نايجريا کې ميندوارو مېرمنو سره د مرستې هڅه
د خپرېدو وخت
هر کال نایجریا کې له پنځوس زرو ډېرې ښخې د ماشوم د زیږون پر مهال مري. دا خبره د روغتیا نړېوال سازمان کوي.
د نايجريا په یوه کلي کې ښځې سره راټولې شوې چې د خپلې ستونزې غم په خپله وخوري. په ګډه یې یو موټر واخېست چې مېندې ژر روغتون ته ورسولی شي.
د دوی هڅې حکومت هم اړ کړ چې نورو ځایونو کې هم ورته اقدام وکړي چې ښځې په وخت روغتون ته ورسېږي، همدې چارې د ډېرو ژوند ژغورلی.