ਬ੍ਰਿਟੇਨ ਦੀ ਮਹਿਲਾ ਕੂਟਨੀਤਿਕ ਨਾਲ ਚੰਡੀਗੜ੍ਹ ਵਿੱਚ ਕਥਿਤ ਛੇੜਛਾੜ- ਪ੍ਰੈੱਸ ਰਿਵੀਊ
ਤਸਵੀਰ ਸਰੋਤ, BBC/AJAY JALANDHRI
ਪੁਲਿਸ ਮੁਤਾਬਕ ਚੰਡੀਗੜ੍ਹ ਸਥਿਤ ਬ੍ਰਿਟੇਨ ਦੇ ਡਿਪਟੀ ਹਾਈ ਕਮਿਸ਼ਨ ਦੀ ਇੱਕ ਅਧਿਕਾਰੀ ਮੁਤਾਬਕ ਜਦੋਂ ਉਹ ਸ਼ਹਿਰ ਦੇ ਉੱਚ ਸੁਰੱਖਿਆ ਵਾਲੇ ਦਸ ਸੈਕਟਰ ਵਿੱਚ ਸਵੇਰ ਦੀ ਸੈਰ ਲਈ ਨਿਕਲੇ ਤਾਂ ਉਨ੍ਹਾਂ ਨਾਲ ਛੇੜਛਾੜ ਕੀਤੀ ਗਈ।
ਇੰਡੀਅਨ ਐਕਸਪ੍ਰੈੱਸ ਦੀ ਖ਼ਬਰ ਮੁਤਾਬਕ ਪੀੜਤਾ ਕੂਟਨੀਤਿਕ ਅਧਿਕਾਰੀ ਬ੍ਰਿਟਿਸ਼ ਨਾਗਰਿਕ ਹੈ ਅਤੇ ਸਵੇਰੇ ਬੁੱਧਵਾਰ ਸਵੇਰੇ ਪੌਣੇ ਛੇ ਵਜੇ ਇੱਕ ਅਣਪਛਾਤੇ ਮੋਟਰਸਾਈਕਲ ਸਵਾਰ ਨੇ ਉਨ੍ਹਾਂ ਨੂੰ ਪਿੱਛੋਂ ਟੱਕਰ ਮਾਰੀ। ਮਹਿਲਾ ਨੇ ਉਸ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਭੱਜਣ ਵਿੱਚ ਸਫ਼ਲ ਰਿਹਾ।
ਮਹਿਲਾ ਚੰਡੀਗੜ੍ਹ ਲਾਨ ਟੈਨਿਸ ਐਸੋਸੀਏਸ਼ਨ ਦੇ 10 ਸੈਕਟਰ ਦੇ ਗਰਾਊਂਡ ਜਾ ਰਹੀ ਸੀ ਅਤੇ ਰਸਤੇ ਵਿੱਚ ਸੀ ਜਦੋਂ ਕਿ ਇਹ ਘਟਨਾ ਵਾਪਰੀ।
ਪੁਲਿਸ ਨੇ ਸ਼ਿਕਾਇਤ ਦਰਜ ਕਰ ਲਈ ਹੈ।
ਇਹ ਵੀ ਪੜ੍ਹੋ:
ਮੁੰਦਰਾ ਡਰੱਗ ਮਾਮਲਾ ਐੱਨਆਈਏ ਨੇ ਆਪਣੇ ਹੱਥ ਵਿੱਚ ਲਿਆ
ਤਸਵੀਰ ਸਰੋਤ, Getty Images
ਬੁੱਧਵਾਰ ਨੂੰ ਮੁੰਦਰਾ ਨਸ਼ਾ ਤਸਕਰੀ ਮਾਮਲੇ ਦੀ ਜਾਂਚ ਆਪਣੇ ਹੱਥ ਵਿੱਚ ਲੈ ਲਈ। ਗੁਜਰਾਤ ਦੇ ਮੁੰਦਰਾ ਬੰਦਰਗਾਹ ਜਿਸ ਦਾ ਸੰਚਾਨਲ ਅਡਾਨੀ ਸਮੂਹ ਦੀ ਕੰਪਨੀ ਵੱਲੋਂ ਕੀਤਾ ਜਾਂਦਾ ਹੈ ਤੋਂ ਡਾਇਰੈਕਟੋਰੇਟ ਆਫ਼ ਰੈਵਿਨਿਊ ਦੀ ਛਾਪਮੇਰੀ ਵਿੱਚ 2,988 ਕਿੱਲੋਗ੍ਰਾਮ ਹੈਰੋਇਨ ਫੜੀ ਗਈ ਸੀ।
ਇੰਡੀਅਨ ਐਕਸਪ੍ਰੈੱਸ ਦੀ ਖ਼ਬਰ ਮੁਤਾਬਕ ਜਾਂਚ ਏਜੰਸੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਸ ਨੇ ਇਹ ਕੇਸ ਗ੍ਰਹਿ ਮੰਤਰਾਲਾ ਦੇ ਹੁਕਮਾਂ ਤੋਂ ਬਾਅਦ ਦਰਜ ਕੀਤਾ ਹੈ।
ਐੱਨਆਈਏ ਨੇ ਨਾ ਸਿਰਫ਼ ਇਸ ਵਿੱਚ ਆਈਪੀਸੀ ਦੀਆਂ ਸੰਬਧਿਤ ਧਾਰਵਾਂ ਅਤੇ ਨਾਰਕੋਟਿਕਸ ਡਰੱਗਸ ਅਤੇ ਸਾਈਕੋਟਰੋਪਿਕ ਸਬਸਟਾਂਸਜ਼ ਐਕਟ ਲਗਾਏ ਹਨ ਸਗੋਂ ਗੈਰਕਾਨੂੰਨੀ ਗਤੀਵਿਧੀਆਂ ਰੋਕੂ ਐਕਟ (ਯੂਏਪੀਏ) ਦੀਆਂ ਧਾਰਾਵਾਂ 17 ( ਦਹਿਸ਼ਤਗਰਦ ਗਤੀਵਿਧੀਆਂ ਲਈ ਫੰਡ ਇਕੱਠਾ ਕਰਨਾ) ਅਤੇ 18 ( ਦਹਿਸ਼ਤਗਰਦ ਕਾਰਵਾਈਆਂ ਦੀਆਂ ਸਾਜਿਸ਼ ਘੜਨ ਲਈ ਸਜ਼ਾ) ਵੀ ਲਗਾਈਆਂ ਹਨ।'
ਏਜੰਸੀ ਨੇ ਕਿਹਾ ਹੈ, ''ਕਿਉਂਕਿ ਨਸ਼ੇ ਅਫ਼ਗਾਨਿਸਤਾਨ ਤੋਂ ਆਏ ਹਨ ਜਿੱਥੇ ਹੁਣ ਤਾਲਿਬਾਨ ਦਾ ਸ਼ਾਸਨ ਹੈ ਤਾਂ ਪੂਰੇ ਮਾਮਲੇ ਵਿੱਚ ਨਾਰਕੋ-ਟੈਰਰਿਜ਼ਮ ਦਾ ਵੀ ਇੱਕ ਕੋਲ ਬਣਦਾ ਹੈ। ਮਾਮਲੇ ਦੇ ਕੌਮਾਂਤਰੀ ਪ੍ਰਸੰਗ ਹਨ ਅਤੇ ਇਸੇ ਕਾਰਨ ਇਹ ਐੱਨਆਈਏ ਨੂੰ ਸੋਂਪਿਆ ਗਿਆ ਹੈ।''
ਕਰੂਜ਼ ਪਾਰਟੀ ਛਾਪੇ ਵਿੱਚ ਬੀਜੇਪੀ ਆਗੂ ਦੀ ਸ਼ਮੂਲੀਅਤ ਦਾ ਦਾਅਵਾ
ਤਸਵੀਰ ਸਰੋਤ, Getty Images
ਐੱਨਸੀਪੀ ਦੇ ਆਗੂ ਤੇ ਮਹਾਰਸ਼ਟਰ ਸਰਕਾਰ ਵਿੱਚ ਮੰਤਰੀ ਨਵਾਬ ਮਲਿਕ ਨੇ ਇਲਜ਼ਾਮ ਲਗਾਇਆ ਹੈ ਕਿ ਐੱਨਸੀਬੀ ਦੇ ਜਿਸ ਛਾਪੇ ਵਿੱਚ ਸ਼ਾਹਰੁਖ਼ ਖਾਨ ਦੇ ਪੁੱਤਰ ਆਰਿਅਨ ਖ਼ਾਨ ਤੇ ਅਰਬਾਜ਼ ਮਰਚੈਂਟ, ਮੁਨਮੁਨ ਧਮੇਚਾ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਉਸ ਵਿੱਚ ਐੱਨਸੀਬੀ ਦੀ ਟੀਮ ਵਿੱਚ ਭਾਜਪਾ ਆਗੂ ਵੀ ਸ਼ਾਮਲ ਸੀ।
ਟਾਈਮਜ਼ ਆਫ਼ ਇੰਡੀਆ ਦੀ ਖ਼ਬਰ ਮੁਤਾਬਕ ਐੱਨਸੀਪੀ ਆਗੂ ਨੇ ਦਾਅਵਾ ਕੀਤਾ ਕਿ ਛਾਪਾਮਾਰੀ ਵਾਲੀ ਟੀਮ ਵਿੱਚ ਭਾਜਪਾ ਆਗੂ ਮਨੀਸ਼ ਭਾਨੂਸ਼ਾਲੀ ਵੀ ਸ਼ਾਮਲ ਸੀ।
ਆਗੂ ਨੇ ਕਿਹਾ ਕਿ ''ਮਨੀਸ਼ 28 ਸਿਤੰਬਰ ਤੱਕ ਨੂੰ ਗੁਜਰਾਤ ਵਿੱਚ ਸੀ ਫਿਰ ਮੁੰਬਈ ਵਾਪਸ ਆਇਆ ਅਤੇ ਫਿਰ ਪਹਿਲੀ ਅਕਤੂਬਰ ਨੂੰ ਅਹਿਮਦਾਬਾਦ ਚੱਲਿਆ ਗਿਆ।''
''ਉਸ ਨੇ ਛਾਪੇ ਵਿੱਚ ਹਿੱਸਾ ਲਿਆ ਤੇ ਛਾਪੇ ਤੋਂ ਬਾਅਦ ਅਰਬਾਜ਼ ਮਸਤਾਨ ਨੂੰ ਐੱਨਸੀਬੀ ਦੇ ਦਫ਼ਤਰ ਛੱਡਿਆ।''
''ਐੱਨਸੀਬੀ ਨੂੰ ਇਹ ਸਾਰਿਆਂ ਨੂੰ ਸਪਸ਼ਟ ਕਰਨਾ ਪਵੇਗਾ। ਐੱਨਸੀਬੀ ਦੇ ਛਾਪੇ ਵਿੱਚ ਭਾਜਪਾ ਆਗੂ ਕੀ ਕਰ ਰਿਹਾ ਹੈ?''
''ਕੀ ਐੱਨਸੀਬੀ ਜੋ ਭਾਜਪਾ ਕਹਿੰਦੀ ਹੈ ਉਸ ਮੁਤਾਬਕ ਕੰਮ ਕਰਦੀ ਹੈ?''
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
