'या' माणसाच्या पोटातून काढले किलोभर नखं, स्क्रू आणि खिळे
फोटो स्रोत, Getty Images
लिथुआनियात राहणाऱ्या एका व्यक्तीच्या पोटात एक किलोपेक्षाही जास्त नखं, स्क्रू आणि नटबोल्ट आढळल्यामुळे खळबळ माजली आहे.
या व्यक्तीची शस्त्रक्रिया करून पोटातून या सगळ्या वस्तू बाहेर काढण्यात आल्या आहेत, अशी माहिती डॉक्टरांनी माध्यमांना दिली आहे.
क्लाईपेडा युनिव्हर्सिटी हॉस्पिटलमध्ये ही शस्त्रक्रिया पार पडली.
यादरम्यान पोटात आढळून आलेल्या वस्तूंची लांबी 10 सेंटीमीटरपर्यंत होती, अशी माहिती डॉ. सारुनास डॅलिडेनास यांनी दिली.
ही एक दुर्मिळ केस होती, असं डॉ. डॅलिडेनास यांनी सांगितलं.
क्लाईपेडा युनिव्हर्सिटी हॉस्पिटलने याबाबत लिथुआनियाच्या सरकारी माध्यमाने याबाबत एक लेख लिहिला आहे. त्यामध्ये यासंदर्भात एक फोटोही देण्यात आला आहे.
बाल्टिक समुद्राच्या किनाऱ्याला लागून असलेल्या एका हॉस्पिटलमध्ये हा रुग्ण दाखल झाला होता.
पोटाच्या खालील भागात दुखत असल्याने रुग्णाला असह्य झालं होतं. त्याला अॅम्ब्युलन्समधून रुग्णालयात दाखल करण्यात आलं.
फोटो स्रोत, Getty Images
या रुग्णावरील शस्त्रक्रिया तीन तास चालली. त्यानंतर त्याची प्रकृती आता स्थिर आहे, तरी त्याला तज्ज्ञ डॉक्टरांच्या देखरेखीखाली ठेवण्यात आलं आहे, असं हॉस्पिटलने सांगितलं.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
