BBC Igbo Live: Ahịa tọgbọrọ chakoo iji cheta Biafra

Mkpuchi Na Eme Ozugbo

Chimezie UcheAgbo, Uche Akolisa, Chimamaka Ihenacho and Chioma Obianinwa

1. 30 Mee 2018Ihe ndị chọrọ Biafra na-azọ, Maazị Ifeanyichukwu Okonkwo na-akpa nkata ugbua maka ihe ndị chọrọ Biafra na-azọ.

   Sonye anyị na Facebook ebe anyị na Maazị Okonkwo na-akpa nkata maka ihe ndị Biafra chọrọ.

2. 30 Mee 2018Etu Enugwu dị taa

   Ebe a bụ ụzọ Ogui dị n'Enugwu. Ndị ahịa niile kpọchịrị ụlọ ahịa ha iji rube isi na ya bụ #sitathome ndị Ipob hibere.

   Ụgbọala na-agagharịkwa mana o rughị etu ọ na-adị mgbe ihe niile zuru oke.

3. 30 Mee 2018Akwa mmiri Niger tọgbọ chakoo, Tonie Iwoba ziteere anyị foto na-egosi na ndị mmadụ nọ n'ụlọ n'Ọnịcha

4. 30 Mee 2018Lee etu ndị na-akwado Ipob n'Italy si echeta Biafra taa

   Ndị na-akwado Biafra gbakọrọ n'isi obodo Italy bụ Rome, ebe ha na-eme emume ncheta Biafra. Ha bucha ọkọlọtọ Biafra ma na-ekwu na ha ejighị ọgụ bịa.

5. 30 Mee 2018Ahịa Arịarịa na ndị ụlọakụ emepeghị taa n'Aba, Onye bi Aba bụ Chidi Ikeh, ziteere anyị ihe nkiri o sere

6. 30 Mee 2018Ndị kwenyere na Ipob na-enwe aṅụrị

   Paul Achalla so na ndị isi ndị na-akwado Ipob na mba Briten na-enwe aṅụrị na ndị mmadụ gere ntị ma nọrọ n'ụlọ taa.

   Ọ katọrọ ndị isi ndị Igbo ma kwuo na "Ebe niile gbachiri agbachi na mpaghara ọwụwa-anyanwụ."

7. 30 Mee 2018Etu Nnewi dị n'ụtụtụ a, Onye bi na Nnewi bụ Nwabueze Nwonwu ziteere anyị ihe nkiri a.

8. 30 Mee 2018Ihe ndị mmadụ na-ekwu na Facebook anyị

   Ezema Sunday C Donald kwuru "Chineke nna biko kwụghachị ndi ọjọọ niile gburu ndị Biafra ụgwọ dịka ọlụ ha si dị"

   Adimchinobi Onyegbuchulam kwuru "E chetere m etu ndị ji ọtụtụ ngwa agha na ndị obu agha dị iche iche si megide mmadu ole na ole ndị gba aka na-acho inweta ihe ruru ha na-ịchekwa ndụ ha."

   Chinedu Eze kwuru "ihe m chetara maka BIAFRA bụ maka ogbugbu e gburu ndị IGBO na mgbe agha nkpochapu ndị IGBO n'eluwa site n'aka ndi Naijirịa. Ihe mmegide niile e mere ndị IGBO n'ihi na ha chọrọ ịza aha nna ha. Ọ bụ ihe kwesịrị ekwesị ka ndị IGBO nile kwado achụmnta nwereonwe BIAFRA dịka obodo nke anyị."

9. 30 Mee 2018#sitathome, Site n'okwu a dị na Twitter, okporoụzọ tọgbọrọ chakoo ka ọtụtụ ndị mmadụ nọ n'ụlọ maka #sitathome ndị Biafra na-eme taa.

10. 30 Mee 2018Otu ndị na-akwado Biafra

    E nwere ọtụtụ otu ndị na-akwado Biafra, mana ndị kacha pụta ihe bụ Movement for the Actualization of the Sovereign State of Biafra (MASSOB), Indigenous People of Biafra (IPOB) na Zionist Movement.

    Nnamdị Kanụ bụ onye ndu ndị IPOB, ebe Ralph Uwazuruike bụ onye a chụpụrụ na MASSOB gara hibe otu Biafra Independent Movement (BIM).

11. 30 Mee 2018Ọkọlọtọ Biafra, Kedụ ihe mejupụtara ọkọlọtọ Biafra?

    Ọkọlọtọ Biafra na-acha ọbara ọbara, akwụkwọ ndụ akwụkwọ ndụ nakwa oji, ma nwee eserese ọwụwa-anyanwụ.

12. 30 Mee 2018Onye kpọrọ 'Biafra' aha?

    Chukwuemeka Odimegwu Ojukwu bụ onye kpọrọ ala mpaghara ọwụwa-anyanwụ 'Biafra' n'afọ 1967.

13. 30 Mee 2018Mbido Biafra, Nke a bụ ebe Dike Chukwuemeka Odimegwu Ojukwu nọ maa ọkwa mbido Biafra.

14. 30 Mee 2018Unu abọọla chi?, Anyị na-akpọbata gị na live peeji anyị ebe anyị ga-agwa gị etu e si eme emume ncheta ụbọchị Biafra taa