Nigeria Election 2019: Ogbunigwe n'Ebonyi?

Mkpuchi Na Eme Ozugbo

Uche Akolisa, Chimezie UcheAgbo and Chimamaka Ihenacho

1. 15 Febụwarị 2019N'Anambara steeti, ọtụtụ ndị njem na-aga obodo ha

   Ọtụtụ ụgbọala kwụjuru n'ahịa Eke Ọka, na Steeti Anambara dịka ọtụtụ ndị njem malitere njem ịga obodo ha dị iche iche.

   Ndị na-achịkwa ụgbọala nọkwa n'oru na-ahụ na ihe na-aga etu o kwesịrị.

2. 15 Febụwarị 2019Ndị ọrụ agaghị ọrụ n'Anambara steeti taa

   Ụlọọrụ gọọmenti n'Anambara steeti tọgbọrọ chakoo dịka ndị mmadụ na-agaghị ọrụ taa.

   Gọọmenti steeti ahụ nyere ezumike taa na steeti niile gba gburugburu.

   Komishoma na-ahu maka mgbasa ozi n'Anambara steeti bụ Don Adinuba kwuru ezumike ahụ bụ iji nye ndị ọrụ gọọmenti ohere ka ha laa n'obodo ha ga tụọ vootu echi bụ ụbọchị ntuliaka.

3. 15 Febụwarị 2019Ị hụla ihe ndị Nnamdi Kanu chọrọ?

   Ihe ọtụtụ ndị Igbo na-ajụ bụ ihe ndị ahụ Nnamdi Kanu kwuru na e mezuola, onye mezuru ha?

4. 15 Febụwarị 2019Nnamdi Kanu agwaghị ndị Igbo anatala PVC

   Onye ọkaikpe Nnamdi Kanu bụ Paul Achalla ekwuola na o nweghi mgbe Kanu jiri gwa ndị Igbo ka ha ghara ịnata PVC ha maọbụ binye aka n'akwụkwọ e ji atụ vootu.

   Achalla kwuru nke a oge BBC Igbo gbara ya ajụjụọnụ gbasara okwu Kanu kwuru ka ndị Igbo gaa tụọ vootu.

   Nke a bụ agbanyeghi na kamgbe ihe karịrị otu afọm, Kanu na-ekwu ka ndị Igbo ghara itu vootu.

   N'ozi o dere n'akara twitter ya ụnyaa, Kanu kwuru na e mezuola ihe niile ọ chọrọ kpatara o jiri kwuo ka ndị mmadụ gaa tụọ vootu.

   Achalla kwuru n'ezie Kanu kwuru ka a ghara ịtụ vootu na mbụ mana o kwughi ka a ghara ịnata PVC.

5. 15 Febụwarị 2019

   Anyị na-anabata gị na mgbasa ozi nke taa gbasara ntuliaka 2019.

   Ọ fọrọ naanị ụfọdụ elekere tupu ntuliaka e biri ọkụ.

   Soro anyị ebe a ka ị hụ etu o si aga.