تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د اوکرايين ختيځ کې پر روسانو بريدونه شوي
د بريتانيا پوځي استخباراتو اداره وايي د روسانو يوه پوځي کنډک له یوه سينده تېرېدو ناکامې هڅې پر مهال نژدې خپل ټول زغروال ګاډي له لاسه ورکړي دي.
د اوکرايين پوځ له لوري خپاره شوي انځورونه لسګونه سوځېدلي ټانکونه ښيي، دا وروسته له هغه چې ځواکونو يې د سيوېرسکي دونېڅ سيند اوبو د پاسه بهېدونکي پله باندې توپونو ګوزارونه وکړل.
د بريتانيا دفاع وزارت وايي دا پېښه هغه فشار راسپړي چې روسي قوماندانان يې د پرمختلو پر مهال ورسره مخامخ دي. مسکو لا تر اوسه په دې اړه څه نه دي ويلي.
د اوکرايين پوځ دا هم ويلي، دا اوونۍ يې خپله دې هڅه کې مهم پرمختګ کړی چې روسي ځواکونه د خپل دوهم تر ټولو لوی ښار خارکيف ويشتلو توپچي واټن له سيمې وباسي.