پاکستان کې رسنۍ: د حکومت پر چلن د خبريالانو نيوکه

د بشري حقونو او بیان ازادۍ په برخه کې فعالې ادارې، په پاکستان کې، په دې وروستیو کې، پر یو شمېر خبریالانو د بریدونو په اړه اندېښنه ښيي.

دوی له پاکستان غواړي چې په دې برخه کې لاس په کار شي چې د خبریالانو ژوند خوندي او د بیان ازادي وساتل شي.

دا خبره له هغه وروسته کېږي چې پلازمېنه اسلام اباد کې، په تېره یوه میاشت کې، پر دوو خبریالانو بریدونه وشول.

د دې بریدونو پړه تر ډېره پر استخباراتي ادارې اچول کېږي خو هغوی دا تورونه ناسم بولي.

د خدای نور ناصر دغه رپوټ د پاکستان د یوه خبریال حامد میر په خبرو پیلېږي.