افغانستان کې د یوې ډله ییزې وژنې کیسه

ډېر افغانان وايي، تر هغه چې انتقالي عدالت پلی نشي د افغانستان د شخړو پای ښايي په نږدې راتلونکي کې ونه لیدل شي.

له ۱۹۷۹ زېږدیز کال راهیسې د افغانستان په بېلابېلو جګړو کې د ګڼو ډله ییزو وژنو ادعا کېږي چې لا تر اوسه هم نا سپړلې پاتې دي.

په ۹۰ مه لسیزه کې دا هېلې وې چې افغانستان کې به د شوروي مهال جګړه کې د ادعا شویو وژنو پلټنه کېږي خو وروسته کورنیو جګړو د عدالت پلې کولو شونتیا له منځه یوړه.

د بي بي سي خبریاله لیز دوسیت د ۱۹۹۲ کال په مې میاشت کې کابل کې وه او د ډله ایزو وژنو د یوې پېښې په اړه یې دا رپوټ چمتو کړی و.