افغانستان: ټاکنیزې سیالۍ نن شپه ختمېږي

د افغانستان د ولسمشرۍ ټاکنو، ټاکنیزې سیالۍ نن شپه دولس بجې ختمېږي. د دغه هېواد کورنیو چارو وزارت وایي، د شنبې پر ورځ کېدونکو دغو ټاکنو خوندیتابه ته لسګونه زره ځانګړي شوي امنیتي ځواکونه يې د رایې ورکونې ټولو مرکزونو کې ځای پر ځای شوي دي. د ټاکنیزو شکایتونو کمیسیون وایې د ټاکنو کمپاین په دوره کې د بېلا بېلو نوماندانو لخوا ۹۰ شکایتونه ورسره ثبت شوي دي. د یو شمېر نوماندانو ټاکنیزې هلې ځلې ډيرې تودې وې خو د ځینو نورو بیا په نشت حساب وې. د ټاکنو له ورځې مخکې به سبا پنجشنبه او د جمعې پر ورځ د چوپتیا دوره وي. صابرعزیز له کابله نور حال لري.