ਕੋਰੋਨਾਵਾਇਰਸ ਅਪਡੇਟ: ਹੁਣ ਤੱਕ 2 ਲੱਖ ਪਰਵਾਸੀ ਮਜ਼ਦੂਰਾਂ ਨੇ ਛੱਡਿਆ ਪੰਜਾਬ- ਕੈਪਟਨ

ਲਾਈਵ ਕਵਰੇਜ

1. 18 ਮਈ 2020ਦੇਸ-ਦੁਨੀਆ ਦੀ ਹੁਣ ਤੱਕ ਦੀ ਅਹਿਮ ਅਪਡੇਟ

   • ਕੇਂਦਰੀ ਸਿਹਤ ਮੰਤਰਾਲੇ ਦੇ ਅਨੁਸਾਰ, ਪਿਛਲੇ 24 ਘੰਟਿਆਂ ਵਿੱਚ ਕੋਵਿਡ -19 ਦੇ 5,242 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਿਸ ਤੋਂ ਬਾਅਦ ਭਾਰਤ ਵਿੱਚ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਲੋਕਾਂ ਦੀ ਗਿਣਤੀ ਵਧ ਕੇ 96,169 ਹੋ ਗਈ ਹੈ।
   • ਪੂਰੀ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ ਜੌਨ ਹੌਪਕਿੰਸ ਯੂਨੀਵਰਸਿਟੀ ਅਨੁਸਾਰ 47 ਲੱਖ ਤੋਂ ਪਾਰ ਤੇ ਮੌਤਾਂ ਦਾ ਅੰਕੜਾ 3 ਲੱਖ 15 ਹਜ਼ਾਰ ਨੂੰ ਪਾਰ ਕੀਤਾ।
   • ਪੰਜਾਬ ਵਿੱਚ ਮਾਮਲੇ 1930 ਤੋਂ ਵੱਧ ਹੋ ਚੁੱਕੇ ਹਨ ਤੇ 32 ਮੌਤਾਂ ਹੋ ਚੁੱਕੀਆਂ ਹਨ
   • ਓਪੋ ਮੋਬਾਈਲ ਕੰਪਨੀ ਦੀ ਗ੍ਰੇਟਰ ਨੋਇਡਾ ਫੈਕਟਰੀ ਵਿੱਚ ਕੰਮ ਕਰਨ ਵਾਲੇ ਛੇ ਸਟਾਫ਼ ਮੈਂਬਰ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਪਾਏ ਗਏ ਹਨ। ਕੰਪਨੀ ਨੇ ਕਿਹਾ ਕਿ ਫੈਕਟਰੀ ਵਿਚਲੀਆਂ ਸਾਰੀਆਂ ਗਤੀਵਿਧੀਆਂ ਨੂੰ ਰੋਕ ਦਿੱਤਾ ਗਿਆ ਹੈ।
   • ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅੱਜ ਵਿਸ਼ਵ ਸਿਹਤ ਸੰਗਠਨ ਦੀ 73ਵੀਂ ਵਿਸ਼ਵ ਸਿਹਤ ਅਸੈਂਬਲੀ ਨੂੰ ਸੰਬੋਧਨ ਕਰਨਗੇ। ਸ਼ੀ ਕਾਨਫਰੰਸ ਦੇ ਉਦਘਾਟਨੀ ਸਮਾਰੋਹ ਵਿਚ ਭਾਸ਼ਣ ਦੇਣਗੇ, ਜੋ ਕਿ ਵਿਸ਼ਵਵਿਆਪੀ ਲੌਕਡਾਊਨ ਕਾਰਨ ਆਨਲਾਈਨ ਆਯੋਜਿਤ ਕੀਤਾ ਜਾਵੇਗਾ।
   • ਕੋਰੋਨਾਵਾਇਰਸ ਦੇ ਮੁੱਢ ਦੀ ਜਾਂਚ ਲਈ ਆਸਟਰੇਲੀਆਂ ਵਲੋਂ ਚੁੱਕੀ ਗਈ ਮੰਗ ਤੋਂ ਬਾਅਦ ਹੋਰ ਦੇਸ਼ ਵੀ ਸਾਹਮਣੇ ਆ ਰਹੇ ਹਨ। ਸਿਡਨੀ ਮਾਰਨਿੰਗ ਹੈਰਾਲਡ ਦੀ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਵਿਸ਼ਵ ਸਿਹਤ ਅਸੈਂਬਲੀ ਦੀ ਹੋਈ ਵਰਚੁਅਲ ਮੀਟਿੰਗ ਵਿਚ 100 ਤੋਂ ਜ਼ਿਆਦਾ ਦੇਸ਼ ਇਸ ਪ੍ਰਸਤਾਵ ਦਾ ਸਮਰਥਨ ਕਰਨਗੇ।
   • ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਕਹਿਣਾ ਹੈ ਕਿ ਅਮਰੀਕਾ ਵਿੱਚ ਹੁਣ ਕੋਰੋਨਾਵਾਇਰਸ ਦੀ ਲਾਗ ਦੇ ਮਾਮਲੇ ਤੇਜ਼ੀ ਨਾਲ ਘਟ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਇਹ ਅਜੇ ਵੀ ਕੁਝ ਥਾਵਾਂ 'ਤੇ ਬਿਮਾਰੀ ਦੀ ਇੱਕ ਵੱਡੀ ਸਮੱਸਿਆ ਹੈ।
   • ਇਟਲੀ ਤੇ ਸਪੇਨ ਯੂਰੋਪ ਦੇ ਉਨ੍ਹਾਂ ਦੇਸਾਂ ਵਿੱਚੋਂ ਹਨ ਜਿੱਥੇ ਕੋਰੋਨਾਵਾਇਰਸ ਕਰਕੇ ਲਗੇ ਲੌਕਡਾਊਨ ਵਿੱਚ ਢਿੱਲ ਦਿੱਤੀ ਜਾ ਰਹੀ ਹੈ। ਸੋਮਵਾਰ ਨੂੰ ਇਟਲੀ ਵਿੱਚ ਬਾਰ ਤੇ ਸਲੋਨ ਸਮੇਤ ਜ਼ਿਆਦਾਤਰ ਕੰਮ ਸ਼ੁਰੂ ਕਰਨ ਦੀ ਇਜ਼ਾਜ਼ਤ ਦੇ ਦਿੱਤੀ ਗਈ ਹੈ। ਇਹ ਢਿੱਲ ਲਗਭਗ 2 ਮਹੀਨਿਆਂ ਦੇ ਲੌਕਡਾਊਨ ਮਗਰੋਂ ਦਿੱਤੀ ਗਈ ਹੈ। ਸਪੇਨ ਵਿੱਚ ਵੀ, ਮੈਡ੍ਰਿਡ ਤੇ ਬਰਸੇਲੋਨਾ ਨੂੰ ਛੱਡ ਕੇ, 10 ਲੋਕਾਂ ਤੱਕ ਦੇ ਗਰੁੱਪ ਨੂੰ ਮਿਲਣ ਦੀ ਇਜ਼ਾਜ਼ਤ ਦੇ ਦਿੱਤੀ ਗਈ ਹੈ।
   • ਬ੍ਰਾਜ਼ੀਲ ਦੇ ਸਭ ਤੋਂ ਵੱਡੇ ਸ਼ਹਿਰ ਸਾਓ ਪੌਲੋ ਦੇ ਮੇਅਰ ਨੇ ਕਿਹਾ ਹੈ ਕਿ ਕੋਰੋਨਾਵਾਇਰਸ ਦੇ ਕੇਸਾਂ ਨਾਲ ਨਜਿੱਠਣ ਲਈ ਐਮਰਜੈਂਸੀ ਦੌਰਾਨ ਹਸਪਤਾਲਾਂ ਦੀ ਮੰਗ ਵਧਣ ਕਾਰਨ ਸ਼ਹਿਰ ਦੀ ਸਿਹਤ ਪ੍ਰਣਾਲੀ ਮਾੜੇ ਹਾਲਾਤਾਂ ਵਿੱਚ ਹੈ।

2. 18 ਮਈ 2020WHO ਅਸੈਂਬਲੀ ਨੂੰ ਸੰਬੋਧਨ ਕਰਨਗੇ ਚੀਨੀ ਰਾਸ਼ਟਰਪਤੀ

   ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅੱਜ ਵਿਸ਼ਵ ਸਿਹਤ ਸੰਗਠਨ ਦੀ 73ਵੀਂ ਵਿਸ਼ਵ ਸਿਹਤ ਅਸੈਂਬਲੀ ਨੂੰ ਸੰਬੋਧਨ ਕਰਨਗੇ।

   ਸ਼ੀ ਕਾਨਫਰੰਸ ਦੇ ਉਦਘਾਟਨੀ ਸਮਾਰੋਹ ਵਿਚ ਭਾਸ਼ਣ ਦੇਣਗੇ, ਜੋ ਕਿ ਵਿਸ਼ਵਵਿਆਪੀ ਲੌਕਡਾਊਨ ਕਾਰਨ ਆਨਲਾਈਨ ਆਯੋਜਿਤ ਕੀਤਾ ਜਾਵੇਗਾ।

   ਕੁਝ ਦੇਸ਼ਾਂ ਦੁਆਰਾ ਚੀਨ ਦੀ ਇਸ ਬਾਰੇ ਆਲੋਚਨਾ ਕੀਤੀ ਜਾ ਰਹੀ ਹੈ ਕਿ ਉਹਨਾਂ ਡਬਲਯੂਐਚਓ ਅਤੇ ਦੁਨੀਆ ਨੂੰ ਇਸ ਵਾਇਰਸ ਦੇ ਫੈਲਣ ਬਾਰੇ ਅਲਰਟ ਨਹੀਂ ਕੀਤਾ।

   ਚੀਨ ਦੇ ਵਿਦੇਸ਼ ਮੰਤਰਾਲੇ ਨੇ ਸੋਮਵਾਰ ਨੂੰ ਦੁਹਰਾਇਆ ਕਿ ਇਸ ਬਾਰੇ ਜਾਂਚ ਸ਼ੁਰੂ ਕਰਨਾ ਜਲਦਬਾਜ਼ੀ ਹੋਵੇਗੀ।

3. 18 ਮਈ 2020ਕੋਰੋਨਾ ਕਾਲ 'ਚ ਸਮਝੋ; ਮਲੇਰੀਆ, ਚੇਚਕ ਤੇ ਏਡਜ਼ ਵਰਗੀਆਂ ਬਿਮਾਰੀਆਂ ਨਾਲ ਕਿਵੇਂ ਜੀਉਣਾ ਸਿੱਖਿਆ

   ਵਿਸ਼ਵ ਸਿਹਤ ਸੰਗਠਨ ਮੁਤਾਬਕ, "ਇਹ ਦੱਸਣਾ ਜ਼ਰੂਰੀ ਹੈ ਕਿ ਹੋ ਸਕਦਾ ਹੈ ਕੋਰੋਨਾਵਾਇਰਸ ਸ਼ਾਇਦ ਸਾਡੇ ਵਿੱਚੋਂ ਕਦੇ ਜਾਵੇ ਹੀ ਨਾ ਅਤੇ ਸਾਡੇ ਭਾਈਚਾਰਿਆਂ ਵਿੱਚ ਇੱਕ ਹੋਰ ਸਥਾਨਕ ਵਾਇਰਸ (endemic virus) ਬਣ ਜਾਵੇ।"

   ਬੁੱਧਵਾਰ ਨੂੰ ਸੰਗਠਨ ਦੇ ਐਮਰਜੈਂਸੀਜ਼ ਡਾਇਰੈਕਟਰ ਡਾ਼ ਮਾਈਕ ਰਿਆਨ ਨੇ ਇਹ ਸ਼ਬਦ ਉਸ ਸਮੇਂ ਕਹੇ ਜਦੋਂ ਉਨ੍ਹਾਂ ਨੂੰ ਕੋਰੋਨਾਵਾਇਰਸ ਦੇ ਖਾਤਮੇ ਬਾਰੇ ਪੁੱਛਿਆ ਗਿਆ।

   ਹੁਣ ਤੱਕ ਕੋਰੋਨਵਾਇਰਸ ਮਹਾਂਮਾਰੀ 46 ਲੱਖ ਤੋਂ ਵੱਧ ਲੋਕਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਚੁੱਕੀ ਹੈ ਅਤੇ ਤਿੰਨ ਲੱਖ ਤੋਂ ਵਧੇਰੇ ਜਾਨਾਂ ਲੈ ਚੁੱਕੀ ਹੈ।

   ਪੂਰੀ ਖ਼ਬਰ ਪੜ੍ਹਨ ਲਈ ਇਸ ਲਿੰਕ ‘ਤੇ ਕਲਿੱਕ ਕਰੋ।

4. 18 ਮਈ 2020ਚੰਡੀਗੜ੍ਹ ਦੀ ਬਾਪੂ ਧਾਮ ਕਲੋਨੀ ’ਚ ਮਿਲੇ ਪੰਜ ਕੋਰੋਨਾ ਮਰੀਜ਼

   ਚੰਡੀਗੜ੍ਹ ਦੀ ਬਾਪੂ ਧਾਮ ਕਲੋਨੀ ’ਚ ਪੰਜ ਨਵੇਂ ਕੋਰੋਨਾ ਮਰੀਜ਼ ਸਾਹਮਣੇ ਆਏ ਹਨ। ਤਿੰਨ ਮਰੀਜ਼ ਇਕ ਪਰਿਵਾਰ ਦੇ ਹਨ ਅਤੇ ਬਾਕੀ ਦੇ ਦੋ ਇਕ ਹੋਰ ਪਰਿਵਾਰ ਦੇ।

   ਇਹ ਲੋਕ ਕੋਰੋਨਾ ਮਰੀਜ਼ ਦੇ ਸੰਪਰਕ ਵਿਚ ਆਏ ਸਨ।

   ਇਹਨਾਂ ਵਿੱਚ ਇੱਕ 10 ਸਾਲ ਦੀ ਬੱਚੀ ਅਤੇ 60 ਸਾਲ ਦੀ ਬਜ਼ੁਰਗ ਔਰਤ ਵੀ ਸ਼ਾਮਲ ਹੈ।

   ਭਾਰਤ ਦੇ ਸਿਹਤ ਮੰਤਰਾਲੇ ਦੀ ਵੈੱਬਸਾਈਟ ਅਨੁਸਾਰ, ਚੰਡੀਗੜ੍ਹ ‘ਚ ਹੁਣ ਤੱਕ 191 ਕੋਰੋਨਾ ਮਰੀਜ਼ ਹਨ ਅਤੇ 3 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

   51 ਲੋਕ ਠੀਕ ਹੋ ਚੁੱਕੇ ਹਨ ਅਤੇ ਐਕਟਿਵ ਕੇਸਾਂ ਦੀ ਗਿਣਤੀ 137 ਹੈ।

5. 18 ਮਈ 2020ਗ੍ਰੇਟਰ ਨੋਇਡਾ ਵਿੱਚ ਓਪੋ ਇੰਡੀਆ ਕੰਪਨੀ ਦੇ ਛੇ ਕਰਮਚਾਰੀ ਸੰਕਰਮਿਤ ਹੋਏ

   ਓਪੋ ਮੋਬਾਈਲ ਕੰਪਨੀ ਦੀ ਗ੍ਰੇਟਰ ਨੋਇਡਾ ਫੈਕਟਰੀ ਵਿੱਚ ਕੰਮ ਕਰਨ ਵਾਲੇ ਛੇ ਸਟਾਫ਼ ਮੈਂਬਰ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਪਾਏ ਗਏ ਹਨ।

   ਕੰਪਨੀ ਨੇ ਕਿਹਾ ਕਿ ਫੈਕਟਰੀ ਵਿਚਲੀਆਂ ਸਾਰੀਆਂ ਗਤੀਵਿਧੀਆਂ ਨੂੰ ਰੋਕ ਦਿੱਤਾ ਗਿਆ ਹੈ।

   8 ਮਈ ਨੂੰ, ਕੰਪਨੀ ਨੇ ਇਸ ਫੈਕਟਰੀ ਵਿੱਚ ਦੁਬਾਰਾ ਕੰਮ ਸ਼ੁਰੂ ਕੀਤਾ ਸੀ।

   ਕੰਪਨੀ ਨੇ ਕਿਹਾ ਹੈ ਕਿ ਉਹ ਸਾਰੇ ਕਰਮਚਾਰੀਆਂ ਦੀ ਜਾਂਚ ਕਰਨ ਜਾ ਰਹੇ ਹਨ।

6. 18 ਮਈ 2020ਵਾਇਰਸ ਦੇ ‘ਮੁੱਢ’ ਦੀ ਜਾਂਚ ਦੀ ਮੰਗ ਨੂੰ ਮਿਲ ਰਿਹਾ ਸਮਰਥਨ

   ਕੋਰੋਨਾਵਾਇਰਸ ਦੇ ਮੁੱਢ ਦੀ ਜਾਂਚ ਲਈ ਆਸਟਰੇਲੀਆਂ ਵਲੋਂ ਚੁੱਕੀ ਗਈ ਮੰਗ ਤੋਂ ਬਾਅਦ ਹੋਰ ਦੇਸ਼ ਵੀ ਸਾਹਮਣੇ ਆ ਰਹੇ ਹਨ।

   ਸਿਡਨੀ ਮਾਰਨਿੰਗ ਹੈਰਾਲਡ ਦੀ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਵਿਸ਼ਵ ਸਿਹਤ ਅਸੈਂਬਲੀ ਦੀ ਹੋਈ ਵਰਚੁਅਲ ਮੀਟਿੰਗ ਵਿਚ 100 ਤੋਂ ਜ਼ਿਆਦਾ ਦੇਸ਼ ਇਸ ਪ੍ਰਸਤਾਵ ਦਾ ਸਮਰਥਨ ਕਰਨਗੇ।

   ਇਸ ਵੱਡੇ ਸਮਰਥਨ ਨਾਲ ਇਸ ਪ੍ਰਸਤਾਵ ਦੇ ਪਾਸ ਹੋਣ ਦੀਆਂ ਸੰਭਾਵਨਾਵਾਂ ਹੋਰ ਜਾਂਦੀਆਂ ਹਨ।

   ਇਸ ਪ੍ਰਸਤਾਵ ਵਿਚ ਉਸ ਜਗ੍ਹਾ ਦਾ ਜ਼ਿਕਰ ਨਹੀਂ ਕੀਤਾ ਗਿਆ ਜਿੱਥੋਂ ਇਸ ਵਾਇਰਸ ਦੀ ਸ਼ੁਰੂਆਤ ਮੰਨੀ ਜਾ ਰਹੀ ਹੈ, ਪਰ ਵਿਸ਼ਵ ਸਿਹਤ ਸੰਗਠਨ ਦਾ ਹਵਾਲਾ ਦਿੱਤਾ ਹੈ।

   ਪ੍ਰਸਤਾਵ ਨੂੰ ਮਿਲੇ ਸਮਰਥਨ ਤੋਂ ਬਾਅਦ ਚੀਨ ਨੂੰ ਅੰਤਰਰਾਸ਼ਟਰੀ ਸਹਾਇਤਾ ਤੋਂ ਅਲੱਗ-ਥਲੱਗ ਕਰਨ ਦੀ ਸੰਭਾਵਨਾ ਹੈ।

7. 18 ਮਈ 2020ਦੱਖਣੀ ਕੋਰੀਆ: 'ਸੈਕਸ ਡੌਲ' ਦੇ ਬੁੱਤ ਲਗਾ ਕੇ ਮੈਚ ਖੇਡੇ ਗਏ

   ਦੱਖਣੀ ਕੋਰੀਆ ਵਿਚ ਫੁੱਟਬਾਲ ਲੀਗ ਦੇ ਮੈਚ ਦੁਬਾਰਾ ਸ਼ੁਰੂ ਹੋਏ ਹਨ। ਹਾਲਾਂਕਿ ਸਟੇਡੀਅਮ ਖਾਲੀ ਹਨ।

   ਭੀੜ ਦੀ ਘਾਟ ਨੂੰ ਪੂਰਾ ਕਰਨ ਲਈ, ਐਫਸੀ ਸੋਲ ਨੇ ਫੈਸਲਾ ਕੀਤਾ ਕਿ ਪਲਾਸਟਿਕ ਦੇ ਫੈਂਸ ਖਿਡਾਰੀਆਂ ਦਾ ਉਤਸ਼ਾਹ ਵਧਾਉਣਗੇ।

   ਐਤਵਾਰ ਨੂੰ ਮੈਚ ਗਵਾਂਗਜੂ ਐਫ਼ਸੀ ਅਤੇ ਐਫ਼ਸੀ ਸਿਓਲ ਵਿਚਕਾਰ ਹੋਇਆ।

   ਹਾਲਾਂਕਿ, ਬਾਜ਼ ਦੀ ਨਜ਼ਰ ਰੱਖਣ ਵਾਲੇ ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਕਹਿਣਾ ਹੈ ਕਿ ਇਹ ਫੈਂਸ ਜ਼ਿਆਦਾ ਸੈਕਸ ਡੌਲ ਦੀ ਤਰ੍ਹਾਂ ਦਿਖਾਈ ਦੇ ਰਹੇ ਸਨ।

   ਹਾਲਾਂਕਿ ਐਫ਼ਸੀ ਸੋਲ ਨੇ ਇਸ ਤੋਂ ਬਾਅਦ ਮੁਆਫੀ ਮੰਗੀ ਹੈ। ਸਫਾਈ ਦਿੰਦਿਆਂ ਕਲੱਬ ਨੇ ਕਿਹਾ ਕਿ ਸਪਲਾਇਰ ਫੈਸ਼ਨ ਉਤਪਾਦ ਬਣਾਉਣ ਵਾਲੀ ਇਕ ਕੰਪਨੀ ਸੀ ਅਤੇ ਇਹ ਕੋਈ ਅਡਲਟ ਪ੍ਰੋਡੇਕਟ ਨਹੀਂ ਸੀ।

8. 18 ਮਈ 2020ਕੋਵਿਡ -19: ਭਾਰਤ ਵਿਚ ਸਭ ਤੋਂ ਵੱਡਾ ਉਛਾਲ, ਇਕ ਦਿਨ ਵਿਚ 5,242 ਨਵੇਂ ਕੇਸ

   ਕੇਂਦਰੀ ਸਿਹਤ ਮੰਤਰਾਲੇ ਦੇ ਅਨੁਸਾਰ, ਪਿਛਲੇ 24 ਘੰਟਿਆਂ ਵਿੱਚ ਕੋਵਿਡ -19 ਦੇ 5,242 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਿਸ ਤੋਂ ਬਾਅਦ ਭਾਰਤ ਵਿੱਚ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਲੋਕਾਂ ਦੀ ਗਿਣਤੀ ਵਧ ਕੇ 96,169 ਹੋ ਗਈ ਹੈ।

   ਅਧਿਕਾਰੀਆਂ ਦੇ ਅਨੁਸਾਰ, ਇਹ ਭਾਰਤ ਵਿੱਚ ਕੋਵਿਡ -19 ਦੇ ਨਵੇਂ ਮਾਮਲਿਆਂ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਅੰਕੜਾ ਹੈ।

   ਮੰਤਰਾਲੇ ਦੇ ਅਨੁਸਾਰ, ਪਿਛਲੇ 24 ਘੰਟਿਆਂ ਵਿੱਚ ਇਸ ਬਿਮਾਰੀ ਕਾਰਨ 157 ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ। ਇਸ ਨਾਲ ਕੋਵਿਡ -19 ਤੋਂ ਮਰਨ ਵਾਲਿਆਂ ਦੀ ਗਿਣਤੀ ਵੀ ਵਧ ਕੇ 3029 ਹੋ ਗਈ ਹੈ।

   ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਹੋਏ ਸਾਰੇ ਲੋਕਾਂ ਵਿਚੋਂ 36,823 ਲੋਕ ਪੂਰੀ ਤਰ੍ਹਾਂ ਠੀਕ ਹੋ ਚੁੱਕੇ ਹਨ ਅਤੇ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ।

9. 18 ਮਈ 202014 ਦਿਨਾਂ ਦੇ ਹੋਮ ਕੁਆਰੰਟੀਨ ਵਿੱਚ ਨਵਾਜ਼ੁੱਦੀਨ ਸਿਦੀਕੀ

   ਬਾਲੀਵੁੱਡ ਅਭਿਨੇਤਾ ਨਵਾਜ਼ੁੱਦੀਨ ਸਿਦੀਕੀ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ 14 ਦਿਨਾਂ ਦੇ 'ਹੋਮ ਕੁਆਰੰਟੀਨ' ਵਿਚ ਰੱਖਿਆ ਗਿਆ ਹੈ।

   ਨਿਊਜ਼ ਏਜੰਸੀ ਪੀਟੀਆਈ ਨੇ ਪੁਲਿਸ ਦੇ ਹਵਾਲੇ ਨਾਲ ਕਿਹਾ ਕਿ ‘ਨਵਾਜ਼ੁੱਦੀਨ ਈਦ ਮਨਾਉਣ ਲਈ ਮੁੰਬਈ ਤੋਂ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਆਪਣੇ ਪਿੰਡ ਪਹੁੰਚੇ ਹਨ। ਨਵਾਜ਼ੂਦੀਨ ਮੂਲ ਰੂਪ ਤੋਂ ਮੁਜ਼ੱਫਰਨਗਰ ਦੇ ਨਾਲ ਲਗਦੇ ਬੁਧਾਨਾ ਦੇ ਰਹਿਣ ਵਾਲੇ ਹਨ। ਇਸ ਲਈ, ਉਨ੍ਹਾਂ ਨੂੰ ਆਪਣੇ ਪਰਿਵਾਰ ਨਾਲ ਹੋਮ ਕੁਆਰੰਟੀਨ ਵਿੱਚ ਰੱਖਿਆ ਗਿਆ ਹੈ।’

10. 18 ਮਈ 2020ਸਟੇਸ਼ਨਾਂ 'ਤੇ ਭੀੜ ਕੰਟਰੋਲ ਕਰਨ ਲਈ ਚੁੱਕੇ ਗਏ ਕਦਮ

    ਲੌਕਡਾਊਨ ਵਿੱਚ ਢਿੱਲ ਦੇਣ ਮਗਰੋਂ ਲੰਡਨ ਵਿੱਚ ਸਟੇਸ਼ਨਾਂ 'ਤੇ ਭੀੜ ਨੂੰ ਕੰਟਰੋਲ ਕਰਨ ਲਈ ਕੁਝ ਨਵੇਂ ਕਦਮ ਚੁੱਕੇ ਗਏ ਹਨ।

    ਦਫ਼ਤਰ ਖੁੱਲ੍ਹਣ ਮਗਰੋਂ ਬਹੁਤੇ ਲੋਕ ਟਰੇਨਾਂ ਦੀ ਵਰਤੋਂ ਕਰਨਗੇ ਜਿਸ ਕਰਕੇ ਸਮਾਜਿਕ ਦੂਰੀ ਭੰਗ ਹੋਣ ਦੇ ਨਾਲ ਬਿਮਾਰੀ ਫੈਲਣ ਦਾ ਖ਼ਤਰਾ ਵੱਧ ਸਕਦਾ ਹੈ।

    ਭੀੜ ਨੂੰ ਕੰਟਰੋਲ ਕਰਨ ਦੀ ਟ੍ਰੇਨਿੰਗ ਲੈ ਚੁੱਕੇ ਸਕਿਊਰਿਟੀ ਗਾਰਡਾਂ ਨੂੰ ਕੁਝ ਸਟੇਸ਼ਨਾਂ 'ਤੇ ਤਾਇਨਾਤ ਕੀਤਾ ਜਾਵੇਗਾ। ਇਸ ਨਾਲ ਇੱਕ ਸਮੇਂ 'ਤੇ ਬਹੁਤੇ ਲੋਕਾਂ ਨੂੰ ਪਲੈਟਫਾਰਮ 'ਤੇ ਜਾਣ ਅਤੇ ਟਰੇਨ ਚੜ੍ਹਨ ਤੋਂ ਰੋਕਿਆ ਜਾ ਸਕਦਾ ਹੈ।

    ਇਸਦੇ ਨਾਲ ਹੀ ਆਵਾਜਾਈ ਦੀਆਂ ਸੇਵਾਵਾਂ ਵਿੱਚ ਵਾਧਾ ਕਰ ਦਿੱਤਾ ਗਿਆ ਹੈ।

    ਪਰ ਅਧਿਕਾਰੀਆਂ ਦੁਆਰਾ ਐਲਾਨ ਕੀਤਾ ਗਿਆ ਹੈ ਕਿ ਸਿਰਫ਼ ਜ਼ਰੂਰੀ ਹਾਲਾਤਾਂ ਵਿੱਚ ਹੀ ਪਬਲਿਕ ਟ੍ਰਾਂਸਪੋਰਟ ਦੀ ਵਰਤੋਂ ਕੀਤੀ ਜਾਵੇ।

11. 18 ਮਈ 2020ਕੋਰੋਨਾਵਾਇਰਸ ਲੌਕਡਾਊਨ: ਯੂਰਪ ਦੇ ਇਨ੍ਹਾਂ ਦੇਸਾਂ ਵਿੱਚ ਦਿੱਤੀ ਜਾਵੇਗੀ ਢਿੱਲ

    ਇਟਲੀ ਤੇ ਸਪੇਨ ਯੂਰੋਪ ਦੇ ਉਨ੍ਹਾਂ ਦੇਸਾਂ ਵਿੱਚੋਂ ਹਨ ਜਿੱਥੇ ਕੋਰੋਨਾਵਾਇਰਸ ਕਰਕੇ ਲਗੇ ਲੌਕਡਾਊਨ ਵਿੱਚ ਢਿੱਲ ਦਿੱਤੀ ਜਾ ਰਹੀ ਹੈ।

    ਸੋਮਵਾਰ ਨੂੰ ਇਟਲੀ ਵਿੱਚ ਬਾਰ ਤੇ ਸਲੋਨ ਸਮੇਤ ਜ਼ਿਆਦਾਤਰ ਕੰਮ ਸ਼ੁਰੂ ਕਰਨ ਦੀ ਇਜ਼ਾਜ਼ਤ ਦੇ ਦਿੱਤੀ ਗਈ ਹੈ। ਇਹ ਢਿੱਲ ਲਗਭਗ 2 ਮਹੀਨਿਆਂ ਦੇ ਲੌਕਡਾਊਨ ਮਗਰੋਂ ਦਿੱਤੀ ਗਈ ਹੈ।

    ਸਪੇਨ ਵਿੱਚ ਵੀ, ਮੈਡ੍ਰਿਡ ਤੇ ਬਰਸੇਲੋਨਾ ਨੂੰ ਛੱਡ ਕੇ, 10 ਲੋਕਾਂ ਤੱਕ ਦੇ ਗਰੁੱਪ ਨੂੰ ਮਿਲਣ ਦੀ ਇਜ਼ਾਜ਼ਤ ਦੇ ਦਿੱਤੀ ਗਈ ਹੈ।

    ਦੋਵੇਂ ਦੇਸਾਂ ਵਿੱਚ ਮੌਤ ਦੇ ਘੱਟਦੇ ਅੰਕੜਿਆਂ ਕਰਕੇ ਇਹ ਢਿੱਲਾਂ ਦਾ ਐਲਾਨ ਕੀਤਾ ਗਿਆ ਹੈ।

12. 18 ਮਈ 2020ਕੋਰੋਨਾਵਾਇਰਸ ਟਿਪਸ: WHO ਦੀਆਂ ਖਾਣ-ਪੀਣ ਸਬੰਧੀ 5 ਹਦਾਇਤਾਂ ਦਾ ਪਾਲਣ ਕਰੋ

    ਕੋਵਿਡ-19 ਮਹਾਂਮਾਰੀ ਦੇ ਦੌਰ ਵਿੱਚ ਕਈ ਚੀਜ਼ਾਂ ਬਦਲ ਰਹੀਆਂ ਹਨ। ਕੰਮ-ਕਾਜ ਦੇ ਤਰੀਕੇ, ਸਾਫ਼-ਸਫ਼ਾਈ, ਖਾਣ-ਪੀਣ ਦੀਆਂ ਆਦਤਾਂ ਵੀ ਉਨ੍ਹਾਂ ਬਦਲਦੀਆਂ ਚੀਜ਼ਾਂ ਵਿੱਚ ਸ਼ਾਮਲ ਹਨ।

    ਕੋਵਿਡ-19 ਮਗਰੋਂ, ਲੋਕਾਂ ਨੇ ਸਿਹਤ, ਖ਼ਾਸ ਕਰਕੇ ਖਾਣ-ਪੀਣ ਤੇ ਸਾਫ਼-ਸਫ਼ਾਈ ਦੇ ਮੁੱਦਿਆਂ ਨੂੰ ਜ਼ਿਆਦਾ ਤਰਜੀਹ ਦੇਣੀ ਸ਼ੁਰੂ ਕਰ ਦਿੱਤੀ ਹੈ।

    ਵਿਸ਼ਵ ਸਿਹਤ ਸੰਗਠਨ ਨੇ ਸੁਰੱਖਿਅਤ ਖਾਣ-ਪੀਣ ਸਬੰਧੀ ਪੰਜ ਮਹੱਤਵਪੂਰਨ ਸੁਝਾਅ ਸਾਂਝੇ ਕੀਤੇ ਹਨ। ਪੂਰੀ ਜਾਣਕਾਰੀ ਲਈ ਕਲਿਕ ਕਰੋ।

13. 18 ਮਈ 2020ਅਮਰੀਕਾ ਵਿੱਚ ਲਾਗ ਦੇ ਮਾਮਲੇ ਤੇਜ਼ੀ ਨਾਲ ਘਟ ਰਹੇ ਹਨ: ਟਰੰਪ

    ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਕਹਿਣਾ ਹੈ ਕਿ ਅਮਰੀਕਾ ਵਿੱਚ ਹੁਣ ਕੋਰੋਨਾਵਾਇਰਸ ਦੀ ਲਾਗ ਦੇ ਮਾਮਲੇ ਤੇਜ਼ੀ ਨਾਲ ਘਟ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਇਹ ਅਜੇ ਵੀ ਕੁਝ ਥਾਵਾਂ 'ਤੇ ਬਿਮਾਰੀ ਦੀ ਇੱਕ ਵੱਡੀ ਸਮੱਸਿਆ ਹੈ।

    ਜੌਹਨ ਹੋਪਕਿਨਜ਼ ਯੂਨੀਵਰਸਿਟੀ ਦੇ ਅੰਕੜਿਆਂ ਦੇ ਅਨੁਸਾਰ, ਅਮਰੀਕਾ ਵਿੱਚ ਹੁਣ ਤੱਕ ਕੁੱਲ 1,486,376 ਲਾਗ ਦੇ ਕੇਸ ਹਨ ਅਤੇ 89,549 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

14. 18 ਮਈ 2020ਕੋਰੋਨਾਵਾਇਰਸ: ਕੌਮਾਂਤਰੀ ਪੱਧਰ 'ਤੇ ਮਹਾਂਮਾਰੀ ਖ਼ਿਲਾਫ਼ ਚੁੱਕੇ ਕਦਮਾਂ ਬਾਰੇ ਹੋਵੇਗੀ ਚਰਚਾ

    ਵਿਸ਼ਵਵਿਆਪੀ ਸਿਹਤ ਅਧਿਕਾਰੀ ਕੋਵਿਡ -19 ਮਹਾਂਮਾਰੀ ਦੀ ਕੌਮਾਂਤਰੀ ਪ੍ਰਤੀਕ੍ਰਿਆ ਉੱਤੇ ਆਪਣੇ ਸਮੀਖਿਆ ਪੇਸ਼ ਕਰਨ ਲਈ ਇਸ ਹਫ਼ਤੇ ਇੱਕ ਬੈਠਕ ਵਿੱਚ ਹਿੱਸਾ ਲੈਣਗੇ।

    ਵਿਸ਼ਵ ਸਿਹਤ ਸੰਗਠਨ ਦੇ 194 ਮੈਂਬਰ ਦੇਸਾਂ ਦੇ ਪ੍ਰਤੀਨਿਧ ਵਰਚੁਅਲ ਕਾਨਫਰੈਂਸ ਰਾਹੀਂ 73ਵੀਂ ਵਿਸ਼ਵ ਸਿਹਤ ਸੰਮੇਲਨ ਵਿੱਚ ਹਿੱਸਾ ਲੈਣ ਜਾ ਰਹੇ ਹਨ।

    ਕੋਰੋਨਾਵਾਇਰਸ ਨਾਲ ਜੁੜੇ ਸਵਾਲਾਂ ਦੌਰਾਨ ਕਿਵੇਂ 45 ਲੱਖ ਤੋਂ ਵੱਧ ਲੋਕ ਇਸ ਬਿਮਾਰੀ ਦਾ ਸ਼ਿਕਾਰ ਹੋਏ ਵਰਗੇ ਮੁੱਦਿਆਂ 'ਤੇ ਗੱਲ ਕੀਤੀ ਜਾਵੇਗੀ।

    ਹਰ ਸਾਲ ਹੋਣ ਵਾਲਾ ਇਹ ਸੰਮੇਲਨ ਇਸ ਸਾਲ ਉਸ ਸਮੇਂ ਦੌਰਾਨ ਹੋ ਰਿਹਾ ਹੈ ਜਦੋਂ ਚੀਨ ਤੇ ਅਮਰੀਕਾ ਦੀ ਸਿਆਸੀ ਲੜਾਈ ਵਿੱਚ ਫਸੇ ਵਿਸ਼ਵ ਸਿਹਤ ਸੰਗਠਨ ਦੀ ਮਹਾਂਮਾਰੀ ਨਾਲ ਸਹੀ ਤਰ੍ਹਾਂ ਨਾ ਲੜਨ ਕਰਕੇ ਆਲੋਚਨਾ ਕੀਤੀ ਜਾ ਰਹੀ ਹੈ।

15. 18 ਮਈ 2020ਕੋਰੋਨਾਵਾਇਰਸ: ਵਧਦੇ ਮਾਮਲਿਆਂ ਕਰਕੇ ਬ੍ਰਾਜ਼ੀਲ ਦੇ ਹਸਪਤਾਲਾਂ 'ਤੇ ਆਇਆ ਸੰਕਟ

    ਬ੍ਰਾਜ਼ੀਲ ਦੇ ਸਭ ਤੋਂ ਵੱਡੇ ਸ਼ਹਿਰ ਸਾਓ ਪੌਲੋ ਦੇ ਮੇਅਰ ਨੇ ਕਿਹਾ ਹੈ ਕਿ ਕੋਰੋਨਾਵਾਇਰਸ ਦੇ ਕੇਸਾਂ ਨਾਲ ਨਜਿੱਠਣ ਲਈ ਐਮਰਜੈਂਸੀ ਦੌਰਾਨ ਹਸਪਤਾਲਾਂ ਦੀ ਮੰਗ ਵਧਣ ਕਾਰਨ ਸ਼ਹਿਰ ਦੀ ਸਿਹਤ ਪ੍ਰਣਾਲੀ ਮਾੜੇ ਹਾਲਾਤਾਂ ਵਿੱਚ ਹੈ।

    ਬਰੂਨੋ ਕੋਵਸ ਨੇ ਕਿਹਾ ਕਿ ਸ਼ਹਿਰ ਦੇ ਪਬਲਿਕ ਹਸਪਤਾਲ ਆਪਣੀ ਸਮਰਥਾ ਮੁਤਾਬਕ 90% ਭਰੇ ਹੋਏ ਹਨ ਅਤੇ ਲਗਭਗ ਦੋ ਹਫ਼ਤਿਆਂ ਵਿੱਚ ਇਨ੍ਹਾਂ ਵਿੱਚ ਨਵੇਂ ਮਰੀਜ਼ਾਂ ਲਈ ਥਾਂ ਨਹੀਂ ਰਹੇਗੀ।

    ਸਾਓ ਪੌਲੋ ਵਿੱਚ ਹੁਣ ਤਕ ਤਕਰੀਬਨ 3,000 ਮੌਤਾਂ ਹੋ ਚੁੱਕੀਆਂ ਹਨ। ਸ਼ਨੀਵਾਰ ਨੂੰ ਬ੍ਰਾਜ਼ੀਲ, ਸਪੇਨ ਅਤੇ ਇਟਲੀ ਨੂੰ ਪਛਾੜਦਿਆਂ ਹੋਇਆ, ਚੌਥਾ ਸਭ ਤੋਂ ਵੱਧ ਕੋਰੋਨਾਵਾਇਰਸ ਕੇਸਾਂ ਵਾਲਾ ਦੇਸ ਬਣਿਆ।

    ਸਿਹਤ ਮੰਤਰਾਲੇ ਨੇ ਪਿਛਲੇ 24 ਘੰਟਿਆਂ ਦੌਰਾਨ 7,938 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ, ਜਿਸ ਨਾਲ ਕੁਲ ਗਿਣਤੀ 241,000 ਤੋਂ ਉੱਪਰ ਹੋ ਗਈ ਹੈ।

16. 18 ਮਈ 2020ਲੌਕਡਾਊਨ ’ਚ ਵਾਲ ਕਟਵਾਉਣ ਅਤੇ ਕੱਟਣ ਵਾਲੇ ਜ਼ਰੂਰ ਪੜ੍ਹਨ

    "ਦੋ ਮਹੀਨੇ ਤੋਂ ਦੁਕਾਨ ਬੰਦ ਹੈ। ਪਿਤਾ ਜੀ ਫੁੱਟਪਾਥ 'ਤੇ ਹਜਾਮਤ ਕਰਦੇ ਸਨ, ਉਹ ਵੀ ਘਰੇ ਬੈਠੇ ਹਨ, ਮੈਂ ਵੀ ਵਿਹਲਾ ਹਾਂ।"

    "2020 ਤਾਂ ਜਾਨ ਬਚਾਉਣ ਦਾ ਸਾਲ ਹੈ।''

    "ਮੈਂ ਤਾਂ ਆਪ ਹੀ ਆਪਣੀ ਗੰਜ ਕੱਢ ਲਈ, ਇਸ ਸਾਲ ਤਾਂ ਸਲੋਨ ਨਹੀਂ ਜਾਵਾਂਗਾ"

    ਇਹ ਸ਼ਬਦ ਇੱਕ ਸਲੋਨ ਚਲਾਉਣ ਵਾਲੇ ਨੌਜਵਾਨ, ਇੱਕ ਬਿਊਟੀ ਪਾਰਲਰ ਚਲਾਉਣ ਵਾਲੀ ਔਰਤ ਅਤੇ ਇੱਕ ਗਾਹਕ ਦੇ ਹਨ।

    ਕੋਰੋਨਾਵਾਇਰਸ ਕਰਕੇ ਭਾਰਤ ਸਣੇ ਦੁਨੀਆਂ ਦੇ ਕਈ ਮੁਲਕਾਂ ਵਿੱਚ ਲੌਕਡਾਊਨ ਨੇ ਕਈ ਜ਼ਿੰਦਗੀਆਂ ਨੂੰ ਬਰਬਾਦੀ ਦੀ ਕਗਾਰ 'ਤੇ ਲਿਆਂਦਾ ਹੈ।

    ਤੁਸੀਂ ਸੋਸ਼ਲ ਮੀਡੀਆ 'ਤੇ ਆਪਣੀ ਦਾੜ੍ਹੀ ਅਤੇ ਵਾਲ ਕੱਟਣ ਦੀਆਂ ਵੀਡੀਓ ਦੇਖੀਆਂ ਹੋਣੀਆਂ।

    ਚੁਟਕਲੇ ਵੀ ਬਣੇ ਕਿ ਵਧੇ ਹੋਏ ਵਾਲਾਂ ਅਤੇ ਦਾੜ੍ਹੀ ਨਾਲ ਆਦਮੀ ਅਤੇ ਔਰਤਾਂ ਕਿਹੋ ਜਿਹੇ ਦਿਖਣਗੇ।

    ਇਸ ਮਹਾਂਮਾਰੀ ਦਾ ਤਕਰੀਬਨ ਹਰ ਤਰ੍ਹਾਂ ਦੇ ਕਾਰੋਬਾਰ 'ਤੇ ਅਸਰ ਪਿਆ ਹੈ, ਇਨ੍ਹਾਂ ਵਿੱਚੋਂ ਇੱਕ ਹੈ ਹੇਅਰ ਐਂਡ ਬਿਊਟੀ ਇੰਡਸਟਰੀ।

    ਪੂਰੀ ਖ਼ਬਰ ਪੜ੍ਹਨ ਲਈ ਕਲਿੱਕ ਕਰੋ

17. 18 ਮਈ 2020ਮਾਸਕ ਪਾਓ, ਨਹੀਂ ਤਾਂ ਤਿੰਨ ਸਾਲ ਲਈ ਜੇਲ੍ਹ ਜਾਓ

    ਕਤਰ ਨੇ ਫੇਸ ਮਾਸਕ ਪਹਿਨਣਾ ਲਾਜ਼ਮੀ ਕਰ ਦਿੱਤਾ ਹੈ।

    ਜੇਕਰ ਕੋਈ ਬਿਨਾਂ ਮਾਸਕ ਦੇ ਫੜਿਆ ਜਾਂਦਾ ਹੈ ਤਾਂ ਉਸ ਨੂੰ ਤਿੰਨ ਸਾਲ ਤੱਕ ਦੀ ਸਜਾ ਜਾਂ 45,000 ਡਾਲਰ ਤੱਕ ਦਾ ਜੁਰਮਾਨਾ ਲੱਗ ਸਕਦਾ ਹੈ।

    ਕਤਰ ਵਿਚ ਕੋਰੋਨਵਾਇਰਸ ਲਈ ਪ੍ਰਤੀ ਵਿਅਕਤੀ ਲਾਗ ਦਰ ਸਭ ਤੋਂ ਵੱਧ ਹੈ। 30 ਲੱਖ ਤੋਂ ਵੀ ਘੱਟ ਆਬਾਦੀ ਵਾਲੇ ਕਤਰ ਚ 30,000 ਲੋਕਾਂ ਦੇ ਕੋਰੋਨਾ ਟੈਸਟ ਪੌਜ਼ਿਟਿਵ ਆਏ ਹਨ।

18. 18 ਮਈ 2020ਲੌਕਡਾਊਨ 4.0: ਪੰਜਾਬ ਵਿੱਚ ਕੀ-ਕੀ ਖੁੱਲ੍ਹੇਗਾ

    ਭਾਰਤ ਵਿੱਚ ਲੌਕਡਾਊਨ 4.0 ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਜਾਣੋ ਪੰਜਾਬ ਬਾਰੇ ਅਹਿਮ ਜਾਣਕਾਰੀ:

    • ਸਰਕਾਰੀ ਤੇ ਪ੍ਰਾਈਵੇਟ ਹਸਪਤਾਲਾਂ ਦੀ ਓਪੀਡੀ।
    • ਸੂਬੇ ਦੇ ਅੰਦਰ ਸਵੇਰ 7 ਵਜੇ ਤੋਂ ਸ਼ਾਮ 7 ਵਜੇ ਤੱਕ ਆਵਾਜਾਹੀ ਦੀ ਇਜਾਜ਼ਤ, ਇਸ ਦੌਰਾਨ ਪਾਸ ਦੀ ਲੋੜ ਨਹੀਂ।
    • ਪ੍ਰਾਈਵੇਟ ਟੈਕਸੀਆਂ, ਕੈਬ, ਰਿਕਸ਼ਾ, ਆਟੋ ਰਿਕਸ਼ੇ, ਟੂ ਵ੍ਹੀਲਰ ਅਤੇ ਫੋਰ ਵ੍ਹੀਲਰ।
    • ਸ਼ਹਿਰੀ ਅਤੇ ਪੇਂਡੂ ਖੇਤਰਾਂ ਵਿੱਚ ਦੁਕਾਨਾਂ ਖੁੱਲ੍ਹ ਸਕਣਗੀਆਂ।
    • ਪੇਂਡੂ ਅਤੇ ਸ਼ਹਿਰੀ ਖੇਤਰਾਂ ਵਿੱਚ ਹੇਅਰ ਕਟਿੰਗ ਸਲੋਨ ਖੁੱਲ੍ਹ ਸਕਣਗੇ।
    • ਪੇਂਡੂ ਅਤੇ ਸ਼ਹਿਰੀ ਇਲਾਕਿਆਂ ਵਿੱਚ ਉਸਾਰੀ ਦਾ ਕੰਮ ਕੀਤਾ ਜਾ ਸਕਦਾ ਹੈ।
    • ਪੇਂਡੂ ਤੇ ਸ਼ਹਿਰੀ ਖੇਤਰਾਂ ਵਿੱਚ ਇੰਡਸਟ੍ਰੀ ਚਲਾਈ ਜਾ ਸਕਦੀ ਹੈ।
    • ਖੇਤੀ, ਪਸ਼ੂ ਪਾਲਣ ਵਰਗੇ ਕਿੱਤਿਆਂ ਦੀ ਇਜਾਜ਼ਤ।
    • ਰੈਸਟੋਰੈਂਟ ਖੁੱਲ੍ਹਣਗੇ ਪਰ ਬੈਠ ਕੇ ਖਾਣ ਦੀ ਇਜਾਜ਼ਤ ਨਹੀ ਹੋਵੇਗੀ।
    • ਬੈਂਕ, ਫਾਈਨਾਂਸ, ਕੂਰੀਅਰ ਅਤੇ ਪੋਸਟਲ ਸੇਵਾਵਾਂ ਜਾਰੀ ਰਹਿਣਗੀਆਂ।
    • ਸਾਰੀਆਂ ਵਸਤਾਂ ਲਈ ਈ-ਕਾਮਰਸ ਵਿੱਚ ਛੋਟ।
    • ਸਰਕਾਰੀ ਅਤੇ ਪ੍ਰਾਈਵੇਟ ਦਫਤਰ ਖੁੱਲ੍ਹੇ ਰਹਿਣਗੇ।

19. 18 ਮਈ 2020ਕੋਰੋਨਾਵਾਇਰਸ: ਹੁਣ ਤੱਕ ਦੀ ਅਪਡੇਟ

    ਇਟਲੀ, ਪੁਰਤਗਾਲ ਤੇ ਸਪੇਨ ਅੱਜ ਤੋਂ ਲੌਕਡਾਊਨ ਵਿੱਚ ਰਿਆਇਤਾਂ ਦੇਣ ਜਾ ਰਹੇ ਹਨ। ਇਟਲੀ ਵਿੱਚ ਜ਼ਿਆਦਾਤਰ ਵਪਾਰ ਅੱਜ ਤੋਂ ਖੋਲ੍ਹੇ ਜਾਣਗੇ।

    ਅਮਰੀਕਾ ਦੇ ਫੈਡਰਲ ਰਿਜ਼ਰਵ ਦੇ ਚੇਅਰਮੈਨ ਅਨੁਸਾਰ ਅਮਰੀਕੀ ਅਰਥਚਾਰਾ ਕੋਰੋਨਾਵਾਇਰਸ ਕਰਕੇ 20-30 ਫੀਸਦ ਤੱਕ ਅਕਾਰ ਵਿੱਚ ਘਟੇਗਾ

    ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਕਿਹਾ ਹੈ ਕਿ ਅਮਰੀਕਾ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ ਤੇਜ਼ੀ ਨਾਲ ਘੱਟ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਕੁਝ ਥਾਂਵਾਂ ’ਤੇ ਅਜੇ ਵੀ ਵੱਡੀ ਸਮੱਸਿਆ ਹੈ।

    ਬ੍ਰਾਜ਼ੀਲ ਵਿੱਚ ਮਾਮਲਿਆਂ ਦੀ ਗਿਣਤੀ ਯੂਕੇ ਤੇ ਰੂਸ ਤੋਂ ਵੱਧ, ਹਸਪਤਾਲਾਂ ਵਿੱਚ ਬੈੱਡ 90 ਫੀਸਦ ਤੱਕ ਘਿਰੇ, ਮਰੀਜ਼ਾਂ ਲਈ ਥਾਂ ਦੀ ਘਾਟ।

    ਬ੍ਰਿਟੇਨ ਵਿੱਚ ਮੌਤਾਂ ਦਾ ਅੰਕੜਾ ਘੱਟ ਹੋ ਰਿਹਾ ਹੈ। ਐਤਵਾਰ ਨੂੰ ਇੱਥੇ 170 ਮੌਤਾਂ ਹੋਈਆਂ ਹਨ।

    ਜਪਾਨ ਵਿੱਚ ਜਾਰੀ ਅੰਕੜਿਆਂ ਅਨੁਸਾਰ ਉੱਥੇ 2015 ਤੋਂ ਬਾਅਦ ਪਹਿਲੀ ਵਾਰ ਮੰਦੀ ਦੇ ਹਾਲਾਤ ਨਜ਼ਰ ਆ ਰਹੇ ਹਨ।

    ਭਾਰਤ ਸਰਕਾਰ ਨੇ ਲੌਕਡਾਊਨ ਨੂੰ 31 ਮਈ ਤੱਕ ਵਧਾ ਦਿੱਤਾ ਹੈ। ਲੌਕਡਾਊਨ-4 ਵਿੱਚ ਸੂਬੇ ਤੈਅ ਜ਼ੌਨਜ਼ ਬਾਰੇ ਤੈਅ ਕਰ ਸਕਣਗੇ।

    ਪੂਰੀ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ ਜੌਨ ਹੌਪਕਿੰਸ ਯੂਨੀਵਰਸਿਟੀ ਅਨੁਸਾਰ 47 ਲੱਖ ਤੋਂ ਪਾਰ ਤੇ ਮੌਤਾਂ ਦਾ ਅੰਕੜਾ 3 ਲੱਖ 15 ਹਜ਼ਾਰ ਨੂੰ ਪਾਰ ਕੀਤਾ

    ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ 91,000 ਤੋਂ ਵੱਧ ਮਾਮਲੇ, ਹੁਣ ਤੱਕ 2870 ਤੋਂ ਵੱਧ ਮੌਤਾਂ।

    ਪੰਜਾਬ ਵਿੱਚ ਮਾਮਲੇ 1930 ਤੋਂ ਵੱਧ ਹੋ ਚੁੱਕੇ ਹਨ ਤੇ 32 ਮੌਤਾਂ ਹੋ ਚੁੱਕੀਆਂ ਹਨ

    ਕੋਰੋਨਾ ਸੰਕਟ ਕਾਰਨ ਪੰਜਾਬ 'ਚ ਗਈਆਂ 10 ਲੱਖ ਨੌਕਰੀਆਂ- ਕੈਪਟਨ

20. 18 ਮਈ 2020

    ਬੀਬੀਸੀ ਪੰਜਾਬੀ ਦੇ ਕੋਰੋਨਾਵਾਇਰਸ ਦੇ ਲਾਈਵ ਪੇਜ ’ਤੇ ਤੁਹਾਡਾ ਸਵਾਗਤ ਹੈ। ਇਸ ਪੇਜ ਉੱਤੇ ਤੁਸੀਂ ਕੋੋਰੋਨਵਾਇਰਸ ਨਾਲ ਜੁੜੇ ਅਹਿਮ ਘਟਨਾਕ੍ਰਮ ਬਾਰੇ ਜਾਣਕਾਰੀ ਹਾਸਲ ਕਰ ਸਕਦੇ ਹੋ।

    17 ਮਈ ਤੱਕ ਦੀ ਅਪਡੇਟ ਲਈ ਤੁਸੀਂ ਇੱਥੇ ਕਲਿੱਕ ਕਰੋ