سوريه کې له زلزلې وروسته د مرستو رسولو کې پر ملګرو ملتونو نيوکې شوې

د سوریې په شمال لوېدیځ کې له ویجاړونکې زلزلې یوه میاشت کېږي او په دې اړه نيوکې په ډېرېدو دي چې څنګه ملګري ملتونه دلته خلکو ته د بېړنیو ژغورونکو مرستو په رسولو کې پاتې راغلي دي.

کله چې زلزله وشوه ترکیې ته مرستې ورسېدې خو سوریې ته پنځه ورځې وروسته ایله ملګري ملتونه ورغلل.

د سوریې شمال لوېدیځ سیمه څه باندې ۱۲ کلنې جګړې ځپلې او حکومت مخالفي پکې واکمنې دي.

منتقدین وايي خپله ملګرو ملتونو دغې سیمې ته د ژوند ژغورونکو مرستو مخه نیولې ده.