اوکرايين کړکېچ: بوچا کې د ملکيانو وژنه

د اوکرايين د ولسمشر زیلینسکي لوړپوړي سلاکاران وایې د شنبې په ورځ د کیېف شاوخوا ښارونو کې د ملکیانو د ټولوژنې د پېښو بربنډېدل د لوېدیځو سیاستوالو د هغو تګلارو پایله ده چې د روسیې له تحریکولو یې وېره درلوده.

اوکرایین وايي ځواکونو یې د کيېف شاوخوا ټولې سېمې له روسانو بېرته نیولي دي او روسي ځواکونه له مهمو سيمو په وتو دي. خو داسې حال کې چې روسیې ځواکونه په شا کېږي د ملکي وژنو شواهد هم په راوتو دي چې جنګي جنایت ګڼل کېږي.

د شنبې پر ورځ لوېدیځو خبریالانو چې له کيېف بهر په بوچا ښار کې میشت دي د سړکونو پر سر د لږ تر لږه شلو کسانو مړي موندلي دي. په اړه یې د بي بي سي دا رپوټ ګورو خو پام مو وي چې ځيني برخې یې خوا بدونکي دي.