Ondo Decides: Vote sorting and counting don begin as polls close

Live Coverage

Victor Ezeama and Fiona Equere

1. 16 November 2024Tinubu call for peaceful election in Ondo state

   President Bola Tinubu don ask political stakeholders and electorate to uphold peace and decorum, and fulfil dia civic responsibilityes without fear bifor and afta di elections.

   Di Nigeria leader bin give di informate on Friday, 15 November, ahead of di Ondo state govnorship election.

   For one statement from di presidency, Oga Tinubu say im dey look forward to a democratic process for di state wey go genuinely reflect di will of di pipo and power ro freely choose dia leaders.

2. 16 November 2024Ondo deputy govnor cast ballot

   Ondo State deputy govnor and also APC deputy governorship candidate, Olayide Adelami cast im vote for Igboroko 2, Ward 3, unit 16 in Owo LGA.

3. 16 November 2024Breaking, Ondo state govnor Lucky Aiyedatiwa cast im vote

   Ondo state govnor Lucky Aiyedatiwa don cast im vote for im hometown for Ilaje local goment area of di state.

   Im vote im polling unit 5, Ugbo ward 4, Ilaje LGA.

   Di govnor also na di candidate of di All Progressives Congress (APC).

   Oga Aiyedatiwa wey bin previously serve as di deputy govnor become govnor afta di death of Late Rotimi Akeredolu.

   E dey battle for di number one seat alongside 17 oda contestants.

4. 16 November 2024Security agencies dey on ground for Ondo election

   Di presence of security don full ground across Akure, di Ondo state capital for di state governorship election.

   Police, sojas plus oda security operatives dey stationed for various points, dem block all major roads for di early hours of di morning to restrict anyhow movement.

   Di Nigeria Police Force bin announce say dem dey deploy 34,657 personnel to di polling units, wards/LGA collation centres plus oda strategic locations.

   E dey expected say dem go deploy four police personnel go each polling unit.

   Di Armed Forces and oda security agencies go also dey involved for di election.

   According to di Inspector General of Police Kayode Egbetokun, a total number of 43,157 security personnel dey expected to provide security for di election.

5. 16 November 2024Why India Prime Minister Narendra Modi dey visit Nigeria

6. 16 November 2024Full list of candidates for Ondo election

   • Falaiye Abraham Ajibola - A
   • Akinuli Fred Omolere - AA
   • Ajayi Adekunle Oluwaseyi - AAC
   • Nejo Adeyemi - ADC
   • Akinnodi Ayodeji Emmanuel - ADP
   • Aiyedatiwa Lucky Orimisan - APC
   • Popoolqa Olatunji Tunde - APGA
   • Ogunfeyimi Isaac Kolawole - APM
   • Fadoju Amos Babatunde - APP
   • Ayodele Festus Olorunfemi - LP
   • Olugbemiga Omogbemi Edema - NNPP
   • Ajaunoko Funmilayo Jenyo - NRM
   • Ajayi Alfred Agboola - PDP
   • Alli Babatunde Francis - PRP
   • Akingboye Benson Bamidele - SDP
   • Adegoke Kehinde Paul - YP
   • Akinmurele John Otitoloju - YPP
   • Mimiko Olubansile Abbas - ZLP

7. 16 November 2024Fotos show early arrival of Inec officials for polling units

   Polling unit officers reach dia locations early for Akure, di Ondo state capital.

   Fotos show wia many of di adhoc workers - youth corpers dey arrange dia sef in preparation for di process.

   Election for Nigeria dey usually take hours or days before dem finish am.

8. 16 November 2024Polls don open for Ondo state governorship election

   Eligible voters for Ondo state, southwest Nigeria don begin come out to cast di vote for di next govnor of di state.

   Di election dey hold for 3,933 polling units across di 18 local government areas of di state.

   Di Independent National Electoral Commission (Inec), di kontri electoral body say di total number of registered voters na 2,053,061, while 64,273 voters don collect dia Permanent Voters CarD (PVC), out of di 89,777 cards dem deliver to di state.

   Ondo state election na off-cycle election.

   Wetin e mean be say dem no elect dia govnor wen oda states for di kontri dey do so for 2023 sake of one electoral palava wey happun for 2017.

9. 16 November 2024Una welcome to our live coverage

   We welcome una to our live coverage of di Ondo state governorship election.

   We go dey wit una from now till wen dem go announce result.

   Make you tanda wit us