اندونیزیا کې د زلزلې د بربادیو او مرګژوبلې انځورونه

دې لپاره چې انټرنېټ مو لږ مصرف شي، یوازې متن ولولئ

د خپرېدو وخت ۱۵ زمری ۱۳۹۷ - ۶ اګست ۲۰۱۸

د اندونیزیا لومبوک ټاپو کابو یوه اونۍ وروسته بیا زورورې زلزلې و لړزاوه چې له امله پر مالي زیانونو سربېره لسګونو کسانو ته مرګ ژوبله اوښتې ده.

اندونیزیا کې زلزله — د عکس تشریح، د انډونیزیا په لومبوک ټاپو کې زلزلې ۹۱ کسان ووژل او په سلګونو نور یې ټپيان کړل.

د عکس تشریح، لومبوک کې نږدې یوه اونۍ وړاندې هم ۶،۴ درجې زلزله کې ۱۳ کسان وژل شوي وو.

د عکس تشریح، چارواکي وايي، د اوسنۍ زلزلې کچه د ریختر په کچه اووه ده او ژوروالی یې هم لس کیلومتره دی.

د عکس تشریح، د زلزلې په ټکانونو سره خلکو کې ګډوډي پیل شوه، له ودانیو بهر ووتل او اوس ډېرو سیمو کې برېښنا نشته.

د عکس تشریح، د زلزلې ټکانونه له لومبوک سره څنګلوري سیلاني سیمه بالي ټاپو کې هم احساس شوي دي.

د عکس تشریح، د اندونیزا د بېړنیو حالاتو د کنترول ادارې یوه چارواکي اې اېف پي خبري اژانس ته ویلي، تر ټولو زیات وېجاړی د لومبوک په متارام ښار کې شوی.

د عکس تشریح، د ایمان په نامه د متارام ښار یوه اوسېدونکي بي بي سي ته ویلي، د زلزلې د قوي جټکو له کبله خلک په منډه له خپلو کورونو راووتل او په سیمه کې برېښنا هم بنده شوه.

د عکس تشریح، د سیمې له روغتونه هم ناروغان را و ایستل شول او ډاکټرانو یې د سړک پر سر درملنه پيل کړه.

د عکس تشریح، په اندونیزیا او شاوخوا سیمو کې ګڼ شمېر ویده اورشیندي شته چې وخت نا وخت د قوي زلزلو او سونامي لامل کېږي.

د عکس تشریح، اندونیزیا په رېنګ اف فایر یا پرلپسې زلزلو او اورشیندو سیمه کې پروته ده.

د عکس تشریح، د اوسنۍ زلزلې له امله د سونامي خبرداری ور کول شوی، خو له څو ګړیو وروسته حالت عادي بلل شوی.

د عکس تشریح، په ورته مهال چارواکو له خلکو غوښتي چې له سمندرغاړې لرې اوسي.

د عکس تشریح، پر ۲۰۱۶ کال هم سوماترا ټاپو شمال ختیځه څنډه کې د ۶،۵ ریختر درجې زلزلې له امله په لسګونو کسان ووژل او تر څلوېښت زرو پورې ټپیان شول.

د عکس تشریح، د لزلې له امله ژوبل شوي تر درملنې لاندې دي

د عکس تشریح، .

Skip لنډې ویډیوګانې and continue reading

لنډې ویډیوګانې

په دې وسیله کې د غږ اوريدل او ویډیو لیدنه شونې نه ده.

End of لنډې ویډیوګانې