اسرائیلو حماس د اوربند له هوکړې په سرغړونه تورن کړی، غزې ته د فلسطینیانو راستنیدل ځنډول شوي
په شمالي غزه کې زرګونه بې ځایه شوي فلسطینیان خپلو کورونو ته له ستنېدو راګرځول شوي دي. اسرائيلو شمال ته تلونکې لويه لار تړلې او حماس يې د اوربند هوکړې له شرایطو په سرغړونه تورن کړی دی.
دا په داسې حال کې ده چې د شنبې په ورځ حماس څلور ښځینه اسرائیلئ سرتېرې او اسرائیلو ۲۰۰ فلسطیني بندیان ازاد کړل.
د اسرائیلو حکومت وايي چې د غزې وګړي به تر هغه وخته شمال ته د تګ اجازه ونلري تر څو چې اسرائیلی وګړی اربیل یهود خوشی نشي.
حماس ټینګار کړی چې نوموړی ژوندی دی او راتلونکې اوونۍ به ازاد شي.
د تړون له مخې، حماس باید له سرتېرو مخکې ملکي وګړي خوشي کړي.
د شنبې په ورځ، حماس هم اسرائیل تورن کړل چې د اوربند تړون د شرایطو پلي کول ځنډوي.
د عکس سرچینه، Getty Images
