BBC News, Pidgin
Waka go wetin de inside

You’re viewing a text-only version of this website that uses less data. View the main version of the website including all images and videos.

Take me to the main website

Osimhen and Adams goals comot Algeria for Afcon 2025 as Nigeria go face Morocco

Nigeria go meet Morocco for di semi-final of Afcon 2025 afta dem beat Algeria for di quarter-final.

Summary

  • Nigeria go meet Morocco for di semi-final of Afcon 2025 afta dem beat Algeria for di quarter-final
  • Nigeria dominate di match from start to finish, but Algeria no still make di game easy for di Super Eagles
  • First half end for goalless draw afta Nigeria and Algeria try dia luck but goal no come
  • Victor Osimhen score Nigeria first goal immediately second half start for di 47th minute
  • Adams Akor score ten minutes later wit Victor Osimhen assist for di 57th minute
  • As e stand now, Algeria and Nigeria don meet for 23 times, including both competitive and friendly matches
  • Algeria win 10 times, while Nigeria also win 10 times. Three games bin end for draw

Live Coverage

Tunde Ososanya x Tamara Ebiwei

  1. 21' Algeria fire shot for Nigeria goal area but Nigeria defender , Stanley Nwabali punch di ball.

  2. YELLOW CARD

    Algeria don get di first yellow card for di match. Zerrouki collect di card afta e foul Ademola Lookman of NigeriA

  3. 13' Algeria carry di ball enta Nigeria goal area but Osimhen of Nigeria clear di ball from danger.

  4. 9' Onyeka of Nigeria pass di ball to Osimhen , wey fire shot but Algeria defender clear di ball.

  5. 6' Nigeria collect ball , dem begin attack Algeria sotay dem reach dia goal area, fire shot but Algeria defenders clear di ball.

  6. 4' Nigeria don collect from Algeria wey bin dey press in di last few minutes.

  7. 3' Throw-in for Algeria, Iwobi of Nigeria get di ball for near di midfield e play am go land for Algeria goalkeeper hand.

  8. KICK-OFF, Algeria 0-0 Nigeria

    1' Referee don blow whistle, match don start.

    Nigeria take di first kick to signal di start of di match.

  9. Lineups, Algeria

    Nigeria: Starting 11: Nwabali , Osayi, Ndidi, Ajayi, Lookman, Osimhen, Bruno, Iwobi, Calvin, Akor, Osimhen

    Algeria: Starting 11: Zidane, Belghali, Mandi, Bensebaini, Nouri, Mahrez, Zerrouki, Boudaoui, Chaibi, Maza, Amoura

  10. Fans don begin show face

    Nigeria and Algeria fans don begin show face for di quarter-final match between di two kontris.

    Both kontris don come wit clean record for di tournament – dem be di only two teams wey neva lose any match and dat same strong form just dey increase di tension.

  11. Welcome!, Nigeria vs Tanzania

    Nigeria dey battle Algeria for di quarter-final of di 2025 Afcon wey dey happun for Morocco.

    Nigeria enta knockout stage with 100% record too, afta dem beat Tanzania, Tunisia and Uganda for Group C.

    For knockout, dem start wit heavy 4-0 beating of Mozambique.

    Algeria qualify wit three wins from three matches – against Sudan, Burkina Faso and Equatorial Guinea.

    For round of 16, dem beat DR Congo 1-0 for extra time, thanks to fine goal from substitute Adil Boulbina.

    Welcome to our live-text coverage of dis ogbonge clash.