د ملکې الېزابت د جنازې مراسم

د بريتانيا د دویمې ملکې الېزابت د جنازې مراسم په وېسټ منېسټر ابې کې پيل شوي او مړی يې د وېنر ماڼۍ پر لور وړل کېږي.

د وېنزر په کلا کې ګڼ شمېر کسان راټول شوي دي. ويل کېږي په لندن کې نژدې يو ميليون خلک به پلازمېنې ته ځي.

له ټولې اروپا د شاهي کورنۍ غړي هم، چې تر ډېره د ملکې خپلوان دي دغو مراسمو کې ګډون کوي.

دغه مراسم ځايي وخت یوولس بجې په ویسټ منسټر ابې کې پیل شوي دي.

د ملکې تابوت د بریتانیا په بیرغ کې پوښل شوی او پرې د پاسه د ملکې تاج ایښودل شوی.