پاکستان ټولټاکنې: د رايو اچولو بهیر شېبه په شېبه حال

ژوندی پوښښ

غزا نور هدایت الله همیم

1. ۳ زمری ۱۳۹۷ - ۲۵ جولای ۲۰۱۸

2. ۳ زمری ۱۳۹۷ - ۲۵ جولای ۲۰۱۸وروستی, د ټاکنیز کمیسیون مشر غوښتنه

   د پاکستان د ټاکنو کمیسیون مشر سردار محمد رضا وايي، د ټاکنو کمیسیون هڅه کوي چې ټاکنې په ازاده ، مناسبه او خپلواکه فضا کې ترسره شي.

   ده خلک وهڅول چې له کورونو را بهیر شي او خپله دغه ملي وظیفه د رایې د حق په کارولو سره ترسره کړي

3. ۳ زمری ۱۳۹۷ - ۲۵ جولای ۲۰۱۸وروستی, دیر: په غره کې د ښځو لپاره د رایې ور کولو مرکز

   د پښتونخوا په کوز دیر کې د بي بي سي خبریال رفعت الله اورکزی وايي، چې منصور اباد سیمه کې د ښځو لپاره د رایې ور کولو مرکز په غره کې جوړ شوی دی او سخت امنیتي تدابیر ورته نیول شوي دي.

4. ۳ زمری ۱۳۹۷ - ۲۵ جولای ۲۰۱۸۱۰۶ میلیون رایه اچوونکي

   پاکستان کې د څلورو ایالتي شوراګانو او پارلماني ټاکنو لپاره د رای اچونې لپاره نژدې ۱۰۶ میلیون خلک ثبت شوي دي.

5. ۳ زمری ۱۳۹۷ - ۲۵ جولای ۲۰۱۸

6. ۳ زمری ۱۳۹۷ - ۲۵ جولای ۲۰۱۸وروستی, د لاهور په کوټ خواجه سعید سیمه کې رایه اچونه ښه روانه ده

   د بي بي سي وقاص انور په خبره د لاهور په کوټ خواجه سعید ان ای ۱۲۷سیمه کې د رایې ورکوونکو په مرکز کې رایه اچونه په ښه زور او شوق سره روانه ده.

7. ۳ زمری ۱۳۹۷ - ۲۵ جولای ۲۰۱۸ګرمي پېښور کې د رایه اچوونکو شمېر کم کړی

   پېښور کې د بي بي سي خبریال عزیز الله خان بورډ سیمه کې د ټاکنو مرکز ته تللی.

   د ۲۰۱۳ کال پرتله اوسنیو ټاکنو کې د خلکو شمېر کم برېښي او وجه یې هم ګرمي بلل کېږي. عزیزالله خان ته اجازه نه ده و رکړل شوې چې فېلم یا انځور واخلي.

8. ۳ زمری ۱۳۹۷ - ۲۵ جولای ۲۰۱۸وروستی, د صوابې په سیمه کې د ډزو له کبله د تحریک انصاف غړي وژل شوي

   د صوبې په نوا کلي کې د عوامي نیشنل پارټي او د پاکستان تحریک انصاف غړو ترمنځ ډزې شوې.

   چې د دې ډزو په پایله کې د تحریک انصاف یو غړی وژل شوي او دوه تنه نور ټپیان دي.

9. ۳ زمری ۱۳۹۷ - ۲۵ جولای ۲۰۱۸پېښور: په نوملړ کې د تازه معلوماتو نه شتون له کبله سرټکونه

   له پېښوره خبریال عزیزالله خان وايي، د پېښور په بورډ سیمه کې د رایه ورکولو په مرکز کې د رایه ور کوونکو شمېر کم رنګه دی خو زیاتوي چې د ورځې په پخېدو سره ممکن د رایه ور کوونکو شمېر هم زیات شي.