په ایران کې افغان سفیر: ایراني چارواکي مني چې د کډوالو پر موټر ډزې شوې

په ایران کې د افغانستان سفیر وايي، دغه هېواد کې د افغان کارګرو موټر د ډزو او ټکر له کبله اور اخیستی دی. سفیر عبدالغفور لېوال وايي، ایراني چارواکو ورته ویلي، دغه موټر کې غیر قانوني قاچاقبرو غیر قانوني کډوال لېږدول، چې پولیسو ته یې نه دی درولی او هغوی هم ډزې پرې کړې دي. په دې پېښه کې درې افغانان وژل شوي او پنځه نور ټپیان دي. افغان چارواکي وايي، د دغې پېښې په اړه نورې پلټنې هم کوي. دې پېښې ته پر خواله رسنیو ډېری افغانانو توند غبرګون ښوولی دی. صابر عزیز یې نور جزیات لري.