په افغانستان کې د سينګار روزنې لپاره يوازې يو مرکز

افغانستان کې تېرو دوو لسيزو کې بېلابېل کاروبارونه وغوړېدل، چې يو يې سينګارتونونه وو. نن سبا يې د دغه هېواد لروبر زرګونه ثبت شوي او نا ثبت شوي په فعاليتونو بوخت دي.

د شمېرو له مخې پلازمېنه کابل کې نژدې ۱۵ سوه د ښځو او له دوو زرو زیات د نارینه وو لپاره سینګارځایونه ښاروالۍ سره ثبت دي.

تر ډېره دغو ځایونو کې د سینګار چارې د داسې کسانو له خوا کېږي چې مسلکي زده کړې نه لري، او لا هم دغه هېواد کې د سینګار مسلکي او میعاري زدکړو اسانتياوې نه دي برابرې شوې.

اوس د ټول هېواد په کچه په پلازمینه کابل کې یوازې یو حکومتي مرکز دی چې د سینګار لنډمهالې زده کړې ورکوي.