کورونا ویروس؛ له ایران د لسګونو زرو افغانانو د ستنېدو انځوریز رپوټ
ایران کې د کورونا ویروس د ډېر خپرېدو له امله له دغه هېواد افغانان هم بې مخینې ستنېږي. د هرات ځايي اداره وايي، تېرو ۲۴ ورځو کې نږدې ۷۰ زره کسان له ایران ستانه شوي دي.
د افغانستان روغتیا وزارت پرون وویل چې دغه هېواد کې د کورونا ویروس پنځه نوې پېښې شوې او شمېر یې اوس ۲۱ ته رسېدلی دی.
خو په هرات کې د بي بي سي خبریال محمد قاضي زاده وايي، دغلته نوې تازه پېښه شوې چې ور سره شمېر ۲۲ ته رسېږي.
هرات کې ۱۳، سمنګان کې ۳، لوګر کې ۲، بادغیس، کاپیسا، بلخ او دایکندي کې یوه یوه پېښه شوې ده.
تراوسه ۲۱۸ شکمنې پېښې لیبارټري کې ازمویل شوې چې۲۲ مثبتې او ۲۵۹ منفي دي.
