ਕੋਰੋਨਾਵਾਇਰਸ ਅਪਡੇਟ: ਪੰਜਾਬ 'ਚ ਜਨਤਕ ਥਾਵਾਂ 'ਤੇ ਥੁੱਕਣ ਦਾ 100 ਤੇ ਮਾਸਕ ਨਾ ਪਾਉਣ ਦਾ 200 ਰੁਪਏ ਜੁਰਮਾਨਾ

ਲਾਈਵ ਕਵਰੇਜ

1. 28 ਮਈ 202025 ਮਈ ਤੱਕ 44 ਲੱਖ ਲੋਕ ਘਰ ਪਹੁੰਚਾਏ-ਰੇਲਵੇ

   ਰੇਲ ਮੰਤਰਾਲੇ ਮੁਤਾਬਕ 25 ਮਈ ਤੱਕ 3274 ਸ਼੍ਰਮਿਕ ਸਪੈਸ਼ਲ ਟਰੇਨਾਂ ਚਲਾਈਆਂ ਗਈਆਂ। ਇਸ ਦੌਰਾਨ 44 ਲੱਖ ਲੋਕਾਂ ਨੂੰ ਉਨ੍ਹਾਂ ਨੇ ਘਰ ਪਹੁੰਚਾਇਆ ਗਿਆ।

   74 ਲੱਖ ਲੋਕਾਂ ਨੂੰ ਮੁਫ਼ਤ ਖਾਣਾ ਵੰਡਿਆ ਗਿਆ ਅਤੇ ਸਫ਼ਰ ਕਰ ਰਹੇ ਪਰਵਾਸੀ ਮਜ਼ੂਦਰਾਂ ਨੂੰ ਇੱਕ ਕਰੋੜ ਤੋਂ ਵੱਧ ਪਾਣੀ ਦੀਆਂ ਬੋਤਲਾਂ ਦਿੱਤੀਆਂ ਗਈਆਂ।

2. 28 ਮਈ 2020ਕੋਰੋਨਾਵਾਇਰਸ: ਅਮਰੀਕਾ 'ਚ ਮੌਤਾਂ ਦੀ ਗਿਣਤੀ ਇੱਕ ਲੱਖ ਪਾਰ ਹੋਈ

   • ਕੋਰੀਆ, ਵਿਅਤਨਾਮ, ਇਰਾਕ ਅਤੇ ਅਫ਼ਗਾਨਿਸਤਾਨ ਦੀ ਕੁੱਲ 44 ਸਾਲਾਂ ਦੀ ਲੜਾਈ ਵਿੱਚ ਜਿੰਨੇ ਅਮਰੀਕੀਆਂ ਦੀਆਂ ਜਾਨਾਂ ਗਈਆਂ ਸਨ, ਲਗਭਗ ਉਨੀ ਹੀ ਗਿਣਤੀ ਵਿੱਚ ਕੁੱਲ ਤਿੰਨ ਮਹੀਨਿਆਂ 'ਚ ਕੋਰੋਨਾਵਾਇਰਸ ਕਾਰਨ ਅਮਰੀਕੀਆਂ ਦੀ ਮੌਤ ਹੋਈ ਹੈ।
   • ਰਾਸ਼ਟਰਪਤੀ ਡੌਨਲਡ ਟਰੰਪ ਕੋਰੋਨਾ ਨੂੰ ਚੀਨੀ ਵਾਇਰਸ ਵੀ ਕਹਿੰਦੇ ਹਨ। ਅਮਰੀਕਾ ਵਿੱਚ ਮੌਤਾਂ ਦਾ ਅੰਕੜਾ ਹੋਇਆ 100,000 ਤੋਂ ਪਾਰ। ਕੋਰੋਨਾਵਾਇਰਸ ਦੀ ਤਬਾਹੀ ਦੁਨੀਆਂ ਦੇ ਕਿਸੇ ਵੀ ਦੇਸ਼ ਤੋਂ ਵੱਧ ਅਮਰੀਕਾ ਵਿੱਚ ਰਹੀ।

   • ਅਮਰੀਕਾ ਤੋਂ ਬਾਅਦ ਬ੍ਰਿਟੇਨ ਵਿੱਚ ਸਭ ਤੋਂ ਵੱਧ ਮੌਤਾ ਹੋਈਆਂ ਹਨ। ਪਰ ਬ੍ਰਿਟੇਨ ਦੀਆਂ ਕੁੱਲ 37 ਹਜ਼ਾਰ ਮੌਤਾਂ ਨਾਲ ਅਮਰੀਕਾ ਵਿੱਚ ਹੋਈਆਂ ਮੌਤਾਂ ਤਕਰੀਬਨ ਤਿੰਨ ਗੁਣਾ ਜ਼ਿਆਦਾ ਹਨ।
   • ਕੋਰਨਾਵਾਇਰਸ ਦੇ ਲਾਗ ਦੇ ਮਾਮਲੇ ਪੂਰੀ ਦੁਨੀਆਂ ਵਿੱਚ ਤਕਰੀਬਨ 57 ਲੱਖ, ਕੁੱਲ ਮੌਤਾਂ ਦੀ ਗਿਣਤੀ 3.55 ਲੱਖ ਤੋਂ ਵੱਧ

   • ਵਿਸ਼ਵ ਸਿਹਤ ਸੰਗਠਨ (WHO) ਨੇ ਇੱਕ ਸੰਸਥਾ ਬਣਾਈ ਹੈ ਜੋ ਫੰਡਿੰਗ ਦੇ ਨਵੇਂ ਸਰੋਤ ਖੋਜੇਗੀ। ਇਸ 'ਚ ਆਮ ਲੋਕਾਂ ਤੋਂ ਵੀ ਆਰਥਿਕ ਮਦਦ ਲਈ ਜਾ ਸਕਦੀ ਹੈ।

   • ਯੂਰਪੀ ਯੂਨੀਅਨ ਦੀ ਐਕਜ਼ੀਕਿਉਟਿਵ ਬੌਡੀ ਨੇ ਕੋਰੋਨਾਵਾਇਰਸ ਮਹਾਂਮਾਰੀ ਕਾਰਨ ਤਬਾਹ ਹੋਏ ਅਰਥਚਾਰੇ ਨੂੰ ਉੱਤੇ ਲਿਆਉਣ ਲਈ 1.8 ਟ੍ਰਿਲੀਅਨ ਦੇ ਰਿਕਵਰੀ ਪੈਕੇਜ ਦਾ ਐਲਾਨ ਕੀਤਾ ਹੈ।

   • ਇੱਕ ਜੂਨ ਤੋਂ ਰੂਸ ਦੀ ਰਾਜਧਾਨੀ ਮੌਸਕੋ 'ਚ ਲੌਕਡਾਊਨ 'ਚ ਢਿੱਲ ਦਿੱਤੀ ਜਾਵੇਗੀ। ਮੇਅਰ ਦਾ ਕਹਿਣਾ ਹੈ ਕਿ ਲਾਗ ਦੀ ਦਰ ਹੌਲੀ ਹੋਈ ਹੈ।
   • ਨਿਊਜ਼ੀਲੈਂਡ ਵਿੱਚ ਇਸ ਵੇਲੇ ਕੋਰੋਨਾਵਾਇਰਸ ਤੋਂ ਪੀੜਤ ਕੋਈ ਵਿਅਕਤੀ ਹਸਪਤਾਲ ਵਿੱਚ ਨਹੀਂ ਹੈ। ਪੂਰੇ ਦੇਸ ਵਿੱਚ 22 ਮਾਮਲੇ ਹਨ

   • ਭਾਰਤੀ ਸੁਪਰੀਮ ਕੋਰਟ ਨੇ ਸ਼ੁੱਕਰਵਾਰ ਨੂੰ ਕੇਂਦਰ ਸਰਕਾਰ ਤੋਂ ਪੁੱਛਿਆ ਕਿ ਨਿੱਜੀ ਹਸਪਤਾਲ, ਜਿਨ੍ਹਾਂ ਨੂੰ ਮੁਫਤ ਜ਼ਮੀਨ ਦਿੱਤੀ ਗਈ ਹੈ, ਉਹ ਕੋਰੋਨਾਵਾਇਰਸ ਮਰੀਜ਼ਾਂ ਦਾ ਮੁਫਤ ਜਾਂ ਮਾਮੂਲੀ ਫੀਸ ਨਾਲ ਇਲਾਜ ਕਿਉਂ ਨਹੀਂ ਕਰ ਸਕਦੇ। ਅਦਾਲਤ ਨੇ ਕੇਂਦਰ ਸਰਕਾਰ ਤੋਂ ਇੱਕ ਹਫ਼ਤੇ ਦੇ ਅੰਦਰ ਜਵਾਬ ਮੰਗਿਆ ਹੈ ਅਤੇ ਕਿਹਾ ਹੈ ਕਿ ਜਿਹੜੇ ਹਸਪਤਾਲ ਮਰੀਜ਼ਾਂ ਦਾ ਮੁਫਤ ਇਲਾਜ ਕਰ ਸਕਦੇ ਹਨ ਜਾਂ ਨਾਮਾਤਰ ਫੀਸ ਲੈ ਸਕਦੇ ਹਨ, ਉਨ੍ਹਾਂ ਦੀ ਪਛਾਣ ਕੀਤੀ ਜਾਵੇ।

   • ਲੌਕਡਾਊਨ ਕਰਕੇ ਭਾਰਤ 'ਚ ਫਸੇ 179 ਪਾਕਿਸਤਾਨੀ ਸ਼ਹਿਰੀਆਂ ਨੂੰ ਬੀਤੇ ਦਿਨੀਂ ਅਟਾਰੀ ਵਾਹਘਾ ਸਰਹੱਦ ਰਾਹੀ ਉਨ੍ਹਾਂ ਦੇ ਵਤਨ ਪਾਕਿਸਤਾਨ ਭੇਜਿਆ ਗਿਆ।
   • ਭਾਰਤ ਵਿੱਚ ਕੁੱਲ ਕੇਸ 1.52 ਲੱਖ ਤੋਂ ਵੱਧ, 4337 ਮੌਤਾਂ। 64 ਹਜ਼ਾਰ ਤੋਂ ਵੱਧ ਲੋਕ ਠੀਕ ਵੀ ਹੋਏ

   • ਪੰਜਾਬ ਸਰਕਾਰ ਨੇ ਕਿਹਾ ਹੈ ਕਿ ਲੌਕਡਾਊਨ ਬਾਰੇ ਫ਼ੈਸਲਾ 30 ਮਈ ਨੂੰ ਲਿਆ ਜਾਵੇਗਾ। ਇਸ ਲਈ ਬਕਾਇਦਾ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਇੱਕ ਮੀਟਿੰਗ ਸੱਦਣਗੇ ਅਤੇ ਫ਼ਿਰ ਤਾਜ਼ਾ ਸਥਿਤੀ ਦੇ ਆਧਾਰ ਉੱਤੇ ਹੀ ਲੌਕਡਾਊਨ ਬਾਰੇ ਫ਼ੈਸਲਾ ਲਿਆ ਜਾਵੇਗਾ।

   ਤੁਸੀਂ 27 ਮਈ ਦੀਆਂ ਅਪਡੇਟਸ ਜਾਣਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰ ਸਕਦੇ ਹੋ