दसरा मेळाव्यात शिवसैनिकांच्या उत्साहाला उधाण
मुंबई येथील शिवाजी पार्क आणि बीकेसी या मैदानावर शिवसेनेच्या दोन्ही गटांचे दसरा मेळावे काही वेळेत होणार आहेत.
या मेळाव्यात शक्ती प्रदर्शन करण्याचा प्रयत्न दोन्ही गटांकडून सुरू आहे. दोन्ही गटांतील शिवसैनिकांच्या उत्साहाला उधाण आल्याचं या निमित्ताने दिसून येतं.
दरम्यान, या मेळाव्यात दाखल होणारे शिवसैनिकही अत्यंत आक्रमकपणे आपली भूमिका मांडताना दिसत आहे.
या निमित्ताने शिवसैनिकांच्या सर्जनशीलतेलाही वाव मिळाल्याचं दिसून येतं. शिवसैनिक विविध प्रकारचे पोस्टर, बॅनर यांच्या माध्यमातून आपापल्या नेत्याला पाठिंबा दर्शवत आहेत.