छोटा राजन कोव्हिड उपचारासाठी हॉस्पिटलमध्ये दाखल, मृत्यूच्या बातमीमुळे गोंधळ
फोटो स्रोत, Getty Images
अंडरवर्ल्ड डॉन आणि गँगस्टर छोटा राजनला कोरोनाची लागण झाल्यानंतर उपचारासाठी दिल्लीतल्या AIIMSमध्ये दाखल करण्यात आलं आहे.
दरम्यान, छोटा राजनचा उपचारादरम्यान मृत्यू झाल्याच्या बातम्या आल्यामुळे गोंधळ निर्माण झाला होता.
पण छोटा राजन अद्याप जिवंत असून त्याच्यावर उपचार सुरू असल्याचं AIIMSचे जनसंपर्क अधिकारी बी. एन. आचार्य यांनी बीबीसीशी बोलताना सांगितलं.
कोरोनाचा संसर्ग झाल्याने छोटा राजनला 26 एप्रिलला AIIMS मध्ये दाखल करण्यात आलं. 2015 मध्ये इंडोनेशियामध्ये अटक करण्यात आल्यानंतर तिहार तुरुंगात राजनची रवानगी करण्यात आली होती.
छोटा राजनचा कोरोनामुळे मृत्यू झाल्याची बातमी ऑल इंडिया रेडियो या सरकारी वृत्तसेवेनं दिली होती.
फोटो स्रोत, Twitter / airnewsalerts
त्यानंतर मात्र काही वेळाने ANI या वृत्तसंस्थेनं छोटा राजन अद्याप जिवंत असल्याची बातमी दिली .
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
राजेंद्र निकाळजे म्हणजेच अंडरवर्ल्डच्या दुनियेत छोटा राजन.
2015मध्ये इंडोनेशियातून ताब्यात घेतल्यानंतर छोटा राजनची रवानगी भारतातल्या तिहार तुरुंगात करण्यात आली.
राजनला भारतात आणल्यानंतर त्याच्यावरच्या सगळ्या केसेस CBIने हाती घेतल्या. महाराष्ट्र सरकारने आपल्याकडच्या सगळ्या केसेस CBIकडे हस्तांतरित केल्या.
छोटा राजनवर खून आणि खंडणी संदर्भातील तब्बल 70 फौजदारी खटले सुरू आहेत.
(छोटा राजनचा मृत्यू झाला, अशी बातमी आधी 'ऑल इंडिया रेडिओ' या सरकारी वृत्तसंस्थेच्या हवाल्याने आम्ही दिली होती.)
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
