਰ ਬੁੱਧਵਾਰ ਨੂੰ ਦੇਸ਼ ਵਿੱਚ ਕੋਵਿਡ -19 ਦੇ 3,574 ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
ਅਜਿਹਾ ਲਗਾਤਾਰ ਤੀਜੇ ਦਿਨ ਹੋਇਆ ਹੈ ਜਦੋਂ ਹਰ ਦਿਨ 3000 ਤੋਂ ਵੱਧ ਨਵੇਂ ਮਾਮਲੇ ਸਾਹਮਣੇ ਆਏ ਹੋਣ।
ਦੇਸ਼ ਵਿੱਚ ਕੋਰੋਨਾ ਨਾਲ ਮਰਨ ਵਾਲੇ ਲੋਕਾਂ ਦੀ ਗਿਣਤੀ 8,071 ਹੋ ਗਈ ਹੈ।
ਦੇਸ਼ ਦੇ ਰਾਸ਼ਟਰਪਤੀ ਦੁਆਰਾ ਵਧਦੇ ਮਾਮਲਿਆਂ ਨੂੰ ਦੇਖਦੇ ਹੋਏ ਮੁੜ ਤੋਂ ਪਾਬੰਦੀਆਂ ਲਾਉਣ ਦੇ ਸੰਕੇਤ ਦਿੱਤੇ ਗਏ ਹਨ।
ਅਮਰੀਕਾ ਦੇ ਸਭ ਤੋਂ ਵੱਡੇ ਖੇਡ ਮੁਕਾਬਲੇ ਬਾਸਕਟਬਾਲ ਲੀਗ ਦੇ ਮੁੜ ਤੋਂ ਸ਼ੁਰੂ ਹੋਣ ਦਾ ਰਸਤਾ ਸਾਫ਼ ਹੋ ਗਿਆ ਹੈ।
ਇਸ ਮੁਕਾਬਲੇ ਦੇ ਮੈਚ ਫਲੋਰੀਡਾ ਦੇ ਡਿਜ਼ਨੀਲੈਂਡ ਵਿੱਚ ਖੇਡੇ ਜਾਣਗੇ।
ਅਮਰੀਕਾ ਵਿੱਚ ਕੋਰੋਨਾਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 18.67 ਲੱਖ ਹੋ ਚੁੱਕੀ ਹੈ।
ਇਸ ਦੇ ਨਾਲ, ਇਸ ਵਾਇਰਸ ਕਰਕੇ ਮਰਨ ਵਾਲੇ ਲੋਕਾਂ ਦੀ ਗਿਣਤੀ 1.07 ਲੱਖ ਦੇ ਅੰਕੜੇ ਤੋਂ ਪਾਰ ਹੋ ਚੁੱਕੀ ਹੈ।
ਸੰਯੁਕਤ ਰਾਸ਼ਟਰ ਦੇ ਸਕੱਤਰ ਜਨਰਲ ਐਂਟੋਨਿਓ ਗੁਟਰਸ ਨੇ ਕਿਹਾ ਕਿਹਾ ਹੈ ਕਿ ਫਿਲਹਾਲ ਕੋਵਿਡ-19 ਨਾਲ ਲੜ੍ਹਨ ਲਈ ਕੋਈ ਵੈਕਸੀਨ ਤਿਆਰ ਨਹੀਂ ਹੋਈ ਹੈ।
"ਵੈਕਸੀਨ ਬਣਾਉਣਾ ਹੀ ਕਾਫ਼ੀ ਨਹੀਂ ਹੋਵੇਗਾ। ਇਸ ਦੇ ਨਾਲ ਹੀ ਜ਼ਰੂਰੀ ਹੋਵੇਗਾ ਕਿ ਹਰ ਥਾਂ 'ਤੇ ਰਹਿਣ ਵਾਲੇ ਹਰ ਸ਼ਖ਼ਸ ਨੂੰ ਇਹ ਵੈਕਸੀਨ ਮੁਹੱਈਆ ਕਰਵਾਈ ਜਾਵੇ।"
ਉਨ੍ਹਾਂ ਕਿਹਾ, "ਜਿਸ ਤਰ੍ਹਾਂ ਅਸੀਂ ਇੱਕ-ਜੁੱਟ ਹੋਕੇ ਟੀਕਾਕਰਣ ਬਣਾਉਣ ਵਿੱਚ ਲਗੇ ਹੋਏ ਹਾਂ, ਇਸ ਤੋਂ ਸਾਨੂੰ ਸਬਕ ਲੈਣਾ ਚਾਹੀਦਾ ਹੈ।"
ਭਾਰਤ ਸਰਕਾਰ ਨੇ ਕੋਵਿਡ-19 ਮਹਾਂਮਾਰੀ ਖਿਲਾਫ ਲੜਾਈ ਵਿੱਚ ਤਕਨੀਕ ਦਾ ਇਸਤੇਮਾਲ ਕਰਦਿਆਂ ਇੱਕ ਮੋਬਾਈਲ ਐਪਲੀਕੇਸ਼ਨ ‘ਅਰੋਗਿਆ ਸੇਤੂ’ ਲਾਂਚ ਕੀਤਾ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੇ ਟਵਿੱਟਰ ਹੈਂਡਲ ਤੋਂ ਕਈ ਵਾਰ ਅਪੀਲ ਕਰ ਚੁੱਕੇ ਹਨ ਕਿ ਜ਼ਿਆਦਾ ਤੋਂ ਜ਼ਿਆਦਾ ਭਾਰਤੀ ਇਸ ਐਪਲੀਕੇਸ਼ਨ ਨੂੰ ਡਾਊਨਲੋਡ ਕਰਨ।
ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਐਪਲੀਕੇਸ਼ਨ ਨਾਲ ਜੇ ਕੋਈ ਯੂਜ਼ਰ ਕੋਰੋਨਾ ਪੌਜ਼ੀਟਿਵ ਸ਼ਖਸ ਦੇ ਸੰਪਰਕ ਵਿੱਚ ਆਇਆ ਤਾਂ ਨੂੰ ਉਸ ਨੂੰ ਅਲਰਟ ਮਿਲ ਜਾਵੇਗਾ।
ਤੁਹਾਨੂੰ ਕੋਰੋਨਾ ਦਾ ਕਿੰਨਾ ਖ਼ਤਰਾ ਹੈ, ਇਹ ਵੀ ਇਸ ਐਪਲੀਕੇਸ਼ਨ ਜ਼ਰੀਏ ਜਾਣਕਾਰੀ ਮਿਲ ਜਾਏਗੀ। ਪੂਰਾ ਪੜ੍ਹਨ ਲਈ ਕਲਿਕ ਕਰੋ।
ਜਿਵੇਂ ਹੀ ਕੋਰੋਨਾਵਾਇਰਸ ਦਾ ਸੰਕਟ ਸਾਹਮਣੇ ਆਇਆ ਹੈ, ਵਿਗਿਆਨੀਆਂ ਨੇ ਕੋਰੋਨਾਵਾਇਰਸ ਦੀਆਂ ਅਜੀਬ ਅਤੇ ਚਿੰਤਾਜਨਕ ਵਿਸ਼ੇਸ਼ਤਾਵਾਂ ਬਾਰੇ ਕਾਫ਼ੀ ਸਬੂਤ ਲੱਭੇ ਹਨ।
ਹਾਲਾਂਕਿ ਬਹੁਤ ਸਾਰੇ ਲੋਕਾਂ ਨੂੰ ਖੰਘ, ਬੁਖਾਰ ਹੋਣ ਦੇ ਨਾਲ ਹੀ ਉਨ੍ਹਾਂ ਦੇ ਸੁਆਦ ਅਤੇ ਸੁੰਘਣ ਦੀ ਸ਼ਕਤੀ ਘੱਟ ਹੋ ਜਾਂਦੀ ਹੈ।
ਦੂਜਿਆਂ ਵਿੱਚ ਬਿਲਕੁਲ ਕੋਈ ਲੱਛਣ ਨਹੀਂ ਹੁੰਦੇ ਅਤੇ ਉਨ੍ਹਾਂ ਨੂੰ ਕਦੇ ਇਹ ਅਹਿਸਾਸ ਹੀ ਨਹੀਂ ਹੁੰਦਾ ਕਿ ਉਹ ਕੋਵਿਡ-19 ਤੋਂ ਪ੍ਰਭਾਵਿਤ ਹਨ।
ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇਹ ਸਮਝਣਾ ਬਹੁਤ ਜ਼ਰੂਰੀ ਹੈ ਕਿ ਇਸ ਤਰੀਕੇ ਨਾਲ ਕਿੰਨੇ ਲੋਕ ਪ੍ਰਭਾਵਿਤ ਹੋ ਰਹੇ ਹਨ ਅਤੇ ਕੀ "ਸਾਇਲੈਂਟ ਸਪਰੈਡਰ" ਮਹਾਂਮਾਰੀ ਨੂੰ ਵਧਾ ਰਹੇ ਹਨ। ਵਧੇਰੇ ਜਾਣਕਾਰੀ ਲਈ ਕਲਿਕ ਕਰੋ।
ਗਰਮੀ ਦੇ ਮੌਸਮ ਵਿਚ ਵਰਗੀ ਲੂੰ ਦੌਰਾਨ ਏਸੀ ਦਾ ਨਜ਼ਾਰਾ ਕੌਣ ਲਈ ਲੈਣਾ ਚਾਹੁੰਦਾ। ਪਰ ਕੋਰੋਨਾ ਦੀ ਮਹਾਮਾਰੀ ਦੌਰਾਨ ਇਹ ਵੀ ਕਿਹਾ ਜਾਣ ਲੱਗਾ ਹੈ ਕਿ ਏਸੀ ਕਾਰਨ ਕੋਰੋਨਾ ਵਧਣ ਦੇ ਖ਼ਤਰੇ ਵਧੇਰੇ ਹਨ।
ਸੋਸ਼ਲ ਮੀਡੀਆ ਅਤੇ ਵਟਸਐਪ 'ਤੇ ਬਹੁਤ ਸਾਰੇ ਮੈਸੇਜ ਇਸ ਦਾਅਵੇ ਨਾਲ ਸਾਂਝੇ ਕੀਤੇ ਜਾ ਰਹੇ ਹਨ ਕਿ ਏਸੀ ਤੋਂ ਕੋਰੋਨਾਵਾਇਰਸ ਦੀ ਲਾਗ ਫੈਲਣ ਦਾ ਜੋਖ਼ਮ ਵੱਧ ਜਾਂਦਾ ਹੈ।
ਇਨ੍ਹਾਂ ਮੈਸੇਜਾਂ ਨਾਲ ਲੋਕਾਂ ਦੇ ਮਨਾਂ ਵਿੱਚ ਏਸੀ ਬਾਰੇ ਸ਼ੰਕਾ ਪੈਦਾ ਹੋ ਗਈ ਹੈ। ਪਰ ਕੀ ਸੱਚਮੁੱਚ ਅਜਿਹਾ ਹੈ? ਵਧੇਰੇ ਜਾਣਕਾਰੀ ਲਈ ਕਲਿਕ ਕਰੋ।
ਲਾਤੀਨੀ ਅਮਰੀਕਾ ਦੇ ਪੇਰੂ ਵਿੱਚ ਕੋਰੋਨਾਵਾਇਰਸ ਦੇ ਵਧਦੇ ਮਾਮਲਿਆਂ ਨੂੰ ਵੇਖਦੇ ਹੋਏ ਆਕਸੀਜਨ ਨੂੰ 'ਰਣਨੀਤਿਕ ਸਰੋਤ' ਦਾ ਦਰਜਾ ਦੇ ਦਿੱਤਾ ਗਿਆ ਹੈ।
ਕੋਰੋਨਾਵਾਇਰਸ ਕਾਰਨ ਲਾਤੀਨੀ ਅਮਰੀਕੀ ਦੇਸ਼ਾਂ ਵਿੱਚ ਗੰਭੀਰ ਹਾਲਾਤ ਬਣੇ ਹੋਏ ਹਨ।
ਪੇਰੂ ਦੇ ਸਿਹਤ ਮੰਤਰੀ ਅਨੁਸਾਰ ਇਸ ਵਾਇਰਸ ਨਾਲ 5 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 1.83 ਲੱਖ ਤੋਂ ਵੱਧ ਲੋਕ ਬਿਮਾਰੀ ਨਾਲ ਪੀੜਤ ਹੋਏ ਹਨ।
ਪੇਰੂ ਬ੍ਰਾਜ਼ੀਲ ਤੋਂ ਬਾਅਦ ਕੋਰੋਨਾਵਾਇਰਸ ਨਾਲ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਣ ਵਾਲਾ ਦੂਜਾ ਲਾਤੀਨੀ ਅਮਰੀਕੀ ਦੇਸ਼ ਹੈ।
ਸਰਕਾਰ ਨੇ ਦੇਸ ਵਿੱਚ ਲੱਗੀ ਐਮਰਜੈਂਸੀ ਨੂੰ 90 ਦਿਨਾਂ ਲਈ ਵਧਾ ਦਿੱਤਾ ਹੈ।
ਹਾਈਡ੍ਰੋਕਸੀਕਲੋਰੋਕੁਈਨ ਦਵਾਈ 'ਤੇ ਲਿਖਿਆ ਇੱਕ ਅਹਿਮ ਲੇਖ ਡਾਟਾ ਦੀ ਘਾਟ ਹੋਣ ਕਾਰਨ ਵਾਪਸ ਲੈ ਲਿਆ ਗਿਆ ਹੈ।
ਇਸ ਲੇਖ ਵਿੱਚ ਇੱਕ ਅਧਿਐਨ ਮੁਤਾਬਕ ਲਿਖਿਆ ਗਿਆ ਸੀ ਕਿ ਹਾਈਡ੍ਰੋਕਸੀਕਲੋਰੋਕੁਈਨ ਕੋਰੋਨਾਵਾਇਰਸ ਦੇ ਮਰੀਜ਼ਾਂ ਵਿੱਚ ਮੌਤ ਦੇ ਜੋਖਮ ਨੂੰ ਵਧਾਉਂਦਾ ਹੈ।
ਅਧਿਐਨ 'ਤੇ ਕੰਮ ਕਰਨ ਵਾਲੇ ਤਿੰਨ ਲੋਕਾਂ ਦਾ ਕਹਿਣਾ ਹੈ ਕਿ ਹੁਣ ਉਹ ਇਸ ਲੇਖ ਦੇ ਸਹੀ ਹੋਣ ਬਾਰੇ ਪੂਰੇ ਸਬੂਤ ਨਹੀਂ ਦੇ ਸਕਦੇ।
ਡਾਟਾ ਦੀ ਘਾਟ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਸ ਡਾਟਾ 'ਤੇ ਕੰਮ ਕਰਨ ਵਾਲੀ ਸਿਹਤ-ਸੰਭਾਲ ਫਰਮ ਸਰਗਿਸਫੇਅਰ ਆਪਣੇ ਡਾਟਾ ਦੀ ਸੁਤੰਤਰ ਸਮੀਖਿਆ ਕਰਨ ਦੀ ਇਜ਼ਾਜ਼ਤ ਨਹੀਂ ਦੇਵੇਗੀ।
ਦਸ ਦਈਏ ਕਿ ਇਸ ਅਧਿਐਨ ਦੇ ਅਧਾਰ 'ਤੇ ਹੀ ਵਿਸ਼ਵ ਸਿਹਤ ਸੰਗਠਨ ਨੇ ਹਾਈਡ੍ਰੋਕਸੀਕਲੋਰੋਕੁਈਨ ਦੇ ਟਰਾਇਲ 'ਤੇ ਪਾਬੰਦੀ ਲੈ ਦਿੱਤੀ ਸੀ।
ਪਰ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਸਣੇ ਕਈ ਨੇਤਾ ਇਸ ਦਵਾਈ ਦੀ ਵਰਤੋਂ ਕਰਦੇ ਰਹੇ।
ਇਸ ਅਧਿਐਨ ਵਿੱਚ ਕੰਮ ਕਰਨ ਵਾਲੇ ਚੌਥੇ ਸ਼ਖ਼ਸ, ਸਰਗਿਸਫੇਅਰ ਦੇ ਮੁੱਖ ਕਾਰਜਕਾਰੀ, ਸਪਨ ਦੇਸਾਈ ਨੇ ਗਾਰਡੀਅਨ ਅਖਬਾਰ ਨੂੰ ਦੱਸਿਆ ਕਿ ਉਹ ਸੁਤੰਤਰ ਆਡਿਟ ਵਿੱਚ ਸਹਿਯੋਗ ਦੇਣਗੇ ਪਰ ਡਾਟਾ ਟਰਾਂਸਫਰ ਕਰਨ ਨਾਲ “ਗਾਹਕਾਂ ਨਾਲ ਕੀਤੇ ਸਮਝੌਤੇ ਅਤੇ ਪ੍ਰਾਈਵੇਸੀ ਦੀ ਉਲੰਘਣਾ ਹੋਵੇਗੀ।”