تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د ټرمپ سلاکار راجر سټون کانګرس ته په دروغو ویلو مجرم پېژندل شوی
د امریکا د ولسمشر ډونلډ ټرمپ پخوانی سلاکار او ټلوال راجر سټون کانګرس ته په اوه ځله دروغو ویلو مجرم پېژندل شوی دی.
د محکمې په ناسته کې ویل شوي، چې ښاغلي سټون د امریکا ۲۰۱۶ ولسمشرۍ ټاکنو ته د نوماندې هیلري کلېنټن د تخریب لپاره د ځینو دروغجنو مطالبو خپرولو هڅه کړې ده.
جعلي او کلپ دلایل کولی شي نوموړی تر ۲۰ کلونو پورې بندي کړي او د نورو جرمونو له کبله ښاغلی سټون پنځه کاله بندي کېدای شي.
تر دې وړاندې، د ټرمپ وکیل مایکل کوهن، د ټاکنډلې مشر پال منافورټ، د ملي امنیت لومړی سلاکار مایکل فلېن او ځینې نور چارواکي هم ملامت ګڼل شوي.
لکه څنګه چې محکمې ویلي، ښاغلي سټون په ۲۰۱۷ کال په خپله ګواهۍ کې د امریکا کانګرس ته دروغ ویلي دي.
د امریکا ولسمشر ډونلډ ټرمپ د ښاغلي سټون تر مجرم پېژندل کېدو وروسته وویل، پخوانی سلاکار یې د "دوه ګونو معیارونو" قرباني شوی او د آغلې کلېنټن نژدې کسان او ټلوال پر دروغو سربېره مجرم پېژندل شوي.
د هیلري کلېنټن د ټاکنډلې مشر جان پودسټا د محکمې ددې حکم هرکلی کړی دی.
د امریکا امنیتي سازمان، ددغه هېواد عدلیې وزارت هم د روسیې په څېړنو کې د ځانګړي څېړونکي رابرټ مولر د څېړنې پایلې ترلاسه کړې چې د ښاغلي جان پوډستا برېښنالیکونه د روسي هکرانو له خوا غلا شوي دي.
راجر سټون د محکمې د دغه حکم په باب کوم غبرګون نه دی ښودلی.