इराण-इस्रायल संघर्ष, जागतिक बाजारपेठेत वाढले सोनं-कच्च्या तेलाचे दर

लाईव्ह कव्हरेज

1. 19 एप्रिल 2024इस्रायलच्या इराणवरील हल्ल्याबद्दल अमेरिकेच्या परराष्ट्र मंत्र्यांचं मौन

   काल रात्री इस्रायलने इराणच्या इस्फहानवर क्षेपणास्त्र डागलं. इराणवरील या क्षेपणास्त्र हल्ल्याबाबत अमेरिकेचे परराष्ट्र मंत्री अँटनी ब्लिंकन यांनी कोणतंही विधान केलेलं नाही.

   शुक्रवारी पत्रकारांनी त्यांना विचारलं की, इस्रायल आणि इराणच्या प्रतिक्रिया मोजून मापून दिलेल्या आहेत, याचा अर्थ मोठा संघर्ष टळला आहे का? ब्लिंकन यांना असंही विचारण्यात आलं की, राफाहबाबत अमेरिकेची भूमिका काय आहे?

   या प्रश्नांच्या उत्तरात ते म्हणाले, "तणाव कमी करण्यावर त्यांचा भर असून संबंधित पक्षांना संयम बाळगण्याचे आवाहन केले आहे." बीबीसीच्या प्रतिनिधी जेसिका पार्कर यांनी ब्लिंकन यांना विचारलं की काल रात्री घडलेल्या घटनेबद्दल तुम्ही काही विधान का केलेलं नाही?

   यावर ते म्हणाले, "मी जे काही बोलेन ते रटाळवाणंच असेल" असं म्हणत त्यांनी पुन्हा काही बोलण्यास नकार दिला. मात्र त्यांनी पुनरुच्चार केला की अमेरिका कोणत्याही प्रकारच्या लष्करी कारवाईत सहभागी नसेल आणि तणाव कमी करण्यासाठी आम्ही काम करत राहू. इराणनेही या हल्ल्याकडे फारसं लक्ष दिलेलं नाही. या हल्ल्याबाबत इस्रायलने अद्याप कोणतंही वक्तव्य केलेलं नाही.

   हे सर्व 1 एप्रिल रोजी सीरियातील इराणी वाणिज्य दूतावासावर झालेल्या हल्ल्यापासून सुरू झालं. यात 13 लोक मारले गेले. यात रिव्होल्युशनरी गार्डचे टॉप कमांडर आणि डेप्युटीही मारले गेले. या हल्ल्यामागे इस्रायलचा हात असल्याचं मानलं जात आहे.

   यानंतर 13 एप्रिल रोजी इराणने इस्रायलवर 300 रॉकेट-क्षेपणास्त्र डागले. मात्र, बहुतेक क्षेपणास्त्रे जमिनीवर येण्यापूर्वीच इस्रायलने हवेत उडवून लावले.

2. 19 एप्रिल 2024

3. 19 एप्रिल 2024देशात पहिल्या टप्प्यात संध्याकाळी 5 वाजेपर्यंत 59.66% मतदान

   शुक्रवारी पहिल्या टप्प्यात 21 राज्यांतील 102 जागांसाठी मतदान झालं. निवडणूक आयोगाच्या आकडेवारीनुसार संध्याकाळी 5 वाजेपर्यंत 59.66 टक्के मतदान झालं. आतापर्यंतच्या आकडेवारीनुसार, त्रिपुरा आणि पश्चिम बंगालमध्ये सर्वाधिक मतदान झालं आहे.

   पश्चिम बंगालमध्ये 77.57% आणि त्रिपुरामध्ये 76.10% मतदान झालं. उत्तरप्रदेशात 53.56 टक्के, जम्मू-काश्मीरच्या उधमपूर मतदारसंघात 65.08 टक्के आणि मध्यप्रदेशात 63.25 टक्के मतदान झालं. बिहारमध्ये संध्याकाळी 5 वाजेपर्यंत केवळ 46.32 टक्के मतदान झालं.

   महाराष्ट्रात पहिल्या टप्प्यातील एकूण पाच मतदार संघात सायंकाळी 5 वाजेपर्यंत सरासरी 54.85 टक्के मतदान झाले आहे.

   रामटेक 52.38 टक्के नागपूर 47.91 टक्के भंडारा- गोंदिया 56.87 टक्के गडचिरोली- चिमूर 64.95 टक्के चंद्रपूर 55.11 टक्के आहे.

4. 19 एप्रिल 2024एअर इंडियाची तेलअवीवची सर्व उड्डाणे 30 एप्रिलपर्यंत रद्द

   टाटा समूहाच्या मालकीच्या एअर इंडिया या आघाडीच्या विमानसेवा कंपनीनं शुक्रवारी माहिती दिली की आखाती देशांमधील सद्यपरिस्थिती लक्षात घेता इस्रायलच्या तेल अवीव मधून कंपनीची सर्व उड्डाणं 30 एप्रिल 2024 पर्यत रद्द केली आहेत.

   एअर इंडियानं एक पत्रक जाहीर करत माहिती दिली आहे की ''आखातातील गंभीर परिस्थिती लक्षात घेऊन तेल अवीव मधून होणारी आमची उड्डाणं 30 एप्रिल 2024 पर्यत रद्द करण्यात आली आहेत. परिस्थितीवर आम्ही सातत्याने लक्ष ठेवून आहोत. मात्र अशा वेळी या कालावधीत ज्या प्रवाशांनी आमच्या कंपनीची तिकिटं बुक केली आहेत, त्यांना या कालावधीनंतर पुन्हा एकदा मोफत तिकिट बुकिंग (वन टाइम फ्री रिशेड्युल) करता येणार आहे किंवा तिकिट रद्द करायचे असल्यास तो पर्यायदेखील उपलब्ध असणार आहे. आम्हाला ही गोष्ट पुन्हा एकदा अधोरेखित करायची आहे की आमच्या कर्मचाऱ्यांच्या सुरक्षिततेला आमचं सर्वोच्च प्राधान्य आहे.''

   13 एप्रिलला इराणने इस्ररायलवर 300 ड्रोन आणि क्षेपणास्त्रांचा हल्ला केला होता. मात्र यातील बहुतांश ड्रोन किंवा क्षेपणास्त्रे निशाण्यावर पोचण्याधीच इस्रायलनं हवेतच उडवली होती. इराणने पहिल्यांदाच आपल्या भूमीतून इस्ररायलवर थेट हल्ला केला होता.

   1 एप्रिलला इराणच्या सीरियातील दूतावासावर हल्ला झाला होता. त्यामध्ये 13 लोकांचा मृत्यू झाला होता. यामध्ये इराणच्या रेव्होल्युशनरी गार्डचा वरिष्ठ कमांडर आणि काही टॉप अधिकारी मारले गेले होते. हा हल्ला इस्ररायलनंच केला होता असं मानण्यात येतं आहे.

5. 19 एप्रिल 2024भाजीची गाडी जाणार आणि लाल दिवा येणार, सोलापूरच्या स्वाती राठोडचं UPSC मध्ये यश

6. 19 एप्रिल 2024नाशिकच्या निवडणुकीतून मी माघार घेतली आहे- छगन भुजबळ

7. 19 एप्रिल 2024इस्रायलचा इराणवर हल्ला, मात्र इराणी स्पेस एजन्सीने फेटाळला दावा; नेमकं काय घडलं?

8. 19 एप्रिल 2024इस्रायलमधील दूतावासातील कर्मचाऱ्यांना प्रवास करण्यास अमेरिकेची मनाई

   अमेरिकेने इस्रायलमधील आपल्या दूतावासातील कर्मचाऱ्यांना प्रवास करण्यास मनाई केली आहे.

   इस्रायलमधील अमेरिकन दूतावासातील कर्मचारी आणि त्यांचे कुटुंबिय यांच्या सुरक्षेची बाब लक्षात घेऊन अमेरिकन सरकारनं हे पाऊल उचललं आहे.

   शुक्रवारी अमेरिकेच्या दोन अधिकाऱ्यांनी इस्रायलने इराणवर हल्ला केला असल्याची दावा केला आहे.

   इस्रायलमधील अमेरिकन दूतावासानं सांगितलं की, ''पुढील आदेश येईपर्यत दूतावासातील कर्मचाऱ्यांना प्रवास न करण्याच्या सूचना देण्यात आल्या आहेत. सुरक्षेसंदर्भात परिस्थिती गंभीर झाली आहे. राजकीय आणि सध्या होत असलेल्या घडामोडींमुळं परिस्थिती वेगानं बदलू शकते.''

   इराणने शनिवारी रात्री उशीरा इस्रायलवर जवळपास 300 ड्रोन आणि क्षेपणास्त्रांचा मारा केला होता.

   इराणने सोडलेले जवळपास सर्व ड्रोन आणि क्षेपणास्त्र हवेतच नष्ट केल्याचा दावा इस्त्रायलनं केला होता. त्याचबरोबर इस्रायलने चेतावनी दिली होती की योग्य वेळी ते या हल्ल्याला उत्तर नक्की देतील.

9. 19 एप्रिल 2024‘मत नाही तर निधी नाही’ राजकारण्यांची ही वक्तव्य मतदारांना वेठीस धरणारी आहेत का?

10. 19 एप्रिल 2024हेल्थ ड्रिंक्स किंवा एनर्जी ड्रिंक्स घेत असाल, 'या' गोष्टींची काळजी नक्की घ्या

11. 19 एप्रिल 2024इराण-इस्रायल संघर्ष, जागतिक बाजारपेठेत वाढले सोनं-कच्च्या तेलाचे दर

    इराणवर इस्रायलनं केलेल्या हल्ल्याच्या वृत्ताला अमेरिकन अधिकाऱ्यांनी दुजोरा दिल्यानंतर जागतिक पातळीवर कच्चे तेल आणि सोन्याच्या दरात वाढ झाली आहे.

    शुक्रवारी आशियात कच्च्या तेलाच्या दरात तीन टक्के वाढ झालेली दिसून आली. कच्च्या तेलाचे दर जवळपास 90 डॉलर प्रति बॅरलवर पोहोचले, तर सोन्याचे दर 2400 डॉलर प्रति औंसच्या नव्या विक्रमी पातळीवर पोहोचले.

    जपान, हॉंगकॉंग आणि दक्षिण कोरियाच्या शेअर मार्केटमधील प्रमुख निर्देशांकातदेखील घसरण नोंदवण्यात आली आहे. इराणनं केलेल्या ड्रोन आणि क्षेपणास्त्र हल्ल्यावर इस्रायल काय प्रत्युत्तर देणार यावर गुंतवणुकदारांचं लक्ष आहे.

    शुक्रवारी सकाळी दोन अमेरिकन अधिकाऱ्यांनी सांगितलं की इस्रायलनं इराणवर क्षेपणास्त्राचा हल्ला केला आहे.

12. 19 एप्रिल 2024मतदान केंद्रांवर कोणत्या सोयी?

    महाराष्ट्रात आज विदर्भातल्या पाच जागांवर मतदान झालं.

    विदर्भातल्या सगळ्याच जिल्ह्यांमध्ये 40 अंशापेक्षा जास्त तापमानाची नोंद झाली आहे. उन्हाचा तडाखा वाढला आहे. मतदारांची गैरसोय होऊ नये यासाठी विशेष सोय असल्याचं निवडणूक आयोगानं सांगितलं.

    मतदान केंद्रांवर कोणती काळजी घेण्यात येत आहे?

13. 19 एप्रिल 2024देशात 21 राज्यांत मतदान, महाराष्ट्रात 'या' 5 जागांसाठी मतदान

    लोकसभा निवडणुकीच्या पहिल्या टप्प्यातील मतदान 19 एप्रिल रोजी म्हणजेच आज सकाळी 7 वाजल्यापासून सुरू झालं आहे. या टप्प्यात 21 राज्ये आणि केंद्रशासित प्रदेशातील 102 जागांवर मतदान होणार आहे.

    पहिल्या टप्प्यात नरेंद्र मोदींच्या मंत्रिमंडळातील आठ मंत्री, तीन माजी मुख्यमंत्री आणि एक माजी राज्यपाल यांच्या भवितव्याचा फैसला होणार आहे.

    महाराष्ट्रात पाहिल्या टप्प्यात 5 लोकसभा मतदारसंघात निवडणूक होत आहे. आज नागपूर, रामटेक भंडारा गोंदिया, गडचिरोली चिमूर आणि चंद्रपूर या मतदारसंघात मतदान होतंय.

    नागपूर, रामटेक, भंडारा गोंदिया आणि चंद्रपूरमध्ये सकाळी 7 ते सायंकाळी 6 या वेळेत मतदान होत आहे. गडचिरोली नक्षल प्रभावित जिल्हा असल्यानं इथे मतदान सकाळी 7 ला सुरू होईल पण फक्त दुपारी 3 वाजेपर्यंत हे मतदान सुरू राहील.

    कोणत्या बड्या नेत्यांचे मतदान?

    नितीन गडकरी, देवेंद्र फडणवीस, नाना पटोले, विजय वडेट्टीवार, चंद्रशेखर बावनकुळे, नितीन राऊत हे बडे नेते पाहिल्या टप्प्यात मतदानाचा हकक बजावणार आहेत.

    नागपूर आणि रामटेक मतदारसंघ मिळून एकूण 42 लाख 72 हजार 366 मतदार मतदानाचा हक्क बजावणार असून त्यासाठी रामटेकमध्ये 2405 तर नागपूरमध्ये 2105 मतदान केंद्र असणार आहेत. चंद्रपूरमध्ये चंद्रपूर लोकसभा मतदारसंघात एकूण 18 लक्ष 37 हजार 906 मतदार आहे. यात 9 लक्ष 45 हजार 736 पुरुष मतदार, 8 लक्ष 92 हजार 122 स्त्री मतदार तर 48 इतर मतदार आहेत.

    गडचिरोली चिमूर - या मतदार संघात 16 लाख 18 हजार 690 मतदार आपला मतदानाचा हक्क बजावणार आहेत. यामध्ये 8 लाख 14 हजार 763 पुरूष तर 8 लाख 2 हजार 434 स्त्री तर 10 तृतीयपंथी मतदार आहेत.

    विदर्भातल्या सगळ्याच जिल्ह्यांमध्ये 40 अंशापेक्षा जास्त तापमानाची नोंद झाली आहे. उन्हाचा तडाखा वाढला आहे. मतदारांची गैरसोय होऊ नये यासाठी विशेष सोय असल्याचं निवडणूक आयोगानं सांगितलं

14. 19 एप्रिल 2024इराण-इस्रायल संघर्ष

15. 19 एप्रिल 2024इस्रायलच्या कोणत्याही हल्ल्याला तत्काळ प्रत्युत्तर देण्याचा इराणचा इशारा

    इराणचे परराष्ट्र मंत्री होसेन अमीर-अब्दोल्लाहियान यांनी इशारा दिला की इस्रायलने सूडबुद्धीने केलेल्या कोणत्याही हल्ल्याला तत्काळ जशास असे उत्तर दिले जाईल.

    गुरुवारी (18 एप्रिल) सीएनएनला दिलेल्या मुलाखतीदरम्यान त्यांनी ही प्रतिक्रिया दिली. या आठवड्याच्या सुरुवातीला, त्यांनी सांगितलं होतं की शनिवारी इराणने इस्रायलवर केलेला क्षेपणास्त्र आणि ड्रोन हल्ला हा त्यांच्या कायदेशीर संरक्षणाच्या अधिकारांतर्गत होता.

    इराणने इस्रायलवर 300 हून अधिक ड्रोन आणि क्षेपणास्त्रांचा हल्ला केला होता.

16. 19 एप्रिल 2024ब्रेकिंग, इस्रायलचा इराणवर क्षेपणास्त्र हल्ला, अमेरिकन अधिकाऱ्यांची माहिती

    अमेरिकेच्या दोन अधिकाऱ्यांनी सीबीएस न्यूजला दिलेल्या माहितीनुसार इस्रायलने इराणवर एक क्षेपणास्त्र डागलं आहे.

    असोसिएटेड प्रेस या वृत्तसंस्थेच्या म्हणण्यानुसार, इराणच्या माध्यमांनी अनेक शहरांची विमान उड्डाणं रद्द केल्याची माहिती दिलीय.

    इस्रायलने शनिवारी रात्री इराणच्या हल्ल्याला प्रत्युत्तर देणार असल्याचे सांगितल्यानंतर इराण हाय अलर्टवर आहे रॉयटर्स या वृत्त संस्थेने दिलेल्या माहितीनुसार इस्फहान, शिराक्स आणि तेहरानसह इराणच्या इतर काही शहरांमधून होणारी व्यावसायिक विमानांची उड्डाणे थांबवण्यात आली आहेत.

    इराणी माध्यमांनी दिलेल्या बातमीनुसार इराणच्या मध्यवर्ती भागात असणाऱ्या इस्फहान शहरात स्फोट झाले आहेत.

17. 19 एप्रिल 2024

    गुड मॉर्निंग,

    देशभरात आज (19 एप्रिल) लोकसभेसाठी पहिल्या टप्प्यातलं मतदान पार पडत आहे. त्यासंबंधीचे सर्व अपडेट्स तुम्ही इथे वाचू शकता.

    त्याच वेळी देशाबाहेर इराण-इस्रायल, रशिया-युक्रेन, इस्रायल-हमास हा संंघर्ष सुरू आहे. त्याविषयाच्या बातम्याही इथे वाचता येतील.

    याशिवाय राज्यातील, राष्ट्रीय आणि आंतरराष्ट्रीय पातळीवरील घडामोडींचाही थोडक्यात आढावा आपण घेऊया.

    तुम्हाला 18 एप्रिलचे अपडेट्स वाचायचे असतील, तर इथे क्लिक करा.