د شهباز شريف څرګندونې؛ حامد کرزي "غير واقعي" بللې دي

طالبان وايي که نړيوال د افغانستان له خاورې د چا پر ضد د فعاليت په برخه کې اندېښنې لري مخامخ دې له دوى سره خبرې وکړي.

د طالبانو د بهرنيو چارو وزارت دا خبره تر هغه وروسته وکړه چې د پاکستان لومړي وزير د ملگرو ملتونو په عمومي غونډه کې د وينا پر وخت په افغانستان کې د ترهگرو ډلو د فعاليت په اړه اندېښنه وښووله.

د ښاغلي شريف وينا ته د افغانستان مخکيني ولسمشر حامد کرزي هم غبرگون ښوولى او وايي له واقعيته لرې خبرې دي.