مېګن مارکل: "بښنه خورا مهمه ده او عملا خورا زړورتیا ته اړتیا لري"

د بریتانیا د شاهي کورنۍ ناوې او د شهزاده هیري میرمن مېګن مارکل له یوې امریکایۍ مجلې سره په مرګه کې د بښنې په ارزښت غږېدلې

کله چې له ۴۱ کلنې مېګن مارکل څخه د بریتانیا له شاهي کورنۍ او خپلو خپلوانو سره د دې د اړیکو په اړه پوښتنه وشوه په ځواب کې وویل:"د بخښلو لپاره باید ډېره هڅه وشي، دا دومره اسانه کار نه دی."

هغي وویل: "زه پوهېږم چې هر څه ویلی شم،ما ډېره هڅه وکړه."

له مېګن مارکل نه دا هم پوښتل شوي چې ایا د هغې او شاهي کورنۍ او د هغې د خپلې کورنۍ ترمنځ د بخښنې لپاره ځای شته دی؟

نوموړې په ځواب کې وویل:"زه فکر کوم چې بښنه خورا مهمه ده او عملا خورا زړورتیا ته اړتیا لري."

هغي زیاته کړه چې: "بښل دومره اسانه کار نه دی، ما په ریښتیا ډیره هڅه وکړه، او زه په دې هم پوهیدم چې زه کولی شم هر څه ووایم."

د شاهي کورنۍ د ناوې مرکه شاوخوا شپږ نیم زره توري ده چې په امریکایی مجله "دی کټ" کې خپره شوې.

مېګن مارکل نږدې ۶،۵۰۰ کلمو مرکه کې په بریتانیا کې د ژوند کولو په اړه هم غږېدلې.

مرکه کې دا یادونه هم شوی چې څنګه د هغې درې کلن زوی آرچي د رسنیو ډیر پام ځانته اړولی.

هغې په خپله مرکه کې دا هم څرګنده کړه چې هغه پلان لري انسټاګرام ته ستنه شي.

مېګن او شهزاده هیري دمګړۍ د امریکا په کلیفورنیا ایالت کې اوسیږي.

دوی یو درې کلن زوی آرچي او د لیلي بیټ په نوم یوه یوکلنه لور لري.

د بریتانیا د شاهي کورنۍ دغه جوړه وروسته له هغه چې امریکا کې مېشته شوه له نیټ فلکس او سپوتي فای شرکتونو سره یې تړونونه لاسلیک کړل.

له 'دی کټ' سره د دوی دا مرکه سپوتي فای ته د ودې ورکولو یوه هڅه ده.ده.