د طالب بنديانو د خوشې کېدو بهير ولې ځنډېدلى؟
افغان ولسمشر محمد اشرف غني د مشورتي لویې جرګې د ورکړې مشورې په پایله کې، تېره دوشنبه د پاتې هغو ۴۰۰ طالب زندانیانو د خوشي کېدا فرمان لاسلیک کړ چې ویل یې جرمونه یې درانه دي او دی یې د پرېښودلو واک نه لري.
تمه ده د پاتې طالب بندیانو پرېښودل د افغانانو خپل منځۍ ناستې ته لار پرانيزي. افغان ولسمشر تېره ورځ د سولې له مرکچي ډلې سره ارګ کې وکتل او د افغانانو خپلمنځۍ ناستې ته یې د حکومت چمتوالی څرګند کړ.
طالبانو هم ویلي کله چې د بندیانو سپارل شوي پنځه زره کسیز نوملړ سره سم ټول بندیان خوشي شي دوی به په یوه اووني کې بین الافغانې ناستې ته تیار وي.
خو د بین الافغاني خبرو د اجنډا د سر سر ټکی به څه وي؟ د لید لوریو تفاوتونه څومره ژور دي؟ د دغه بهیر پیچلتیاو ته په پام سره د افغانانو د خپلمنځۍ ناستې پر وړاندې پرتې مهې ننګونې کومې دي او ورباندې د برلاسۍ لارې چارې څه دي؟
د دغو مسایلو د څېړنې لپاره ننني بحث کې دا ښاغلي را سره میلمانه دي:
اسلام اباد کې د طالبانو د واکمنۍ د مهال سفیر عبدالسلام ضعیف، د افغان حکومت د پارلماني چارو وزیر ضیا الحق امرخیل او دلته په ستوډیو کې زموږ همکار داود اعظمي چې د افغان سولې سره په تړاو مسایل له نژدې څاري.
تاسو ټولو ښاغلو ته ښه راغلاست وایم. د بحث کوربه زه یما بارز یم.
پیل به له ښاغلی امرخېله وکړم.
د طالب بنديانو د خوشې کېدو بهير ولې ځنډېدلى؟
تصویر: این ایس اي