You’re viewing a text-only version of this website that uses less data. View the main version of the website including all images and videos.

Take me to the main website

Ụbọchị ncheta Biafra: Ka o si gaa

Ka o si aga n'ihe gbasara ncheta Biafra na Naijiria na ụwa gburugburu taa bụ Mee 30, nke afọ 2019.

Mkpuchi Na Eme Ozugbo

Chiagozie Nwonwu

  1. #BiafraHeroesDay na-ewu na Twitter

    Na Soshal Midia Twitter, akara #BiafraHeroesDay na-ewu n'usoro agba ọhụrụ na-akpọ "trending".

    Onyeisi otu Ipob tinyere ọnụ na ya bụ atụmatụ.

    Mana, onwere ndị ya bu atumatu amasịghị, dịka onye a ji akara @generalzango ede na-ebo ebubo maka agha.

  2. 'Na m pụtara abụghị na m anaghị akwanyere Biafra ugwu'

    N'Isi-gate dị n'Umuahia, azụmahịa na-aga sirir were.

    Otu onye gwara BBC okwu achọghị ka akpọ aha ya si na ịpụta ịchọ ihe ọ ga-eri abụghị mkparị Biafra. Onye ọzọ sị na ya anaghi eme ihe ọbụla banyere Biafra, na ọ bụ ihe ezinaụlọ ya ga-eri ka ọ na-achọ.

  3. Etu o si dị n'Orji Junction, Owere

    Onye Ntaakụkọ BBC n'Owere sị na ya ahubeghị mkpatụ atumatu akpọrọ "Sit at home" na Bekee.

  4. Ọdịghị ka Abakaliki eso eme ndọdụ n'ụlo

    Agbanyeghi na Abakaliki na-eji nwayọ amalite njem ụbọchị, onye ntaakụko BBC sị na onweghị ihe ọbụla na-egosi na ndị mmadụ na-akwado ịnọ n'ụlọ.

    Ka anyị na-ele anyi etu ọ ga-adị.

  5. N'Umuahia, ndị mmadụ na-agara onwe ha ka onweghi ihe na-eme

  6. Ọtụtụ ndị mmadụ na-ewepute ubọchịa dịka oge a ga-eji kwanyere ndị nwụrụ n'agha sotere nhibe Biafra ugwu

    Otu n'ime otu ndị chọrọ ka mba Biafra laghachite bụ Indigenous People of Biafra (Ipob) n'onwe ha sị na ọ bụ ịnọ n'ụlọ ka mma iji kwanye ugwu a.

    Nke mere ha jiri sị ka ndị mmadu nọdụ n'ụlo taa.

    BBC Igbo na-ele etu ya bụ Ncheta Biafra si aga.

  7. Ọ bụ n'ụbọchị nke iri atọ nke ọnwa Mee ka Emeka Odumegwu Ojukwu kwuru okwu hibere mba akpọrọ Biafra

  8. Unu asaala chị?

    Ka anyị malite igosi etu esi eme emume ncheta Biafra n'ala Igbo