کندز کې د پولیسې کیسه

تېره يوه نيمه لسيزه کې افغانستان کې د ښځو لپاره بېلابېلو برخو کې پرمختګونه شوي، خو کاري ساحه کې تر ټولو سخت چاپېريال بيا د پوليسو او پوځي چارو کې د دوی کار دی.

په تېره بيا له پلازمېنې بهر لرې سيمو کې، چې يوه يې شمال ختیځ کندوز ولایت دی. هلته له امنيتي ګواښونو سره سره بیا هم ښځې د پولیسو په لیکو کې کار سره لېوالتیا ښيي.

کندوز په تېرو دريو کلونو کې دوه وارې لنډ وخت د طالبانو تر ولکې لاندې راغلی او لا هم د ښار په دوه کیلومټرۍ کې فعال دي. زموږ خبریال زلمي اشنا کندوز کې د ښځينه پولیسو کارونه څارلي دي.