سوېلي کوریا کې د هالووین جشن خونړۍ پېښه
د خپرېدو وخت
د سوېلي کوریا پلازمېنه سیول کې د یوه جشن پر مهال د خلکو ګڼې ګوڼې او ټېل ماټېل کې لږترلږه ۱۵۳ کسان وژل شوي او ۸۲ نور ټپیان دي.
چارواکي وايي دا پېښه اېتایوون سیمه کې د هالووین جشن لمانځلو پر مهال شوې چې زرګونو کسانو پکې ګډون کړی وو.
دا د کورونا وبا له محدودیتونو راوروسته لومړی ځل و چې سیول کې له ماسکونو پرته د هالووین جشن لمانځل کېده.
ځايي رسنیو لومړیو کې د ۵۹ کسانو د مړینې خبر ورکړی و خو دا شمېر وروسته لوړ شو.
د دې پېښې ډېری قربانیان ځوانان دي. چارواکو تایید کړې چې په وژل شویو کې ۲۰ بهرني وګړي دي.