सत्येंद्र जैन : दिल्लीच्या आरोग्य मंत्र्यांना कोरोनाची लागण नाही, टेस्ट निगेटिव्ह

दिल्लीचे आरोग्य मंत्री सत्येंद्र जैन यांना ताप आला असून श्वास घेण्यात त्रास होत असल्यामुळे राजीव गांधी सुपर स्पेशालिटी हॉस्पिटलमध्ये दाखल करण्यात आलं आहे. मंगळवारी (16 जून) सत्येंद्र जैन यांची कोरोना टेस्ट करण्यात आली. त्यांची कोरोना चाचणी निगेटिव्ह आली आहे.

दरम्यान, दिल्लीचे मुख्यमंत्री अरविंद केजरीवाल यांनी सत्येंद्र जैन यांच्या प्रकृतीसंबंधी ट्वीट केलं आहे. त्यांनी म्हटलं आहे, "आपल्या प्रकृतीकडे दुलर्क्ष करून तुम्ही रात्रंदिवस लोकांची सेवा करत होता."

देशभरात गेल्या चोवीस तासात कोरोनाचा संसर्ग झालेले 10, 667 नवीन रुग्ण आढळले आहेत. गेल्या चोवीस तासात देशभरात 380 रुग्णांचा मृत्यू झाला आहे.

देशातील कोरोनाच्या रुग्णांची एकूण संख्या 3,43,091 झाली आहे. यापैकी 1,53,178 केसेस अॅक्टिव्ह आहेत, तर 1,80,013 रुग्ण उपचारानंतर ठीक झाले आहेत. भारतात कोरोनामुळे 9 हजार 900 लोकांचा मृत्यू झाला आहे.

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)