اوکرايين وايي د خاورې بدل کې اوربند نه مني

د اوکرایین ختیځ ته د زاره صنعتي مرکز پر سر جګړه به ښايي پر دغه هېواد د روسیې د یرغل برخلیک هم وټاکي.

د ډونباس سیمه د ډبرو سکرو د کانونو لپاره ډېره مشهوره ده چې په تاریخي ډول یې شوروي اتحاد ته سوند توکي برابرول، خو اوس یې د جګړې له امله دېرې برخې تړل شوي دي.

یوازې یو څو برخې یې پرانېستي دي چې کان کېندونکي په کې تر ځمکې لاندې داسې حال کې په خطرناکو شرایطو کې کار کوي چې د جګړې له لومړۍ کرښې یوازې څو کیلو متره لرې دي.