ټرمپ وايي غوره ګڼي چې پر چین تعرفې ونه لګوي

ژوندی پوښښ

1. ۱ سلواغه ۱۴۰۳ - ۲۰ جنوري ۲۰۲۵والسټریټ ژورنال: ټرمپ به د لوړې په مراسمو کې د 'ځيرکتیا انقلاب' خبره وکړي

   والسټریټ ژورنال خبري شبکې نن ګهیځ په یوه رپوټ کې ویلي، د امریکا منتخب ولسمشر ډونلډ ټرمپ به نن د لوړې مراسمو کې په امریکا متحدو ایالتونو کې د ''ځیرکتیا انقلاب'' غږ وکړي. دغه امریکايۍ ورځپاڼه وايي، دوی د هغو څرګندونو یوه کاپي لیدلې، چې ښاغلی ټرمپ به یې په خپله وینا کې وايي، او دی به ''د ملي بریا د یوې نوې دورې'' هرکلی وکړي.

   د والسټریټ ژورنال رپوټ وايي، د ښاغلي ټرمپ تازه وینا به د نوموړي د ۲۰۱۷ کال لوړې وینا پرتله ډېره هیله بښونکې وي او نوموړی به ''د تاریخ د تر ټولو ستر مدنیت د پیاوړتیا'' پر اهمیت ټینګار وکړي.

2. ۱ سلواغه ۱۴۰۳ - ۲۰ جنوري ۲۰۲۵وروستی, ټرمپ پر لومړۍ کاري ورځ د ګڼ شمېر اجرائیوي امرونو لاسلیکولو ژمنه کړې

   د امریکا ولسمشر په توګه سپینې ماڼۍ ته له ستنېدو مخکې ډونلډ ټرمپ ''له تاریخي چټکتیا او قوت سره'' د یو شمېر اجرائيوي امرونو ژمنه کړې ده.

   ښاغلي ټرمپ د چاپېریالي مقرراتو په ګډون د بېلابېلو پروګرامونو په تړاو د یواړخیز کار ژمنه هم کړې. نوموړي ویلي، د ولسمشرۍ له واکه په ګټې اخیستو سره به په پراخه کچه بې اسنادو کډوال له امریکا وباسي.

   تمه کېږي، چې نوموړی به همدا نن تر ۲۰۰ پورې اجرائیوي چارې لاسلیک کړي. په دې کې به داسې اجرائیوي امرونه چې قانوني لازمیت لري او د لارښوونو په تړاو اعلامیې وي، چې معمول نه دی.

   په دې کې به د مصنوعي ځیرکتیا په تړاو پروګرامونو، په ۱۹۶۳ کال کې د هغه مهال د ولسمشر جان ایف کينېډي وژنې ریکارډ ته لاسرسی، د دافع هوايي سسټم ځای پر ځای کولو او ځینې نور مسائلو په هکله د ولسمشرۍ مقام اجرائیوي امرونه شامل وي.

   ډونلډ ټرمپ دغه راز له خپلو پلویانو سره ژمنه کړې، چې د ښځو سپورتي کټګورۍ کې به د ټرانس جنډر یا جنسیت بدلو د فعالیت مخه ونیسي او د پوهنې کنټرول به بېرته د امریکا ایالتونو ته وسپاري.