تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
لبنان: د حکومت استعفا، مظاهرې او د خوړو بحران
د لبنان په بیروت کې د تېرې اونۍ له درنې چاودنې وروسته اوس ټول حکومت استعفا کړې ده. په یوه ټلویزیوني وینا کې لومړي وزیر حسن دیاب د دغه هېواد د ډېرو ستونزو پړه پر فاسدو حکومتي چارواکو واچوله. د نوموړي په خبره معلومات یې ښيي چې د فساد شبکه تر ټول حکومت لویه ده، چې په وینا یې حکومت یې نه شي ننګولای. بل لور ته درېیمه پرلپسې ورځ هم په دغه هېواد کې د لاریونوالو او ساتونکو تر منځ اخ و ډب دوام درلود. خلک حکومت ته غوسه دي، اقتصاد په ګونډو دی او د خوړو بحران هم شته. دا هر څه داسې مهال کېږي چې د خوړو نړیوال سازمان دغه هېواد ته ۵۰ زره ټنه غنم د دې لپاره استولي چې د خوړو زېرمې ورسره یو څه ثبات پیدا کړي.