Ọ bụrụ na Putin bụ nwaanyị, ọ karịghị awakpo Ukraine - Boris Johnson

Mkpuchi Na Eme Ozugbo

1. 2 Maachị 2022Ọpekata mpe mmadụ 21 anwụọla na Kharkiv ebe atụrụ ogbunigwe, Russia na-agba mbọ iwakposi mpaghara Kharkiv ike

   Meyọ mpaghara Kharkiv bụ mpaghara nke abụọ kacha ibu na mba Ukraine ekwuola na ihe ruru mmadụ 21 nwụrụ ebe mmadụ 112 merụrụ ahụ dịka ogbunigwe mba Russia dara ebe ahụ.

   Gọọmentị mpaghara ahụ kwuru na ha egbochiela ya bụ mwakpo iga n’ihu dịka Gọvanọ Oleh Synegubov kwuru na ọtụtụ ndị ịrọ ha bụ ndị agha Russia nwụrụ ebe ha busoro ha agha n’abali Tuzde.

   Ndị agha elu mba Ukraine kwuru na ha meminara ọtụtụ ndị agha Russia mgbe ha batara mpaghara ukwu Kharkiv.

   

   Ebe foto si, EPA

2. 2 Maachị 2022Ndị agha mba Russia awakpola Kharkiv nke mba Ukraine, Kharkiv bụ mpaghara nke abụọ kacha mepee emepe na mba Ukraine nke na-esote isiobodo ha bụ Kyiv

   

   Ebe foto si, Anton Gerashchenko

   Mba Ukraine kwuru na ndị agha mba Russia awụchịela na mpaghara Kharkiv nke mba ha.

   Otu ihe onyoonyo ụlọọrụ ntaakụkọ UNIAN kesara kwuru na ndị agha Russia wakporo isi ụlọọrụ ndị uweojii na mpaghara Kharkiv.

   Anton Geraschenko bụ onye ndụmọdụ minista na-ahụ maka mba na mba Ukraine kwuru na mwakpo a gbakwara otu ụlọ nọ nso ebe ahụ ọkụ bụ ụlọ mahadum Karazin National University.

   BBC ka na-agba mbọ ima nke bụ eziokwu n’akụkọ a nakwa ihe onyoonyo a na-efeghari.

   Nke a na-abịa dịka ndị agha Russia turu ọtụtụ ogbunigwe na Kharkive n’ụbọchị Tuzde nke a sị gburu mmadụ iri na asaa ma merụọ ọtụtụ ahụ.

3. 1 Maachị 2022Nwa Museveni akwadola etu Russia si wakpoo Ukraine

   Nwa Onyeisiala Yoweri Musevceni nke mba Uganda bụ LT Gen. Muhoozi Kainerugaba bụ onyeisiagha mba Uganda egosila nkwado ya nyemwakpo Russia mere Ukraine.

   Kainerugaba kwuru n'ozi o wepụtara na Twitter na " Pụtịn mere ihe ziri ezi"

   "Oge USSR kwajuru ngwaagha nuklia na mba Cuba n'afọ 1962, mba ndị mepere eme nọ na Ọdịda Anyanwụ kwechiri na ha ga-ekpochapụ ụwa niile.

   Ugbua NATO na-eme otu ihe ahụ, ha na-atụ anya na Russia ga-eme ihe ọzọ."

   Kainerugaba bụ onye kepukepu na-eekwu na ọ ga-anọchi nna ya dị afọ 77 n'ọkwa esonyela na ndị isi agha welitere isi n'Afrịka dịka Gen Mohamed Hamdan "Hemeti" Dagolo nke Sudan bụ ndị kwupụtara n'ọha nkwado ha nye mwakpo Russia wakporo Ukraine.

   

   Ebe foto si, Getty

4. 1 Maachị 2022Ihe ruru mmadụ ise anwụọla ka ogbunigwe dakporo tawa nke ụlọọrụ ndị Kyiv TV

   

   Ebe foto si, Reuters

   Akụkọ si Rọshịa pụta na-ekwu na ihe ruru mmadụ ise anwụọla ka ogbunigwe dakporo tawa nke ụlọọrụ ndị Kyiv TV.

   Ndị gọọmenti Yukren kwupụtara na mmadụ ise nwụrụ ka ogbunigewe gbara igwe tawa ụlọọrụ ndị onyonyo TV dị n'isiobodo Kyiv.

   Ọkụ a gbara emeela ka ha kwụsị ọrụ , ma meekwa otu ebe ncheta ndị nwụrụ n'agha ndị Nazi busoro ndị Izrel n'oge Agha Mbaụwa nke Abụọ dị nso BBC Monitoring sị na ihe karịrị mmadụ ise nwụrụ n'ogbunigwe.

5. 1 Maachị 2022Ihe onyonyo: Ogbunigwe atụọla n'etiti obodo Kharkiv

   Minista na-ahụ maka mmekọ Ukraine na mba ndị ọzọ bụ Dmytro Kuleba, egosiputala ihe onyonyo na-egosi ebe ogbunigwe gbara n'etiti Freedom Square dị n'obodo Kharkiv.

   Kuleba bokwara Vladimir Putin bụ onyeisiala mba Russia ebubo ime mpụ agha.

   Ọ kpọkukwara mbaụwa ka ha kpapụ Russia n'akụkụ.

   Ịdọ aka na ntị - ihe onyonyo a na-egosi ebe a nwere ike irikasị gị ahụ. BBC achọpụtala na o mere, mana amaghị onye sere ya kpọmkwem.

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

6. 1 Maachị 2022Ọgụ na-ada na Ukraine abanyela ụbọchị nke isii

   

   Ebe foto si, Reuters

   Ọgụ ka na-ada na mba Ukraine n’agbanyeghi na ha na Russia gara okwu ikpe udo n'ụbọchị Mọnde.

   Ogbunigwe a tụpụrụ gburu ọtụtụ ndị nkịtị n’obodo Kharkiv, dịka akụkọ si kwuo.

   A nụkwara ụda mwakpo n'ikuku n'isiobodo Kyiv.

   Volodymyr Zelensky bụ onyeisiala mba Ukraine kpọro mwakpo Russia mere na Kharkiv "ime mpụ agha".

   Akụkọ kwukwara na ogbunigwe dakwara aghara aghara n'obodo Chernihiv.

   Russia si n'elu si n'ala na-awakpo Ukraine, mana ndị agha Ukraine na-anwakwa ịkwaghachị ha azụ.

   Ka ọ dị ugbua, obodo atọ a (Kyiv, Kharkiv na Chernihiv) ka nọkwa n'aka Ukraine.

7. 1 Maachị 2022AU akatọọla ịkpa oke agbụrụ a na-eme n'okeala Ukraine

   

   Ebe foto si, Reuters

   Otu jikọtara mba Afrịka bụ African Union (AU) ekwuola na akụkọ ha natara na a na-akpaso ndị Afrịka oke agbụrụ na mba Ukraine dịka ha jụrụ inye ha ikike igafe okeala ha, na-enye ha nchekasị.

   Otu ahụ kpọkuru mba niile ka ha kwanyere iwu mba na mba ugwu ma nyere ndị na-agba ọsọndụ n'ihi agha enyemaka, n'agbanyeghi agbụrụ ha si.

   N'ozi ha ziputara n'ụbọchị Mọnde, AU kwuru "Akụkọ kwuru na a họpụtara ndị Afrịka na-akpaso ha agwa na-adịghị mma bụ ịkpa oke agbụrụ ebe ọ dị ọjọọ ma bụrụkwa ngaghie na nkwekọrịta iwu mba na mba."

   Otu AU kelekwara mba ndị nọ n'okpuru ya nakwa ndị nnọchiteanya ha nọ na mba ndị gbara Ukraine agbataobi maka nkwado ha na-enye ndị na-agba ọsọndụ ha n'ọgụ a.

   Nke a bịara dịka ndị Afrịka bi na mba Ukraine kwara arịrị maka ịkpa oke agbụrụ a na-akpaso ha n'okeala Ukraine na Poland.

8. 1 Maachị 2022Gọọmentị Naịjiria ga-amalite ịkpọlata ndị Naịjiria nọ na Ukraine na wenezde - Onyeama

   

   Ebe foto si, Getty Images

   A ga-amalite ibulata ndị Naịjiria chọrọ isi mba ndị gbara Ukraine agbataobi lọghachite Naịjiria n’ụbọchị Wenezde.

   Geoffery Onyeama bụ minista mmekọrịta mba na mba kwuru nke a dịka o kwuru na a na-agba mbọ ịkpọpụta ihe ruru ndị Naịjiria puku ise na narị isii (5,600) nke ọtụtụ n'ime ha bụ ụmụakwụkwọ, ka nọ na mba Ukraine.

   O kwuru na a na-agba mbọ ịhụ na ha garuru mba Romania, Poland, Slovakia na Hungary na-enweghi nsogbu ọbụla.

   O kwukwara na e nwekwara isi uzo Russia kpọpụta ha.

   Nke a na-abịa dịka Ukraine mechiri ikuku ebe ụgbọelu si agafe na mba ha dịka Russia wakporo ha.

   Narị kwuru narị ndị Naịjiria ejirila ụgbọala nakwa ụgbọoloko si mba Ukraine pụta ugbua, mana ọtụtụ n'ime ha nakwa ndị mba Afrịka ndị ọọ kwara arịrị maka ịkpa oke agbụrụ e gosiri ha mgbe ha na-achọ ịgafe okeala, dịka e gbochiri ha ịbanye ụgbọ ndị bu ndị mbịarambịara nọ na-agba ọsọndụ.

9. 1 Maachị 2022Fifa na Uefa amachiela otu egwu bọọlụ ndị Russia niile

   

   Ebe foto si, Reuters

   Otu jikọrọ ndị bọọlụ mba bụ Fédération Internationale de Football Association (Fifa) na nke jikọrọ ndị bọọlụ na Yurop bụ Union of European Football Associations (Uefa), amachiela otu egwu bọọlụ Russia niile isonye asọmpi ọbụla n’ihi mwakpo mba ha mere Ukraine.

   Ha sị na ha ga-anọ na mmachi a ruo n’ọdịnihu.

   N'ozi ha ziputara ha kwuru sị "Egwu bọọlụ nọ n'idinotu ebe a, ma kwudokwara ndị ihe a na-emetụta na mba Ukraine.

   Ndị isi abụọ a nwere olileanya na ọnọdụ dị na mba Ukraine ga-agbanwe ọfụma ọsịsọ ka egwuregwu bọọlụ rụwakwa ọrụ ya dịka ụzọ e si eweta idinotu na udo n'etiti ndị mmadụ."

   Mmachi a pụtara na ndị otu bọọlụ ụmụnwoke mba Russia agaghị asọmpi ntozuoke maka Iko Mbaụwa ha na mba Poland nwere n'ụbọchị 24 nke ọnwa Maachị, ebe ụmụnwaanyị ha agaghị eso asọmpi na Euro 2022.

   A chụpụkwala Spartak Moscow n'asọmpi Europa League, ebe e bufere ndị RB Leipzig kwesịrị izute ha ruo agba anọ nke ikpeazụ.

   N'otu aka ahụ, Uefa akwụsịkwala nkwado ha na-anata n'aka Gazprom bụ ụlọọrụ ndị Russia nwe.

10. 1 Maachị 2022Ị bọọla chi?

    Ị meela nke ọma wee sonye anyị n'ụtụtụ a.

    Ndị Igbo sị na nke onye chiri ya zere.

    Nọnyere anyị dịka anyị na-ewetara gị akụkọ ị kwesịrị ịma banyere ihe na-eme gbasara ọgụ dị n'etiti mba Russia na Ukraine.

    Nnọọ.

11. 28 Febụwarị 2022'Anyị zoro na bụnka, nri anyị agwụwala' - Ụmụakwụkwọ nọ na Yukren

12. 28 Febụwarị 2022Switzerland emechaala soro otu EU were hiwe mkpachi akụnụba n'isi Rọshịa

    

    Switzerland na-anaghị etinye ọnụ n'okwu emechaala soro hiwe mkpachi akụnụba n'isi mba Rọshịa.

    Dịka o siri dị, amachiela ndị Eze ise nke mba Rọshịa ịbata mba ha, ọba ego mmadụ 336 nke gụnyere nke Vladimir Putin na Sergei Lavrov nọ na mkpachị na mba Switzerland.

    A na-eche na ụlọakụ Switzerland nwere ọba ego ihe ruru ijeri dọla ndị mba Rọshịa.

    Dịka o siri dị, amachiela ụgbọele mba Rọshịa ịbata mba ha ma machiekwa nke ha ịga mba Rọshịa.

    Onyeisiala mba Switzerland bụ Ignazio Cassis kwuru na mwakpoo Rọsshịa mere Yukren megidere udo na ọchịchị onye kwuo uche ya.

    Cassis kwuru sị, " ịgbachịnkịtị oge dịka nkea dịka a na-emetọ nkwekọrịta Geneva Convention nke Switzerland kwenyere na ya ezighị ezi".

13. 28 Febụwarị 2022'Ọnọdụ ụmụ anyị nọ na Yukren na-echekasị anyị obi' - Ndị Naijirịa mere ngagharịiwe n'Abuja

    Ọtụtụ ndị Naijirịa apụtala mee ngagharịiwe udo n'ihu ụlọọrụ nnọchiteanya mba Rọshịa dị n'Abuja, Naijirịa.

    Ha na-ekwu ka mba Rọshịa kwụsị mwakpo ha na-awakpo ndị mba Yukren.

    Ndị ọrụ gọọmentị na-ekwu na ihe karịrị ndị Naijirịa puku anọ nọ na mba Yukren.

    Ndị a kwuru na ọ bụ ọdịmma ndị nke ha na-agụ akwụkwọ na Yukren mere has jiri pụta ezi.

    Ha na-eti mkpu na-asị, " Anyị chọrọ udo na mba Yukren",

    Ha kwukwara ka onyeisiala mba Rọshịa bụ Vladimir Putin kwụsị ịwakpo ndị mba Yukren

    Ndị uweoji Naijirịa nọkwa nsọ dịka ya bụ ngagharịwe na-eme.

    Na nsonso a ka gọọmentị Naijirịa kwuru na ha ga-akwado ụzọ ọbụla ziri ezi a ga-esi webata udo na Yukren.

    Kama ha kọtọrọ agwa ndị na-echekwa oke ala mba Yukren na Poland kpasoro ndị Naijirịa na ndị Afrịka ndị ọzọ - dịka ndị Afrịka na-ekwu na a na-akpa ha oke agbụrụ ma ekweghị ndị na-gba ọsọ ndụ ha gafee oke ala.

    Onye nnọchiteanya Naijirịa na mba Romanịa bụ Safiya Nuhu ekwuola na ihe karịrị ndị Naijirịa narị abụọ agafeela were bata mba Romanịa,

14. 28 Febụwarị 2022Russia and Ukraine Conflict 2022: Ị ma etu mwakpo a si emetụta mba Afrịka?

15. 28 Febụwarị 2022Foto egosila ka mkparịtaụka ndị Rọshịa na ndị Yukren malitere na okeala Belarus na Yukren

    

    Ebe foto si, Getty Images

    Egosipụtala foto ebe ndị nnọchiteanya mba Rọshịa na Yukren malitere mkparịtaụka maka esemokwu mba abụọ ndịa.

    Ha zutere n'okeala Yukren na Belarus.

    Tupu mkparịtaụka a ebido onyeisiala Yukren bụ Volodymyr Zelensky ekwupụtala na ọ chọrọ ka udo chịa ozugbo ozugbo, makwa nlaghachị ndị agha Rọshịa. Rọshịa nke ya, si na ha chọrọ nkwekọrịta ga-abara ụzọ abụọ ndị a uru.

    

    Ebe foto si, Reuters

16. 28 Febụwarị 2022Ụmụakwụkwọ Naịjiria esila Ukraine garuo Romania

    Ihe ruru ndị Naịjiria narị abụọ si mba Ukraine - nke ọtụtụ n'ime ha bụ ụmụakwụkwọ - eruola mba Romania dịka onye nnọchiteanya Naịjiria na mba Romania bụ Safiya Nuhu, si kwuo.

    Nuhu gwara BBC na ha na-elekọta ha n'ụlọndina ma kwuo na ha na-echebiri ọtụtụ ka na-abịa.

    N'otu aka ahụ, Onyeisiala Naịjiria bụ Muhammadu Buhari kwuputere mwute ya maka mmegbu ndị Naịjiria na-anwa isi mba Ukraine gbapụ.

    N’ozi o ziputara naTwitter, ụlọọrụ onyeisiala kwuru na e kwesịrị ime onye mba ọbụla etu e mere ibe ya, dịka ha na-anwa igafe mba Poland.

    Ka ọ dị ugbua, Ministri na-ahụ maka mmekọ Naịjiria na mba ndị ọzọ adụọla ndị Naịjiria si na mba Ukraine agbapụ ka ha gbalịa si n'okeala mba Hungary na Romania gafee, n'ihi nsogbu ngafe dị n'okeala nke mba Poland.

    Ọtụtụ ndị Afrịka ekwuputala maka ịkpa oke agbụrụ ha na-agabiga n'okeala Ukraine-Poland ahụ.

    Geofrey Onyeama bụ minista mmekọrịta mba na mba Naịjiria kwuru na ya na Dmytro Kuleba bụkwa minista mmekọrịta mba na mba nke Ukraine akpaala maka nsogbu a, ebe o kwere ya nkwa na e nyela ndị nche okeala ahụ iwu ka ha hapụ ndị mba ọzọ si mba Ukraine apụ ikike igafe na-enweghi mgbochi ọbụla.

17. 28 Febụwarị 2022Belarus sị na ha akwadola ebe a ga-anọ ekpe udo

    

    Ebe foto si, Belarus Foreign Ministry

    Mba Belarus kwuru na ha akwadola ebe a ga-anọ kpaa maka udo n'etiti ndị mba Russia na Ukraine ga-ezite, dịka mwakpo Russia mere ndị agbataobi ha na-abanye ụbọchị nke ise.

    Ukraine ekwenyela izite ndị ga-ekwuru ha ọnụ ha na ya bụ ọgbakọ a ga-eme nso okeala dị n'etiti Ukraine na Belarus, n'agbanyeghi na akụkọ na-efegharị na Alexander Lukashenko bụ onyeisiala mba ahụ, na-akwado iziga ndị agha ya ga-esonye na ya bụ mwakpo.

    Anatoly Glaz bụ ọnụ na-ekwuchitere mịnịstrị mba na mba ahụ kwuru sị "Mkparịtaụka a ga-amalite ozugbo ndị nnọchiteanya a rutere n'ọgbọ nzukọ."

    Mba Ukraine aṅụọla iyi na agaghị akwapụ ha n'ụzọ na nzukọ ahụ, ebe onyeisiala ha bụ Volodymyr Zelensky kwuru na ọ naghị atụ anya na mkparịtaụka ndị a ga-amịta mkpụrụ ọbụla.

    O kwuru sị "Ka ọ sila dị: ekwenyechaghị m na nzukọ a ga-amịta ezi mkpụrụ, mana ha nwaa".

18. 28 Febụwarị 2022Ụlọnnọchiteanya mba Amerịka dị na Ukraine agwala ndị mba ha "pụọ ozugbo"

    Ụlọnnọchiteanya mba Amerịka dị n'isiobodo Kyiv akpọkuola ndị otu ha nọ na mba Ukraine ka ha "chọrọ ụzọ nke ha" ma ọ bụrụ na ọ gaghị etinye ha n'ọnọdụ ize ndụ.

    O kwuru na ọnọdụ a nọ ugbua bụ nke "amaghị ihe nwere ike ịdapụta na ya" ma kpọọ oku ka a "gbado anya" n'ihe gbasara ha si aga, dịka ọtụtụ n'ime ha kpọchiri akpọchi, nọ n'ụzọ ebe ọgụ na-ada nakwa ebe ihe ndị dị ka akwammiri na ụzọ mebirila emebi.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

    N'otu aka ahụ, ụlọọrụ United Nations High Commissioner for Refugees (UNHCR) kwuru na ihe ruru mmadụ 368,000 esila mba Ukraine gbaga mba ndị agbataobi ha, iji gbalahụ mwakpo mba Russia.

    Ihe ruru mmadụ 150,000 n'ime ha gbagara mba Poland.

    Mba Amerịka chọpụtara na ndị mba ha ruru puku isii bi na mba Ukraine, mana o doghi anya mmadụ ole n'ime ha ka nọ na mba Ukraine ruo ugbua.

19. 28 Febụwarị 2022Ogbunigwe dara n'abalị na mba Ukraine

    Ụda ogbunigwe na nwịnwọọ nwịnwọọ nke ikuku (air sirens) nọ na-arị ibe ya elu n’isiobodo Kyiv na ụfọdụ obodo ọzọ n’abalị Sọnde, dịka a banyere ụbọchị ise Russia wakporo Ukraine.

    Ọtụtụ ndị bi n'obodo Kyiv ka na-achọ ụzọ na-ezo n'okpuru ala.

    N’ozi Ọchịagha Alexander Syrsky ziputara n’isi ụtụtụ Mọnde, o kwuru na ha agbalịala n’ịkwụsị ọtụtụ mwakpo si n’aka ndị agha mba Russia na-achọ ibata ebe mpụta isiobodo Kyiv.

    Ọ sị "Anyị gosiri na anyị ga-echekwanwu obodo anyị n'aka ndị ọbịa anyị kpọghị oku".

    James Waterhouse bụ onye ntaakụkọ BBC nọ n'isiobodo Kyiv chịkọtara ebe ndị a nụrụ ụda ndị a sị:

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

20. 28 Febụwarị 2022Ị bọọla chi?

    Daalụ dịka ị bịakwutere anyị n'ụtụtụ a.

    Nọnyere anyị ebe a ka ị gụta akụkọ ihe na-eme n'etiti mba Russia na Ukraine na ihe na-eme na mbaụwa n'ihi ya.

    Nnọọ