BBC News, Pidgin
Waka go wetin de inside

You’re viewing a text-only version of this website that uses less data. View the main version of the website including all images and videos.

Take me to the main website

Chelsea and Liverpool play out entertaining 1-1 draw for opening game of season

Chelsea welcome Liverpool to Stamford Bridge for Pochettino first game in charge as coach of di Blues.

Live Coverage

  1. DISALLOWED GOAL

    39 mins

    Chilwel tink say im don help Chelsea take di lead as im round di goalkeeper.

    Again, for di second time for dis match VAR say no goal.

  2. GOAL - Chelsea 1-1 Liverpool

    Axel Disasi level di tie for Chelsea.

    Di Frenchman profit from Chilwell header back into di Liverpool box, im slide di ball in beyond Alisson

  3. YELLOW CARD, Chelsea 0-1 Liverpool

    Enzo Fernandez and Diogo Jota both see yellow from di ref.

    Referee Anthony Tailor tell di two of dem to calm down.

  4. DISALLOWED GOAL, Chelsea 0-1 Liverpool

    29 mins

    Mo Salah!

    Again di Egyptian score on di opening day of di weekend.

    Oh wait, VAR dey check am.

    Afta some minutes di ref say di goal go dey disallowed as Salah enta offside.

  5. , Chelsea 0-1 Liverpool

    20 mins

    Nicolas Jackson dey one-on-one wit Van Dijk, di striker hold di ball well before Szoboszlai come foul am.

    Chelsea fans call for yellow card as di tempo of di game don go up since di goal.

    Referee say no card, just warning for di mifielder.

  6. GOAL - Chelsea 0-1 Liverpool

    18 mins

    Luis Diaz!

    Di Colombian slide in to meet Salah delicious cross-field pass to open di scoring for Liverpool.

  7. HITS THE WOODWORK, Chelsea 0-0 Liverpool

    12 mins

    Mo Salah! Hit di bar wit im right footed shot.

    Di Egyptian don score on di opening day of di last six seasons but dis time e no go in for am.

  8. , Chelsea 0-0 Liverpool

    10 mins

    Raheem Sterling try to cross first time into di Liverpool box.

    Van Dijk clear di ball out for corner.

    From di corner, Jota head di ball clear of any danger.

  9. , Chelsea 0-0 Liverpool

    6 mins

    Liverpool go close wit di first chance of di match.

    Dominik Szoboszlai dribble im way into di Chelsea box before Diogo Jota quickly fire di ball off di Hungarian feet.

    Close, but e no dey close enough to open di scoring

  10. YELLOW CARD, Chelsea 0-0 Liverpool

    Carney Chukwumeka receive di first yellow card of di game just afta four minutes.

    Di midfielder catch Konate wit a high boot.

  11. KICK-OFF, Chelsea 0-0 Liverpool

    1 min

    Di Blues don get di match underway afta both teams take di knee to say no to racism.

  12. , Chelsea v Liverpool (16:30 BST)

    Liverpool wey dey in dia away jersey look ready for di new season wit dia new-look midfield of Mac Allister, Gakpo and Szobozslai.

    E go dey interesting to see wetin di Jurgen Klopp side go do dis season as dem too don also sell some of dia regulars like Jordan Henderson, Fabinho and Roberto Firmino.

  13. , Chelsea v Liverpool (16:30 BST)

    Chelsea go hope to start di season well afta wetin dem go through last season.

    Di Blues don sanction di sale of many key players like Ngolo Kante, Kalidou Koulibaly and Kai Havertz amongst odas.

    Pochettino for like start di season wit last season Bundesliga joint top-scorer, Christopher Nkuku but di Frenchman dey out wit injury.

    Much of dia goal threat rely on anoda new signing in Nicolas Jackson wey dem sign from Villareal.

  14. , Chelsea v Liverpool (16:30 BST)

    Liverpool

    • Jurgen Klopp team lose eight Premier League away matches last season, di same number wey dem lose for their previous three campaigns combined.
    • Di Reds neva lose their opening league game for any of di past 10 seasons (W8, D2). Di last time dem lose na 3-0 loss against West Bromwich Albion for 2012.
    • Di Merseysiders dey unbeaten in 11 Premier League matches (W7, D4).
    • Dis run start wit 0-0 draw at Chelsea, di only time dem fail to score during dat run of 11 matches.
    • Mohamed Salah don score for Liverpool opening Premier League game in all six of di seasons im don spend wit di Reds. Im total of eight goals on di opening weekend na joint record for di competition, matching di totals of Alan Shearer, Frank Lampard and Wayne Rooney.

  15. , Chelsea v Liverpool (16:30 BST)

    Chelsea

    • Di Londoners dey winless for eight home matches in all competitions (D4, L4) since dem beat Borussia Dortmund 2-0 for Champions League on 7 March.
    • Di Blues don win dia opening Premier League game on 20 occasions, wey be joint record.
    • Chelsea don earn four Premier League wins and 20 points inside 2023, fewer than any other side wey don dey ever-present for di top flight.
    • Dem only win one of their 19 league matches against teams wey finish for di top half of di table last term - that win come for di away fixture to Aston Villa.
    • New Chelsea head coach Mauricio Pochettino don win five of e seven Premier League matches on di opening weekend of di season, e only defeat come against Manchester United for 2015.
    • Di only permanent Chelsea manager wey don suffer home defeat for e first Premier League fixture in charge of di club na Glenn Hoddle against Blackburn for 1993.

  16. , Chelsea v Liverpool (16:30 BST)

    Robert Sanchez, Nicolas Jackson and Axel Disasi all start for Chelsea while defender Levi Colwill, wey bin dey on loan for Brighton last season, also start.

    Chelsea XI:Sanchez, James, Thiago Silva, Colwill, Chilwell, Disasi, Fernandez, Gallagher, Sterling, Chukwuemeka, Jackson.

    Liverpool also start new players - Dominik Szoboszlai and Alexis Mac Allister.

    Virgil van Dijk captain di Reds wey name Diogo Jota, Mohamed Salah and Luis Diaz for attack, Darwin Nunez dey bench.

    Liverpool XI:Alisson; Alexander-Arnold, Konate, Van Dijk, Robertson, Gakpo, Mac Allister, Szoboszlai, Salah, Jota, Diaz

  17. , Chelsea v Liverpool (16:30 BST)

    Head-to-head

    • Each of di last six league and cup meetings between Chelsea and Liverpool don end for draw, including di two domestic cup finals for 2022, Liverpool later win both of dem on penalties.
    • Di four most recent encounters between di two teams finish 0-0 - no fixture for English football history don finish goalless five times in a row.
    • Di last time Chelsea host Liverpool for di opening round of top-flight season na for 1937. Di Blues win 6-1, George Mills score hat-trick.

  18. Welcome!, Chelsea v Liverpool (16:30 BST)

    Hello from wherever you dey join us from.

    Welcome to BBC Pidgin live-text commentary of di Premier League match between Chelsea and Liverpool.