Ọgụ mba Kameruun bụ nsogbu ndị Krọs Riva nwere - Ayade

Mgbe e biputara ya 27 Julaị 2018

Gọvanọ Krọs Riva steeti bụ Ben Ayade etiela mkpu n'oke olu na ndị Ambazonia chọrọ nwereonwe site na Kameroon na-ebubata ngwaagha na Naịjirịa.

O kwuru na ndị Ambazonia a na gọomentị mba Kameruun na-esi n'oke karịrị iri abụọ na asaa dị n'etiti Kameruun na Naịjirịa ebubata ngwaagha ndị a.

O kwuru nke a na ngwụcha mkparịta ụka nchekwa ha mere na Krọss Riva Steeti ebe ọ katọọrọ ndị ọrụ nchekwa maka nsogbu dị n'oke ha na ndị Kameruun.

Mgbe BBC gbara ọnụ na-ekwuru gọvanọ Ben Ayade bụ Christain Ita ajụjụ, na nke a bụ eziokwu na oke dị n'etiti steeti ahụ na Kameruun enweghi ezigbo nchekwa ọbụla.

Ndị chọrọ mwereonwe site na Kameruun — Nkọwa foto, Kamgbe Ọktoba afọ 2017 ha ndị kwupụtara mnwereonwe bụ ebe nsogbu ha bidoro

O kwuru na nke a mere ndị a ji na-abata na Naịjirịa na-ewe ụmụ Naịjirịa n'ọrụ isonye ha lụọ agha dị na kameruun site n'ibunye ha egbe na ngwaagha.

Ihe gọọmentị etiti kwesiri ime;

O kwuru na gọvanọ Ayade edegarala onyeisiala bụ Muhammadu Buhari akwụkwọ ozi banyere nke a, na-arịọkwa ka gọọmentị etiti gbatara ha ọsọ n'ichekwa oke ndị a.

O kwuru na steet na-agba mbọ nke ya site n'ike ajị n'ume ịhụ na-ebelatara oke mpụ nke mbubata ngwaagha ndị a na-ebute.