د شمالي کوريا د توغنديو ازموينه؛ نړيوالې غندلې
د خپرېدو وخت
د امریکا او جاپان حکومتونو، د سږ کال پیل راهیسې د شمالي کوریا لخوا د توغندیو ازمویلو لړۍ غندلې ده. د پنجشنبې پر ورځ پیانګ ینګ یوه بله ازموینه وکړه دا یې د سږکال شپږمه هغه وه. دا په یوه میاشت کې تر ټولو ډېرې ازموینې دي چې دغه هېواد یې کوي.
امریکا، پرون ژوره اندېښنه څرګنده کړه، او سویلي کوریا دا ازموینې خورا د افسوس وړ وبللې. لکه زموږ د توکیو خبریال په رپوټ کې چې به یې وګورئ، دا نوې ازموینې ښیي چې شمالي کوریا د خپلو توغندیو وړتیا په برخه کې، ګړندي پرمختګ ته دوام ورکوي.