कोरोना: मोदीविरोधी पोस्टर वादावर राहुल गांधी म्हणतात, 'मलाही अटक करा'
फोटो स्रोत, Getty Images
पंतप्रधान नरेंद्र मोदी यांच्यावर टीका करणाऱ्या पोस्टवरून सुरू झालेला वाद थांबता थांबत नाहीय. दिल्लीतील काहीजणांना पोलिसांनी अटक केल्यानंतर आता काँग्रेस आक्रमक झालीय.
'मोदीजी, हमारे बच्चों की व्हॅक्सीन विदेश क्यों भेज दिया?' असा प्रश्न असलेलं पोस्टर काँग्रेसचे माजी अध्यक्ष राहुल गांधी यांनी ट्वीट केलंय आणि म्हटलंय, "मलाही अटक करा."
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 1
प्रियंका गांधी यांनीही हेच पोस्टर ट्वीट केलंय, तसंच प्रोफाईल फोटो म्हणूनही प्रियंका गांधींनी हे पोस्टर लावलंय.
आम आदमी पक्षाच्या अधिकृत ट्विटर हँडलवरूनही हेच पोस्टर ट्वीट करत म्हटलंय की, "असं कळलंय की, हे पोस्ट शेअर केल्यास पूर्ण व्यवस्थे घाबरते."
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 2
प्रकरण नेमकं काय आहे?
पंतप्रधान नरेंद्र मोदी यांच्यावर टीका करणारी पोस्टर्स लावल्याप्रकरणी राजधानी दिल्लीत पंधरा जणांना अटक करण्यात आली आहे.
दिल्लीच्या विविध पोलीस स्थानकांमध्ये याप्रकरणी गुन्हे दाखल करण्यात आले आहेत. पीटीआय वृत्तसंस्थेने यासंदर्भात वृत्त दिलं आहे.
'मोदीजी हमारे बच्चों की व्हॅक्सिन विदेश क्यूँ भेजी?' असं लिहिलेली पोस्टर दिल्लीच्या विविध भागांमध्ये लावण्यात आल्याचं आढळून आलं. या पोस्टरचे फोटो सोशल मीडियावर व्हायरल झाले होते.
फोटो स्रोत, Getty Images
देशात दररोज तीन लाखांहून अधिक कोरोना पॉझिटिव्ह रुग्ण आढळत आहेत. आरोग्य व्यवस्थेवर प्रचंड ताण आहे. एप्रिल महिन्यात अनेक राज्यांमध्ये ऑक्सिजन पुरवठा अनियमित झाल्याने रुग्णांना जीव गमवाला लागला होता. औषधं, व्हेंटिलेटर, बेड्स यांची कमतरता जाणवते आहे.
लसीकरणाच्या तिसऱ्या टप्प्यात 18 वर्षांवरील सगळ्यांना लस घेता येणार आहे. मात्र सध्या देशभरात अनेक ठिकाणी लशीची तीव्र टंचाई जाणवते आहे. कोव्हॅक्सिन आणि कोव्हिशिल्ड अशा दोन लशी उपलब्ध आहेत. रशियानिर्मित स्पुटनिक लसही आता उपलब्ध करून देण्यात येणार आहे.
गुरुवारी रात्री दिल्ली पोलिसांना याबाबत कळलं. भारतीय दंड संहितेच्या कलम188 अंतर्गत 17 गुन्हे दाखल करण्यात आले आहेत.
यासंदर्भात अधिक तक्रारी दाखल केल्या गेल्या तर आणखी गुन्हे दाखल होऊ शकतात. ही पोस्टर नक्की कोणी लावली यासंदर्भात पोलीस तपास करत आहेत. उत्तर दिल्लीत दोघांना अटक करण्यात आली.
मध्य दिल्लीत चारजणांना तर रोहिणी भागात दोघांना अटक करण्यात आली आहे. द्वारका भागात दोघांना अटक करण्यात आली आहे.
हे पोस्टर लावण्यासाठी पाचशे रुपये देण्यात आल्याचा दावा अटक केलेल्या एका व्यक्तीने केला आहे. शहादरा नावाच्या भागात पोलिसांना या घटनेचं सीसीटीव्ही फुटेज मिळालं असून, एक व्यक्ती पोस्टर लावताना दिसत आहे. त्या व्यक्तीला पकडण्यासाठी पोलिसांचा शोध सुरू आहे.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
