د سولې خبرې او د "ملکيانو مرګژوبلې" زياتېدل

افغانستان کې د ملګرو ملتونو استازولۍ یوناما ویلي، د افغان سولې خبرو په پیلېدو سره د ملکيانو ترمنځ مرګژوبله خورا لوړه شوې ده.

دغه اداره وايي د تېر ۲۰۲۰ کال د جنورۍ له لومړۍ د ډیسمبر تر پايه، نژدې درې نيم زره ملکیان وژل شوي‌ او نژدې پنځه زره او اته سوه نور یې ټپیان شوي وو.

یوناما په خپل تازه راپور کې د ملکي وګړو د خوندیتابه تر ټولو غوره لار اوربند بللی دی.

طالبانو د یوناما دا راپور رد کړی دی.