ਹਰਲੀਨ ਦਿਓਲ ਲਈ ਸਚਿਨ ਤੇਂਦੁਲਕਰ ਨੇ ਕਿਉਂ ਕਿਹਾ,'ਮੇਰੇ ਲਈ ਇਹ ਕੈਚ ਆਫ਼ ਦਾ ਯੀਅਰ'
ਤਸਵੀਰ ਸਰੋਤ, Twitter
ਹਿਮਾਚਲ ਪ੍ਰਦੇਸ਼ ਲਈ ਖੇਡਣ ਵਾਲੀ ਕ੍ਰਿਕਟ ਖਿਡਾਰਨ ਹਰਲੀਨ ਦਿਓਲ ਵੱਲੋਂ ਇੰਗਲੈਂਡ ਖ਼ਿਲਾਫ਼ ਖੇਡੇ ਜਾ ਰਹੇ ਪਹਿਲੇ ਟੀ-20 ਮੈਚ ਵਿੱਚ ਫੜਿਆ ਗਿਆ ਮਾਅਰਕੇਦਾਰ ਕੈਚ, ਸੋਸ਼ਲ ਮੀਡੀਆ ਉੱਪਰ ਚਰਚਾ ਦਾ ਵਿਸ਼ਾ ਹੈ।
ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਹਰਲੀਨ ਦਿਓਲ ਬਾਲ ਫੜਨ ਲਈ ਛਲਾਂਗ ਲਗਾਉਂਦੇ ਹਨ ਪਰ ਜਲਦੀ ਹੀ ਸਮਝ ਜਾਂਦੇ ਹਨ ਕਿ ਉਨ੍ਹਾਂ ਦਾ ਪੈਰ ਬਾਊਂਡਰੀ ਤੋਂ ਪਾਰ ਚਲਿਆ ਗਿਆ ਹੈ।
ਉਹ ਤੁਰੰਤ ਗੇਂਦ ਨੂੰ ਵਾਪਸ ਹਵਾ ਵਿੱਚ ਉਛਾਲ ਦਿੰਦੇ ਹਨ ਅਤੇ ਬਾਊਂਡਰੀ ਦੇ ਅੰਦਰ ਆ ਕੇ ਮੁੜ ਕੈਚ ਕਰ ਲੈਂਦੇ ਹਨ।
ਸਚਿਨ ਤੈਂਦੂਲਰਕ ਨੇ ਟਵੀਟ ਕਰਕੇ ਇਸ ਕੈਚ ਬਿਹਤਰੀਨ ਕੈਚ ਦੱਸਿਆ। ਉਨ੍ਹਾਂ ਨੇ ਲਿਖਿਆ,'' ਮੇਰੇ ਲਈ ਇਹ ਕੈਚ ਆਫ਼ ਦਾ ਯੀਅਰ ਹੈ।''
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਇਹ ਵੀ ਪੜ੍ਹੋ:
23 ਸਾਲਾ ਕ੍ਰਿਕਟ ਖਿਡਾਰਨ ਹਰਲੀਨ ਨੇ ਇਹ ਕੈਚ ਨੌਰਥੈਂਪਟਨ ਵਿੱਚ ਖੇਡੇ ਜਾ ਰਹੇ ਪਹਿਲੇ ਟੀ-20 ਮੈਚ ਵਿੱਚ ਸ਼ੁੱਕਰਵਾਰ ਨੂੰ ਕੀਤਾ। ਹਾਲਾਂਕਿ ਇਹ ਮੈਚ ਭਾਰਤ ਹਾਰ ਗਿਆ ਪਰ ਹਰਲੀਨ ਦੇ ਕੈਚ ਦੀ ਵੀਡੀਓ ਅਤੇ ਉਸ ਦੀ ਕੋਸ਼ਿਸ਼ ਵਾਇਰਲ ਹੋ ਗਈ।
ਹਰਲੀਨ ਨੇ ਇਹ ਕੈਚ ਮੈਚ ਦੇ 19ਵੇਂ ਓਵਰ ਵਿੱਚ ਕੀਤਾ ਜਦੋਂ ਇੰਗਲੈਂਡ ਦੀ ਐਮੀ ਜੋਨਜ਼ ਨੇ ਭਾਰਤੀ ਗੇਂਦਬਾਜ਼ ਸ਼ਿਖ਼ਾ ਪਾਂਡੇ ਦੀ ਬਾਲ 'ਤੇ ਸ਼ਾਟ ਮਾਰਿਆ।
ਜਿਉਂ ਹੀ ਬਾਲ ਲਾਂਗ ਔਫ਼ ਵੱਲ ਗਈ ਹਰਲੀਨ ਨੇ ਪੂਰਾ ਤਾਣ ਲਗਾ ਕੇ ਉਸ ਨੂੰ ਦਬੋਚ ਲਿਆ।
ਕਿਸ ਨੇ ਹਰਲੀਨ ਬਾਰੇ ਕੀ ਲਿਖਿਆ
ਉੱਥੇ ਹੀ ਮਹਿੰਦਰਾ ਐਂਡ ਮਹਿੰਦਰਾ ਵਾਲੇ ਆਨੰਦ ਮਹਿੰਦਰਾ ਨੇ ਹਰਲੀਨ ਨੂੰ ਵੰਡਰਵੂਮੈਨ ਦੱਸਿਆ।
ਉਨ੍ਹਾਂ ਨੇ ਲਿਖਿਆ,"ਨਹੀਂ, ਇਹ ਸੰਭਵ ਨਹੀਂ ਹੈ, ਇਹ ਨਹੀ ਹੋ ਸਕਦਾ। ਕੋਈ ਸਪੈਸ਼ਲ ਇਫੈਕਟ ਦੀ ਟਰਿੱਕ ਹੋਣੀ ਐ। ਕੀ? ਇਹ ਸੱਚ ਹੈ? ਅਸਲੀ ਵੰਡਰ ਵੂਮੈਨ ਤਾਂ ਇੱਥੇ ਹੈ।"
ਤਸਵੀਰ ਸਰੋਤ, Twitter
ਸਾਬਕਾ ਕ੍ਰਿਕਟਰ ਵੀਵੀਐੱਸ ਲਕਸ਼ਮਣ ਨੇ ਇਸ ਨੂ ਅਜਿਹਾ ਕੈਚ ਦੱਸਿਆ ਜੋ ਕ੍ਰਿਕਟ ਦੇ ਮੈਦਾਨ ਵਿੱਚ ਕਦੇ-ਕਦੇ ਹੀ ਦੇਖਣ ਨੂੰ ਮਿਲਦਾ ਹੈ। ਵਾਕਈ ਟੌਪ ਕਲਾਸ।
ਤਸਵੀਰ ਸਰੋਤ, Twitter
ਪੰਜਾਬੀ ਗਾਇਕ ਅਤੇ ਅਦਾਕਾਰ ਗਿੱਪੀ ਗਰੇਵਾਲ ਨੇ ਤਾੜੀਆਂ ਦਾ ਨਿਸ਼ਾਨ ਬਣਾ ਕੇ ਟਵੀਟ ਕੀਤਾ।
ਤਸਵੀਰ ਸਰੋਤ, Twitter
ਬਾਲੀਵੂੱਡ ਅਦਾਕਾਰ ਫਰਹਾਨ ਅਖ਼ਤਰ ਨੇ ਵੀ ਹਰਲੀਨ ਦੀ ਤਾਰੀਫ਼ ਕੀਤੀ।
ਤਸਵੀਰ ਸਰੋਤ, Twitter
ਕੇਂਦਰੀ ਮੰਤਰੀ ਸਿਵਲ ਏਵੀਏਸ਼ਨ ਜਯੋਤੀਰਾਦਿੱਤਿਆ ਸਿੰਧੀਆ ਨੇ ਵੀ ਆਪਣੇ ਟਵੀਟ ਵਿੱਚ ਇਸ ਨੂੰ "ਫੀਲਡਿੰਗ ਦੇ ਕੁਝ ਬਿਹਤਰੀਨ ਪਲਾਂ ਵਿੱਚੋਂ ਇੱਕ" ਦੱਸਿਆ।
ਤਸਵੀਰ ਸਰੋਤ, Twitter
ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ ਨੇ ਆਪਣੇ ਟਵੀਟ ਵਿੱਚ ਲਿਖਿਆ- ਮੈਂ ਝੁਕ ਕੇ ਸਲਾਮ ਕਰਦਾ ਹਾਂ, ਹਰਲੀਨ ਦਿਓਲ ਇਹ ਬਿਲਕੁਲ ਆਊਟਸਟੈਂਡਿੰਗ ਹੈ।
ਤਸਵੀਰ ਸਰੋਤ, Twitter
ਇੱਕ ਹੋਰ ਟਵਿੱਟਰ ਯੂਜ਼ਰ ਫਨੀ ਬੁਆਏ ਨੇ ਉਸ ਬੈਟਸਮੈਨ ਬਾਰੇ ਸੋਚਦਿਆਂ ਟਵੀਟ ਕੀਤਾ ਜਿਸ ਨੇ ਇਸ ਸ਼ਾਟ ਨੂੰ ਸਿਕਸਰ ਸਮਝ ਲਿਆ ਹੋਵੇਗਾ ਪਰ ਹਰਲੀਨ ਨੇ ਕੈਚ ਵਿੱਚ ਬਦਲ ਦਿੱਤਾ।
ਤਸਵੀਰ ਸਰੋਤ, Twitter
ਜਾਣੋ ਹਰਲੀਨ ਕੌਰ ਬਾਰੇ
ਹਰਲੀਨ ਕੌਰ ਚੰਡੀਗੜ੍ਹ ਨਾਲ ਸਬੰਧ ਰੱਖਦੀ ਹੈ ਪਰ ਅੱਜਕੱਲ੍ਹ ਇਹ ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਵਿੱਚ ਰਹਿੰਦੇ ਹਨ। ਇੱਕ ਇੰਟਰਵਿਊ ਵਿੱਚ ਉਨ੍ਹਾਂ ਨੇ ਕਿਹਾ ਸੀ ਕਿ ਪਿਤਾ ਦੀ ਨੌਕਰੀ ਦੀ ਬਦਲੀ ਕਾਰਨ ਉਨ੍ਹਾਂ ਨੂੰ ਹਿਮਾਚਲ ਪ੍ਰਦੇਸ਼ ਸ਼ਿਫਟ ਹੋਣਾ ਪਿਆ।
ਉਹ ਹੁਣ ਹਿਮਾਚਲ ਪ੍ਰਦੇਸ਼ ਲਈ ਖੇਡਦੇ ਹਨ।
ਹਰਲੀਨ ਇੱਕ ਸੱਜੇ ਹੱਥ ਦੀ ਬੱਲੇਬਾਜ਼ ਹੈ ਅਤੇ ਸਪਿਨ ਗੇਂਦਬਾਜ਼ਾਂ ਖ਼ਿਲਾਫ਼ ਖ਼ਾਸ ਤੌਰ ਤੇ ਵਧੀਆ ਖੇਡਦੇ ਹਨ।
ਉਨ੍ਹਾਂ ਨੇ ਬਚਪਨ ਵਿੱਚ ਗਲੀ ਕ੍ਰਿਕਿਟ ਵੀ ਖੇਡਿਆ ਹੈ, ਜਿਸ ਤੋਂ ਹਾਲਾਂਕਿ ਗੁਆਂਢੀ ਤਾਂ ਖ਼ੁਸ਼ ਨਹੀਂ ਹੁੰਦੇ ਸਨ ਪਰ ਉਨ੍ਹਾਂ ਦੀ ਮਾਂ ਨੇ ਹਮੇਸ਼ਾ ਉਨ੍ਹਾਂ ਦਾ ਸਾਥ ਦਿੱਤਾ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
