د پاکستان ټاکنو ته ځانګړی شوی بحث
د پاکستان د عمومي ټاکنو په اړه دې ځانګړي بحث ته مو عنایت الحق یاسيني هرکلی کوي.
د جولایی د پنځه ویشتمې دې ټاکنو کې د عمران خان په مشرۍ تحریک انصاف د لویې پارلمان ډلې په توګه راڅرګنده شوې او په دې توګه دا ډله به راتلونکی حکومت جوړوي.
له بري وروسته عمران خان خپلې وینا کې د اداري فساد د له منځه وړلو، د اقتصادي وضعې د ښه کولو، د افغانستان او هندوستان په ګډون ګاونډیانو سره د ښو اړیکو رامنځ ته کولو ژمنه وکړه.
نن دې ځانګړې بحث کې په دې غږیدلي یو چې راتلونکي حکومت ته د کورني او بهرني سیاست په برخه کې څه ډول ننګونې متوجه دي؟
پوځ سره به یې اړیکې څنګه وي؟
ایا عمران خان به د بهرنۍ تګلارې په برخه کې څرنګه چې وايی خپله تګلاره پلې کړی شي ؟
دا ونورې پوښتنې
له خیبر پښتونخوا نه د پېښور پوهنتون د ژورنالېزم د پوهنځي استاد بخت زمان یوسفزي کابل کې د چارو شنونکی جیلاني ځواک او دلته د لندن په سټوډيو کې د بي بي سي پښتو رادیو مشر داود اعظمي راسره برخه درلوده.