اوکرايين هڅه کوي نيول شوې سيمې له روسيې بېرته ونيسي

د اوکرایین ولسمشر ولودمیر زیلینسکي د روسیې تر کنټرول لاندې زاپوریژیا اټومي بټۍ ته د ملګرو ملتونو د کارپوهانو د تګ هرکلی کړی، خو غوښتنه یې کړې چې د بټۍ شاوخوا سیمه دې بې وسلې شي.

د اټومي انرژۍ نړیواله اداره وايي د اروپا دې تر ټولو لویې اټومي بټۍ کې به دایمي حضور وساتي. په عین حال کې، اوکرایینیان هڅه کوي، د هېواد په سویل کې د روسیې ځواکونو لخوا نیول شوې سیمې بیرته ونیسي. دوی هیله مند دي چې په ختیځ کې هم نیول شوې ځمکه بېرته خپله کړي.

زموږ خبریال کوېنټېن سمروېل د اوکراین ختیځ، دونباس سیمه کې له لومړۍ کرښې دغه ځانګړی رپوټ لري.

پام مو وي چې ځینې برخې پکې شته چې خپه به مو کړي.