د چمن پرلت ۳۷مه ورځ: 'پاکستاني چارواکي مو غږ نه اوري، پرلت ته دوام ورکوو'
د خپرېدو وخت
چمن کې پر ډیورنډ کرښه تګ راتګ لپاره د پاسپورت او ویزې د جبري کېدو خلاف د روان پرلت نن ۳۷مه ورځ ده.
دغلته راټول شوي احتجاج کوونکي کډونوال له پاکستانه په زور د افغان کډوالو د ایستلو مخالفت هم کوي.
د دغه پرلت کډونوال وايي، په دې موده کې یې دوه ځله د پاکستان ځايي ملکي او پوځي چارواکو ورسره لیدلي خو د دوی غوښتنې یې نه دې منلې.