د عکسونو ګالري: د صیاد ښکلا

دې لپاره چې انټرنېټ مو لږ مصرف شي، یوازې متن ولولئ
د خپرېدو وخت

د انځورونو په دې ګالري کې د پروان ولایت د صیاد د طبعي ښکلا انځورونه ګورئ. دا انځورونه یعقوب خالقي اخیستي او بي بي سي پښتو وېبپاڼې ته یې راستولي دي.

صیاد
د عکس تشریح، صیاد د کاپیسا ولایت د مرکز یوه تفریحي سیمه ده چې خلک له کورنیو سره یو ځای له لرې ځایونو د تفریح لپاره ورځي. دا سیمه خورا شنه او زړه راښکونکي ځایونه لري چې همدغو ځانګړتیاوو یې لا ډېر د خلکو پام ځان ته راړولی
صیاد
د عکس تشریح، کاپیسا د نورو ولایتونو په پرتله نسبتاً امن ولایت دی. خلک یې غریب خو په امن فضا کې د بزګرۍ او څارویو ساتلو له لارې خپلې ورځنۍ چارې پر مخ وړي
صیاد
د عکس تشریح، صیاد کې په شنو وښو پوښل شويو ځایونو کې شپانه په ډاډه زړه له دې وېرې پرته چې کومې ونې یا نیالګي ته به زیان ورسوي خپل څاروي څروي
صیاد
د عکس تشریح، د صیاد پل یو له مشهورو پلونو څخه دی چې اوبه یې له پنجشېر او سالنګ څخه سرچینه اخلي د اوړي په موسم کې هغه ځوانان چې لامبوزن دي په دې اوبو کې لامبي او خپل ساتېری کوي
صیاد
د عکس تشریح، د مرغانو لپاره هم د اوسېدو او تفریح ښه ځای بلل کیږي چې دغې تفریحي سیمې ته یې لا ښکلا وربښلې.
صیاد
د عکس تشریح، ښایي د کاپيسا د ښېرازۍ او پاکې هوا یو لامل هم په دغه ولایت کې د پرېمانه اوبو شتون وي
صیاد
د عکس تشریح، د کاپیسا ډېری خلک په خپلو کروندو کې په کار بوخت دي خو د ستړیاوو له منځه وړلو په موخه کله نا کله صیاد ته د چکر په موخه له خپلو کورنیو سره دغه ځای ته را ځي
صیاد
د عکس تشریح، تر شنه اسمان لاندې دغه په اوبو پوښل شوې سیمه د ډېرو لپاره د صیاد یوه په زړه پورې برخه ده